韓珍 (寶勒巷)

Open Now

Now Closed

韓式Tata ，加埋流心蛋好邪惡吖！牛肉鮮味口感有啲黏調，好juicy 吖！醬油蟹，蟹膏流晒出嚟咁勁吸引，食落啖啖鮮味！真係好貼近韓國食到嘅味道，係拌飯一流嘅韓國美食！韓式煎餅，－種韓國傳統食品，泡菜餅煎得外脆內軟，濃厚嘅泡菜香，口感鬆軟。韓式泡菜拌飯，熱呼呼同香噴噴嘅米飯搭配，好美味。辣炒年糕，年糕口感軟糯，好Q彈，配埋個香辣汁好惹味，太正啦！

好鍾意食醬油蟹，要食就要去韓國人開嘅餐廳，食正宗韓國醬油蟹，想起「韓珍」，真開心，遇上，現在的醬油蟹更加大隻，體積脹了六成，而且配合牛油飯，只售$348。醬油蟹配牛油飯 $348唔只大隻咗，仲多咗好多膏，配合鹹酸辣味混合的美味醬汁，啖啖滋味！牛油飯鋪滿紫菜，仲有隻迷你生蛋，攪勻食好好味。另一至愛是韓式燒肉，全程有服務員代辦，唔使擔心自己技術唔夠。傳統韓式前菜無限添加！濟州黑毛豬五花肉 $250招牌濟州黑毛豬又係唔可以跳過，肉質結實有彈性，非常有咬口，尤其豬皮勁爽，試過就知點解韓劇裏面嘅主角咁鍾意食。調味特級牛肋條 $180韓式牛肋條以梨汁調味，酵素效應，肉質非常鬆軟。牛肉大醬湯 $98之後一個熱辣辣的大醬湯，暖胃飽肚，感覺幸福！梅子茶 $40最後來一杯熱的梅子茶，甜甜酸酸的，作為甜點的代替品，健康的選擇。環境寬敞舒適，木系喛色為主調，每張枱都有個烤爐，韓式風格；員工有禮貌，價錢合理。人

🇰🇷又喺香港發現一間正宗韓國燒烤，餐廳有最高級別1++韓牛，亦有韓式熟成牛供應。最近醬油蟹仲升級60%加大版！韓國直送勁多膏大滿足😍💭落完order之後，送上勁多韓式小碟前菜😆最欣賞係佢嘅醃洋蔥，食好多肉嘅時候超解油膩😍另外最common嘅生菜同蒜片都有提供俾你包燒肉食😋 🐮二人韓牛套餐 $1080✰韓牛肉眼扒1++（300g）✰雪花牛肉✰調味特級牛肋條✰釀冬菇伴柚子沙律✰炸蛋疏乎厘✰泡菜炒飯▫️第一次食最高級別嘅韓牛肉眼扒1++，油脂分布好平均，牛味好濃郁，口感亦都好軟熟！▫️雪花牛肉嘅油花超靚，而且入口好軟嫩😍▫️調味特級牛肋條非常惹味🤤▫️柚子沙律好清新開胃，冬菇釀咗海鮮墨魚滑都幾特別。▫️炸蛋疏乎厘好鬆軟，蛋味香濃。▫️泡菜炒飯可以打卡😆店員即席炒飯，用料好足芝士拉絲極邪惡！▫️呢個套餐兩個人非常夠食好豐富！🦀醬油蟹 $348▫️餐廳推廣加大版醬油蟹！比之前大咗60%！全部韓國新鮮直送超多蟹膏😍▫️醬油蟹奉送紫菜牛油飯，本身個飯撈埋蛋黃已經好好食，加埋蟹膏簡直一流，食到停唔到口。🍜葛根水冷麵 $88▫️清新甜甜地嘅水冷麵，食完咁多燒肉同埋醬油蟹，食返個清新嘅水冷麵解膩好重要。🍧芒果益力多刨冰 $9

好耐都無同皇上試韓式火鍋🤩， 早前朋友介紹去食這個二人餐， 勝價比好高👍🏻食材又新鮮💋。 （5⭐️最高）2位用套餐 整體（5⭐️）🤜🏻濟州豬五花肉伴大蝦鍋👏🏻當中好似食物層塔咁樣， 等層是大蝦🍤，跟住就芽菜；中層由韓式醬料醃製的五花腩肉😚；底部已翠瓜、紅蘿蔔等配菜。當職員加入秘製湯料時，可以令到五花腩慢慢溶入湯味中。雖然我唔係好食得辣，但係我都覺得呢種辣嘅滋味道係超水準的😙。 🤜🏻醬油蟹 職員將蟹拆殼、把入蟹膏加入熱辣辣的白飯，一齊攪拌。每一啖飯都充滿醬油蟹😘嘅油脂，滋味十足。🤜🏻韓式泡菜煎餅脆卜卜外層，但有微微的泡菜辣，加上秘製汁真係十分滋味😋🤜🏻紅豆麻糬刨冰小朋友最鍾意食這一款😋。紅豆甜度適中而且麻糬細細粒又煙靭⋯⋯刨冰入口感覺是綿粉狀態。好適合夏日消暑食用。👍🏻🤜🏻沙冰（朱古力及香蕉味）者兩甜度適中， 香蕉沙冰🍧加入脆片，小朋友最鍾意食💋

朋友話之前食開韓珍，話呢間嘅醬油蟹好好食，前一日即興OpenRice book左，當日職員都好貼心打電話confirm booking，我仲miss左3次，打返去態度都幾好，仲confirm我燒唔燒肉，我都窒一窒，未試過confirm Booking嘅電話要搭埋食咩，原來當日有包場，所以大家book位都預留返時間，最好諗定食咩再去啦。去到發現環境同名都唔同左，唔梗要咁照食啦。後尾落單原來一隻$348，追加多一隻加$300。點知個系統原來一定要㩒追加，㩒左x2係唔會自動有追加價㗎，大家小心❗️因為同返職員講之後就叫我揾經理，我諗住食埋先，然後途中再有2位職員行埋黎問，然後又解釋左2次依個情況，想食得安落啲就記得㩒清楚啦😌入正題先，6點入座，醬油蟹即叫即上，好食既，個味較得都唔錯，但膏唔算話特別多…個人感覺還好，唔算話特別好食。但同行既朋友就覺得同之前比冇咁好。不過依度職員都好多好勤力，見你撈梗飯食梗最後個隻就即時過黎問個兜醬油仲要唔要，想撈多少少既記得食快啲😌（當時6點4）食完醬油蟹等多10分中度，豬手就黎啦，亦係我地今次滿心期待既，黎到既賣相都唔錯，熱辣辣，仲好好打卡添👍🏻不過，就咁食完

因為期待太久，食完有啲失望都幾大落差🥺好耐之前睇youtuber介紹話呢間既醬油蟹好好食，又係正宗韓國人主理咁，所以講左好耐想食，終於有朋友生日🎂可以有原因一戰！三個女仔🧍‍♀️預約既時候已經講明有蛋糕，當日夜晚都提早30分鐘到，放定蛋糕，希望比個驚喜朋友😌餐廳好大，啲枱都好闊落，平日夜晚都好旺場，坐滿曬人，唔少都係walkin 客～我地第一次食，所以跟openrice推介熱門諗住實冇死⋯呢間野食樣樣都好大份，4人份量左右，而且擺盤好看，好吸引（所以我地都被呃了⋯）前菜任添，有6款，望落都好正宗韓國🇰🇷feel 不過有部分8點都冇晒⋯冇得加😥主食：醬油蟹+飯、泡菜燒餅、豬手、蜂格五花肉飲品：荔枝米酒醬油蟹係佢地既招牌，好貼心，有比手套🧤肉質都幾嫩，有膏，但不多，飯太硬，而且太多飯素，好咸，建議就咁食蟹，因為撈埋飯就冇味了🙈🙈泡菜燒餅幾好食，但入要既辣椒🌶️好似細個啲，冇去籽，一食到都幾辣下🥵份量好多有8塊👍🏻豬手賣相好靚仔，份量爆多，$245大大碟，我地食唔晒仲打包聽日中午lunch🤣🤣🤣配碟既蘿蔔好好味😋五花肉好似未解晒凍咁⋯硬到🙈不過燒完配生菜食真心正😎生菜得5塊⋯加一塊紫蘇葉，就少左

醬油蟹好好味😋無腥味，好入味。我哋一隻用嚟撈飯，一隻就咁食，都好飽🙈呢間不論服務質素，食物質數，都好好，環境寬敞，食得又舒適，職員之間都係講韓文，好似置身喺韓國一樣❤️蟹膏好多❤️蟹肉鮮甜，用嚟撈飯一流！！！平時唔食飯既我都想食多幾碗🤭如名字一樣，五花腩用刀𠝹成一格格，好似蜂巢格咁。第一眼見到好肥，當燒到脆卜卜，好好好味👍🏻 佢d燒肉配菜都好好味，我中意佢醃蘿蔔係簿片，好正😋😋整體OK，餅邊夠脆。略嫌泡菜有啲少，簿餅芯有dd濕。地方寬敞，坐得舒服，可以慢慢同朋友傾偈，一邊飲酒一邊燒肉，仲有店內播既kpop 歌都好新，緊貼潮流😬👍🏻 好似翻左去韓國咁🙈 今次係openrice book枱，寶勒巷分店做緊8折😜

由入門口開始體驗已經好一般，接待那位理論上識聽廣東話，我用廣東話講電話、貴姓，幾位等等，佢望一望個list 然後講咗一句說話同行3位都聽唔到佢講咩….佢再用手指向一個方向，我哋見到已到嘅朋友先知有人到咗。😓到搵人落單 枱面有個call service制，㩒咗幾分鐘後都冇人應，唯有舉手搵人幫手落單，舉咗5分鐘終於剛剛那位接待處小姐行過嚟，我哋一開始用廣東話講，佢用英文講sorry?? I don’t know Chinese. 然後我哋用英文講，佢又係一頭霧水咁，最後用最原始方法：看圖識字！但結果都係有落錯單嘅情況。另外醬油蟹嗌咗2隻for 4人食，只係俾2隻手套。埋單$1294，老實講4人食醬油蟹+燒肉呢個價錢係普普通通，唔貴又唔係平。因為份量相對係少，重點係味道好一般。睇食評咁多好評，原本有期望，係媽媽生日 佢話想食韓國嘢，結果失望而回。

好耐無食過韓燒啦🤤🇰🇷呢間尖沙咀嘅樓上韓國菜都幾正宗 有韓國人主理 食物種類都好多👍🏻除咗燒肉仲有豬手 鍋飯拉麵 醬油蟹等等😍唔想燒肉都大把選擇 叫左燒肉之後店員會火速送上六小碟韓式伴碟 同埋燒肉沾醬 上菜都非常迅速🙆🏻‍♀️🐮韓牛肉眼 150g ($365) 日本和牛就食得多啦 韓牛就真係第一次😍牛肉油脂分佈適中 全塊口感都係偏軟身嘅🐮牛味同油脂味各半 一咬落口係好香嘅油同肉味當然亦都係唔韌啦 咬兩啖就呑到luuu🥰韓牛係無經調味嘅 簡單點上岩鹽就夠了辣五花腩 ($140)成晚最中意嘅一款❤️首先醃得非常好唔會過鹹而且微辣 會想一舊接一舊咁食其次係佢完全無豬so味 肉質超好‼️雖然係有肥就膏但係食落口完全唔會成口油🥳另一款醃牛肉就相對鹹左小小啦🤏🏻最後仲有最最最矚目嘅醬油蟹😍🦀 ($250)少有嘅韓國餐廳有得食呀🇰🇷🇰🇷蟹唔算大隻 不過勝在夠新鮮同多膏🤤非常鮮甜 叫蟹會附送牛油飯🧈將隻蟹唧落個飯度 撈埋d醬油一啖超滿足 好幸福呀🥰🥰雖然價錢貴咗少少 但整體食物質素高👍🏻都坐得舒服 不過抽風系統比較一般 預左食完都一定成身燒肉味😂😂

我好喜歡吃蟹，說來慚愧，我沒吃過韓國當地的醬油蟹，加上疫情關係不可以出國，於是今天把心一橫，約了老朋友來吃韓國醬油蟹。這家餐廳面積很大，傳統韓國餐廳的格局，座位大，坐得舒服。餐牌有不少韓國菜式，有烤肉、湯等，總有一款適合你。前菜非常豐富，有南瓜、芽菜、泡菜、醃蘿蔔等。▶️醬油蟹$488我們點了兩隻醬油蟹，醬油蟹沒有一般的醬油蟹那般鹹，入口頗鮮甜，蟹黃不算多，但勝在夠甜。之後在蟹蓋上加入飯，飯本身已經有飯素和一隻鮮雞蛋。入口香噴噴，令人覺得滿足。▶️調味特級牛肋骨$230超長一片牛肋骨，經過調味之後味道果然更好，既有牛味又有醬油味。咀嚼起來又香又滋味，包上菜更正。

今次同男朋友試左呢一間位於尖沙咀超人氣嘅韓珍～揀呢間既主要原因，除左係由韓國人主理，亦因為菜式款式多，可以食韓燒、醬油蟹、炸雞或者部隊鍋等等，超正！1️⃣ 🐔甜酸炸雞 ($190)呢款炸雞真係不得了！炸粉唔會過厚，且炸得甘香可口；加上，店舖採用新鮮肉類，雞肉食落好juicy，超正！2️⃣ 🦀醬油蟹 (1pc，$250）我之前去過另一間出名食醬油蟹既店，但試完覺得都係唔及呢到高質，搞到得一直念念不忘🤤今次呢隻蟹我比足💯，唔腥，而且超多膏😍食過呢到醬油蟹幾次，但從未試過肚屙，果然呢度出品先最有保證！3️⃣ 🍜水冷麵 (小，$68）水冷麵都不錯，個湯好開胃，而d麵煙煙韌韌～每次食韓國野都一定叫🤪4️⃣ 🥚50cm長韓式雞蛋卷($158)呢個雞蛋卷好似手臂咁長，而且雞卷好厚身，中間夾住泡菜，上面淋上沙律醬同木魚片，絕對岩哂大胃王！5️⃣ 🥝奇異果梳打 （$48)呢杯梳打偏甜，但一邊食炸雞一邊飲梳打，真係嘆到爆！🔍加分位呢到防疫措施都做得唔錯，所有店員都有戴口罩～結帳既時候，店員仲會送一包消毒酒精液，非常貼心！

當日做野勁累，老公話要食好野甘岩係尖沙咀見到依間韓食有醬油蟹就即刻勾起條醬油蟹筋啦兩個人我地叫左一個燒肉set 同一隻醬油蟹先上伴菜，味道一般，泡菜都唔算出色，可以refill 架店員開完爐就擺低舊脂肪等我地自由發揮啦三款肉都好好食，夠味又嫩身反而生菜量唔夠，但再叫要加錢架而且鐘意佢已經剪到細細舊，方便包生菜烤蛋係免費送，但明顯烤太耐。。好硬身，而且無蛋味醬油蟹出場，雖然得少少膏，但隻醬油味岩岩好，唔會太鹹，溝埋d 飯食一流叫一隻，d 飯會有剩，老公用黎配埋燒肉食都唔錯

第一次去食 整體上都Ok 唔差 醬油蟹好食 海鮮雞煲足料 但如果可以再多幾隻鮑魚就更加好 哈哈 牛肉非常好食 下次去一定會再叫多一次 回味無窮 價錢係就係貴左啲 不過做野咁辛苦都係為左食 下次會再去！有好多唔記得影相，例如係帶子 我地一班朋友走去試生食 結果口感真係鮮甜，唔一定要燒先好食，然後仲有一個飯溝左蛋之後，食落去既感覺真係非常好吃，只可惜影既相睇小，唔能夠分享比大家睇，必須再次推介海鮮煲，湯底非常鮮甜好喝，喝湯都會喝到飽。

#尖沙咀 超正宗韓燒 提早2人世界低調慶聖誕本身搵果陣都已經聽過唔少人講係正宗韓燒一入到店 已經係韓文溝通 超似去左韓國咁有2-3個香港人店員 韓國人店員d英文都好流利唔怕叫野食果陣尷尬haha有超多選擇 韓燒、海鮮部隊鍋、醬油蟹、湯飯etc咩都想食~但係 一直聽到jar jar 聲 決定韓燒!!!韓式前菜好多小碟 (免費再追加都得)有酸蘿蔔(堅中意！佢係一片片簿到好似透明咁)雜菜沙律 (個醬唔係一般沙律醬 好似忌廉牛奶梳打味堅得意)豆卜(少少辣好開胃) 南瓜(好甜ah)韓國辣泡菜(一食就知係韓國正宗味道 同係韓國一樣 帶少少酸開胃 追加左2碟)- 牛肉拼盤 $320必叫！有齊3款牛烤排骨！烤裹脊！牛肋骨！勁靚女ge韓國侍應仲幫手燒細心Oppa 仲幫我剪埋d肉等我地可以一口咬無咁熱氣可以 包生菜、唔同嘅醬料調下味真心要讚係服務~搞到我地2個好似懶人韓燒咁 而且肉質一食就知係高質 唔會好似放題果d韓燒 咬唔開韓國肉少少偏甜 咬落去鬆化 唔痴牙-護心肉 $150護心肉一個不含脂肪既肉可以預防動脈硬化仲有維他命D仲可以保護肝臟所以無次韓燒我都會叫一叫護心肉部位：豬橫膈膜和肝之間ge肉每隻豬都

這是我第二次幫襯這間Korean BBQ餐廳 , 如果用openrice book位, 可以有折, 都幾方便入門口見到有一個好特別既設計, 有一位韓國名星 – 黃致列的人形公仔, 同埋一個好大的專櫃, 專賣他的CD及歌迷產品, 想必他的影迷是經常來這間餐廳聚會。而想必老板都係他的鐵粉 這裡的坐位很寬敞, 叫了一桌的食物都可以有足夠的位置擺下, 而且通道都很闊 重要的是我們吃完不會一身的燒烤味, 抽氣做得很好而且可以好懶咁燒, 因為餐廳的 service 都真係好, 員工數目很夠, 會幫客人把燒烤的食物, 在客面前燒烤及剪細, 令食物不會出現 overcooked 既情況, 浪費了食物 此餐廳最出名既是 “八色燒肉” , 分別用上八種調味－人蔘、黑椒、日式燒汁、大醬、辣椒醬、香草、咖哩和蒜蓉，醃製出八款不同顏色烤肉。因為上次食過了, 大概知自己想吃什麼, 今晚決定試新野 前菜款式有很多, 7小碟給我們, 蜂窩五花腩 Beehive Shaped Pork Belly店員先剪開一小份的肥膏, 把它在鐵板上掃出一層天然的油, 然後把五花腩放上去燒烤, 待差不多熟了細剪成一口口可以剛好入口的肉