炑八韓烤 (黃金廣場) (Closed)

唔覺唔覺，韓燒愈尼愈多，今次就試尼間分店愈開愈多既炑八，睇下佢到底有咩魅力吸引咁多人先。一坐低，幾乎都滿曬座，叫左兩杯飲品，好快就送到尼，柚子味唔多講啦，藍天使望落好特別，飲落有啲似雪碧，唔係好飲得出確實既味道。 醬油蟹（$198）醬油蟹係韓國出名之餘，韓風都吹到黎香港！炑八既醬油蟹連白飯、紫菜一齊上，蟹膏好多，蟹食落都好有鮮味，但又唔會腥。食醬油蟹首先將白飯放入蟹蓋，加紫菜加醬油同大量蟹膏一齊撈撈撈，一啖食落去真係好鮮味😍 。司令本身唔係一個好鍾意食蟹嘅人都愛上左呢道醬油蟹，咁出名真係唔係冇原因，難怪佢係韓國比人叫做白飯小偷，因為撈飯食真係一流！鰻魚（$238）鰻魚都係今次嘅新菜式，見著一整條鰻魚慢慢燒到熟，再變金黃，勁吸引！燒好嘅鰻魚好香，帶少少脆口，大家可以包上芝麻葉、點少少蒲燒醬再加薑絲去左個魚腥味。芝麻葉個味未必人人接受到，唔中意既可以包返生菜或直接食個鰻魚，都好好味！薄切五花腩($98)雖然佢話薄切，但其實一啲都唔薄，塊塊都有一定厚度架，如果你覺得齋食五花肉好肥，司令推薦大家將泡菜都燒一燒，用肉捲住泡菜食，連醬都唔需要點就夠味，加埋酸辣既泡菜解膩一流。牛胸肉($125)牛

事前已Book 位，但去到仲要等候入座(入面有吉枱的，但偏偏要我地等）安排入座後，應有的小碟沒有，起碼等20分鐘先有（超差！）叫左支tower, 但佢地送酒時，完全無意識拎杯比我地D waiter 全部都近門口/廚房勁少人會理會已入座ge 客人食物正常，唔太差有Coupon, 醬油蟹有特價，但沒有跟飯的9:30入座仲有折，大家都食到好full 好飽但可惜，服務真係好差完全無服務，d 基本野都做唔到(如一坐低，即有韓式小碟；顧大局，留意客人需要）未必會再去呢間分店！

原本被人哋post嘅相片吸引住，一心來試下，點知換嚟激鬼氣。首先原本想訂尖沙咀分店，但打咗成日電話都冇人接聽，唔知係咪唔想做生意，於是改訂銅鑼灣分店。電話訂枱平平無奇，但到步坐低就出事。等人期間多口問句有冇分時段，個侍應唔知道要去問，得返嚟個答案係 ... "你哋得個半鐘咋"  what !! 晚飯仲要係燒烤得個半鐘，去打杖嗎？？但隔離枱又有人問同樣問題，佢哋答兩個鐘，到底個半鐘定兩個鐘？還是仍有第三個答案？冇理佢，等齊人就落單。。。"呢樣係咪燒烤架？" "唔知喎，等我問問先" "呢樣有幾辣呀？" "唔知喎，等我問問先"。。。十問九唔知之餘仲咋睇唔到我哋　只係一味推我哋叫套餐，最後還是堅持散叫。坐低後一碟碟的伴菜即時端上。慕隻醬油蟹之名而來，當然一定會叫。蟹殼身比較淋，一咮就咮到蟹肉出嚟。最正是加飯入蟹蓋撈埋蟹羔一齊食～～唔知係咪驚我哋唔夠時間燒，上枱時已經燒好了，也罷，反正條魚又大又厚肉，唔乾幾好味豆腐湯落單時個侍應話幾辣，但入口另一回事，辣呢樣嘢好抽象～～無語！豬皮一碟有四塊，未食過即管試下，豬皮本身冇乜味，好有o趙頭！五花腩肉本身冇加味，所以燒完都係冇味，靠晒豆板醬。反而呢個蒜味

今日同老婆去銅鑼灣行街街。到晚飯時間見到一間韓國野，就諗起朋友曾講起。上到去格局有點似見慣的「韓燒」。我們先食過前菜，前菜有我最欣賞的泡菜，味道很有韓味之後我就試我們最其待的醬油蟹，這個食品是全晚的推介。醬油蟹的肉身充滿韓式泡料的味道，口感十分鮮嫩，最重要沒有《青》味。之後來到主菜，店內有烤肉餐和海鮮燒烤肉餐選擇，我們2個還是自量一點，點了烤肉餐。烤肉餐有8種肉食，牛肋骨，豬腩肉，排骨，牛仔骨，大蝦，雞肉，豬皮和牛笑臉。起初見到一堆肉怕肥膩。但後來發現，當中看似最肥膩的豬腩肉，一點也不油膩，口感還是爽嫩的。其他的肉也是值得一試。最後，當然是甜品時間，綿花冰也是推介的。綿花冰做到入口即化的程度……讚

見朋友係Facebook upload左d相，俾個醬油蟹吸引住，即時訂位黎，人好多好旺場，如果walk in都無得食。雖然人多，但係枱同枱之間一d都唔迫，坐得好舒服。叫完野食就上前菜，種類都幾多泡菜，大大塊，辣度適中酸蘿蔔，十分醒胃，仲有海帶添沙律，伴左芝麻醬，好清新牙菜配上大葱絲好香，全部前菜都好清新醒胃，食到咁上下，主角就到啦炑八醬油蟹（$198）跟紫菜飯，海帶湯。價錢雖然唔太平，但真係物有所值，蟹肉雖然唔算多，但十分鮮甜，仲有蟹膏，伴飯一流。另外，我地仲叫左個烤肉餐，係開爐前，店完係爐邊落左芝士，同泡菜蛋，一開火，芝士就慢慢熔，泡菜蛋就慢慢煮熟！烤好既肉沾上芝士又係另一番風味。烤肉餐有牛笑臉，牛肋骨，五花腩，大蝦，豬皮，雞肉，豬仔骨等等。店員建議以五花腩同大蝦一齊先烤大蝦，唔乾，燒完仲好彈牙，juicy，五花腩，睇落好似好肥，但食落一d都唔肥，仲好香，好好味。而個餐仲有飲品同甜品跟，真好好飽呀，甜品我要左oreo朱古力綿花冰，好大碗下，味道都好好！

首次光顧，皆因朋友們很愛醬油蟹. 一進店已有濃濃韓燒味, 裝修以卡位為主, 我們4人坐得頗舒適, 見到某些枱有5人坐卡位便很擠迫了.  我們看見鄰枱點了烤肉套餐，大大碟有雪花紋牛肉，大大隻大蝦....已很吸引，因最少要點2人份量，我們便先試2人份($2xx位)。套餐還包括飲品及刨冰甜品.漬物款式不是多, 只有泡菜, 海帶, 大豆芽, 蘿蔔, 比較清淡的...但沒有魚仔...>_<前菜芝麻醬沙律, 沙律菜新鮮, 份量都足夠4人分享烤肉套餐(2人份):牛笑臉肉、牛肋骨、護心豬肉、五花腩、大蝦(2隻), 豬皮, 雞肉.  賣相很吸引, 大蝦及豬皮最好味, 蝦肉不會霉, 不錯! 而豬皮不是車仔麵的蘿蔔豬皮, 而是像豬手好有骨膠原的豬皮, 燒烤後很美味, 不過燒的時候因油脂過多, 油份會飛彈出來頗危險(不只我們一枱中招), 鄰枱教我們可以用塊生菜蓋著來燒較安全.  至於其他肉類, 賣相吸引但.....味道偏淡沒有像其他韓燒店般淹製, 而且不帶有肉味; 另外, 肉質都一般, 未至於鞋口, 但偏乾身. 而醬料亦偏咸不辣, 都是比較愛一般店的燒烤醬油.不過爐邊的烤熔芝士及kimchi煎