船皇 (謝斐道) (Closed)

以前都成日食呢間，因為好鍾意食船麵。但香港好多地方嘅船麵湯底都整得唔好食，而可以做到貼近泰國口味嘅又通常都好貴。不過呢間嘅湯底都算幾似可以喺泰國食到嘅味道，價錢又抵，所以就成日食啦。今日去開銅鑼灣，就再食呢間。🍜重量級和牛船皇湯麵 $63本身船皇湯麵就$58嘅，但加$5就可以升級做淨和牛片，所以就$63啦。年底我揀咗金邊粉，大辣。和牛都有五六片，幾抵。湯底濃郁，好味。不過唔知點解我成日覺得尖沙咀分店嘅份量大碗過銅鑼灣分店好多。不過食完飲啖水之後都算夠飽嘅。

@kan.teen銅鑼灣有咁多良心餐廳選擇～今次去嘅呢間係泰國過江龍專門食船麵嘅🛶🙏🏻一入舖門口已經掛住幾隻pepe🤪店內主要用長枱間開比幾個客坐 所以就好容易同人地搭枱🙈講到食物質素 係有比我想像好食嘅😋.👅重量級和牛船皇湯麵 $63和牛大概有5-8塊啦🥩係邊款和牛就無講清楚啦 不過呢個價錢都預左🙈不過肉質細嫩 又容易咬開無筋 厚度就係薄身嘅 我覺得算係唔錯架啦🤪食船麵最重要係個湯底啊嘛🌟湯底香濃 食得出好重牛味🐂同埋少少藥材味✨✨上網搵翻 原來佢哋係用牛骨先煲3個鐘 再加入唔同嘅藥材同香料再熬製8個鐘🕤所以會見到個湯底有油脂同牛骨嘅精華✨✨仲會有小小嘅肉碎🤎十分惹味😋揀左金邊粉做麵底 有咬口得黎都好吸引🍜店員落單仲會問你要唔要辣 我就梗係要啦🔥食落只係微微辣 我覺得係譚仔10小辣嘅程度🌶🤣仲有份量方面有得揀大中細～我揀左大 我比較大食😆覺得普通女仔可能中size就得🤔但男仔應該就唔係好夠食👅.👅龍眼冰 跟餐 +$8好清甜 食完船麵解油膩啱曬✨啲龍眼又冇黑色嘅污糟嘢😆.👄總結可以一試👀黎試下佢個湯都好😆食物係唔錯嘅 經過可以試下支持下💛但味道就冇話超驚豔啦～——@kan.teen📍船

今日為大家介紹一間抵食黃店！係銅鑼灣都可以搵到$50幾一碗麵，仲要真材實料！無錯，我係講緊人氣泰式船麵店—船皇！雖然船麵賣相可能較普通/一般，但食得出舖頭落左好多心機。首先，湯底非常特別，係落咗牛骨、豬血、杞子等材料熬製，所以顏色較深又帶點藥材甘味，但又幾香幾有肉味！麵我就叫左金邊粉，店員話係米粉同金邊粉由泰國直接運抵，所以一定要試！食落都幾爽口👍🏻辣度我就揀左少辣，其實泰式辣椒🌶️醬唔太辣，反而帶點香，增添左香味！我加左$5升級做和牛船麵，雖然和牛質素唔差，但其實都係得4塊有少少唔抵。我反而想試返佢本身既餸，聽聞佢手打丸更正😋！建議大家+$1 加一塊和牛就好了！另外，龍眼冰真好好像，龍眼比一般餐廳新鮮同有光澤，而飲落係多左一層清甜既味道，而舖頭特意用碗裝，一嚟有特色，二嚟凍得透。黃店嚟講真係幾好食，幾高質，仲要唔貴添！