DAMUN韓國料理 (Closed)

公司聚餐，老細請客，有同事介紹呢話嘢食好味，酒款又多，仲可以book間vip房，啱晒我地。打開個menu，裡面有好多特別菜式，相片亦十分吸引！未人齊，叫住幾個頭盤食住等，嚟到一定要試下一些平時食唔到嘅特別菜式，好似呢個宮廷菜 — 九析板，用中間蘿蔔片包住周邊8款餡料，有菜有肉，睇得出廚師用了好多手工去準備，一啖食落口十分清甜可口，口感好特別，有爽脆的蔬菜，亦有多汁軟身的冬菇和牛肉等。另外叫了幾款沙律，蕃茄泡菜沙律、芝麻醬海帶沙律，同埋辣魷魚沙律，款款都各有特色，甜的、多汁的、清新的、辣辣地的，大家食完都好開胃，可以迎接以下的酒菜。主菜當然唔少得招牌菜醬蟹，醬蝦同醬鮑魚，同事們食得津津有味，海鮮好新鮮，醬油咸甜道亦十分恰當，值得推介！烤牛肋骨同泡菜炆五花腩亦非常美味，牛肋骨係全熟但一點也不dry，醬汁加肉汁惹味非常！個泡菜炆五花腩定必炆得好足時間，好腍好入味，少少辣，五花腩有少少肥的夾住，咬落更有層次。咁開心一定要開酒輕鬆下，第一枝叫了這星期新返的米酒，Label有中文字寫住「生酒」，聽講係2016韓國總統府宴客酒，飲落好醇好rich，味道清甜好易入口。之後仲叫了一枝有機米酒、一枝好清新

朋友話食韓國嘢，我即提議damun，因為之前來過知道食物質素有保證，又有些特別的韓國酒，想再來試試其他菜式。同樣地當大家望住餐牌的特別菜式同相片熱烈討論之際，我們便被經理送上的泡菜和前菜吸引住，全部由大廚親自醃製，泡菜不再只是酸和辣，而是爽脆，清新帶少少甜和辣，前菜亦不是一般韓國餐廳見慣的，尤其款白蘿蔔份外清甜開胃。 今次叫了醬油海鮮拼盤，有蟹、蝦、鮑魚，全部韓國返，聽介紹說醬油也是大廚們自家製，的確有要求！味道很豐富，海鮮十分新鮮，蟹都算多肉和多膏，蝦亦非常大隻入味，必食推介！ 我們還點了大葱海鮮煎餅，見到大廚在酒吧內即叫即煎，香脆料多，預先𠝹成細細份，得細心周到！吞拿魚沙律卷一啖放入口，餡料豐富，撈了沙律醬和面層的車厘子汁極之夾，每人兩件轉眼就消滅了這碟。 烤牛肋骨份量十足，已切成細件食落很方便，醬汁惹味，牛肋骨仍保持肉汁，不會乾身，餸酒一流。今次我們點了house wine，有黑白兩款，黑米酒之前未見過，顏色好靚味道亦很香米味，好易入口；白米酒就質感厚身些，味道也是十分清甜易飲，好味到大家唔記得自己飲緊酒 食得太開心我們後加了吞

朋友生日, 想食韓國野, 咁啱見到派傳單有間新開張, 於是一行十人就去試吓.其實開頭唔知叫乜食好, 見到佢張傳單有寫人氣 1-10, 就是但選了些試試先嚟前菜, 唔錯, 朋友話好食 (本人唔食泡菜)跟住嚟個紫菜卷 (人氣 No.6), 唔錯然後就係人氣 no.1 既雜錦煎餅, 第一次食韓式燒餅, 真係堅好食. 感覺就似日式天婦羅+港式煎讓三寶既混合體. 再嚟韓式炒年糕, 比之前我喺另一啲舖頭食既冇咁辣, 可能我唔係好食得辣, 呢個辣度反宜啱我.然後就係醬油海鮮拼盤 (人氣 no.2), 因為我唔食生蟹, 所以只吃了鮑魚, 鮑魚好爽, 好好味. 朋友話啲醬油蝦同醬油蟹好似韓國食嗰啲咁好味.生牛肉配柚子汁, 友人話唔錯.跟住嚟既係古法炸雞 (人氣 no.4), 以為好似出面嗰啲一舊舊炸雞, 點知原來係成隻炸, 真係估佢唔到. 又係好食推介.最後四碟分別係蒸五花腩, 漢堡扒配韓國人參, 魚 (唔記得咗個名) 同埋 omelette.其實個 omelette 好好食 , 我覺得應該要上人氣十大 (但係唔知點解冇.)最後仲有甜品送. 正啊~~~