拍板小館 (Closed)

朋自遠方來,特登帶佢黎食D港式風味,入到餐廳見到裝潢以為伏伏地,原來一D都唔係!首先我地人多叫左幾款小菜,呢日仲可以食到$1鮑魚!諗住唔方新鮮得去邊.又唔係wor!係幾爽口一D都唔腥,D醬汁仲好入味~~聽講金沙茄子係招牌,所以我就叫左一份,原來都幾多下,而且茄子件件都好大舊,咬落去仲會爆汁,亦都因為咁金沙油膩感大大降低.食小菜一定要叫金銀蛋浸時蔬,材料好足,D菜索曬D味又唔會爛曬,我最喜歡食皮蛋!至於菜甫肉碎煎蛋角比一般菜甫蛋薄,所以煎出黎會脆D,佢都幾多肉碎,但我自己就喜歡厚身D,雖然係咁,蛋味都香濃的朋友堅持想飲老火湯,我地選擇左胡椒豬肚湯~一上台已經有好香胡椒味,豬肚好爽好彈牙,不過好似我呢D唔太食胡椒gei人黎講,胡椒味濃左D,所以食落太辣,想咳,至於食開gei朋友就覺得佢恰到好處超好味!!!最搞笑就係我地飲完湯都再叫多個蜆,無諗過佢份量都幾大,5個女仔都食唔曬~~成個煲90%都係蜆,所以湯底好清甜,D蜆肉都好厚好大舊,所以好抵食!人多一定要食~

姊妹飯局今晚又聚會，來到拍板小館。由於我沒有參與點菜，看見端上兩個半圓體不知道是什麼東西？？？原來是蝦籽柚皮2件，過去吃柚皮都是切碎，相不到眼前這款柚皮造型是完完整整，造型有少少驚喜感，再試埋味道都冇失望，鬆化無渣又幾好味道！金沙茄子，如想吃甘香的金沙蝦，又不想吃咁多肉，呢款金沙茄子真係平衡得到，吃金沙的甘香，也吃清淡健康的茄子。很健康的濃雞湯花膠泡時蔬，但我吃不到花膠啵！中西合壁的避風塘德國鹹豬手，很有新奇感覺，雖然舖滿紅辣椒但不辣，鹹豬手已切開小件夠味道又乾脆。$88大連鮑魚的確抵食腍滑又好味。鹹魚雞粒豆腐煲餸飯一流，豆腐吸收鹹魚香肉鮮，連「唔嗅米氣」的我也朳咗半碗白飯！每客$1的沙巴石班，實在有驚喜，我們六位，這碟有八件的香煎沙巴石班只需$6，絶對是平靚正優惠客人！吃得飽飽，想食甜品，原來還有驚喜，上Faceboook打卡有甜品送：第一擊：起初以為紅豆沙，原來是紫米露，只嫌比較淡，如果甜多點就好。第二擊：桂花糕，甜味很適合。第三、四擊：馬拉糕&薑汁黑糖糕，都好正，大家都很開心，冇諗到咁優惠！很美味滿足兩小時晚飯、免費甜品和良好服務，大家都樂透了！本想繼續聊天，但見全廳滿座，姊妹們

22/9/2016 星期四/四個人小菜晚飯四個人豪食七個餸加一個倒湯1）金沙茄子2）炸乳鴿（兩隻）3）薑蔥炒蟹4）蝦子柚皮扣鵝掌5）蒜蓉粉絲蒸貴妃蚌5）豉汁炒聖子6）蔥椒炸瀨尿蝦（起肉）7）菜心炒龍躉球8）例湯好味！整體不錯！伙計招呼周到！服務中高！佐敦有很多隱世小炒，海鮮新鮮豐富！值得推介！

上週相約舊同學聚餐，其中一位建議佐敦的拍板小館，聞說海鮮做得不錯。偶爾能與舊同學相聚，彌足珍貴，總想吃好一點、總捨得吃好一點，最後大家一致「拍板」。拍板小館位置很方便， 特別對乘西鐵的朋友來說 (即是我)，一出柯士甸站轉彎就到了。 朋友一早訂了位子， 約7點半來到，人客不算太多，可能時間尚早 (而其實是愈夜愈多人)。 細看檯上餐牌及推介，才發現拍板小館早前上了大台節目 “夜宵磨”， 店更因此推出promotion，某幾款指定菜式有 “1蚊” 優惠 (只限一道菜)，太幸運了!!百里香牛筋骨賣相很漂亮，如手臂長的大牛骨裝飾十分吸睛；牛筋肉起肉並切粒，燴得軟腍入味；百里香調的醬汁香甜，跟牛肉很配，大家忍不住立即點白飯伴菜。避風塘瀨尿蝦仔將瀨尿蝦起肉、油泡、再炒，這種食法真是第一次；喜歡吃瀨尿蝦但又怕弄髒手/ 插傷手指的人終於可以霸氣地吃而不失矜持了﹗瀨尿蝦肉加入乾辣椒和蒜蓉炒香，的確十分惹味；矛盾的是︰對於很喜歡啜蝦殼的我 (還要沾上蒜蓉啜!! )，剝了殼好像少了一點風味….. (席間夥計/老闆 (?) 徐徐走過來說我們真幸運，早兩天來貨的瀨尿蝦太瘦，「冇肉食」，因此暫停供應並全批倒掉，今天

做了openrice的CDR已很長時間,今趟終於心血來潮來寫返個食評!(其實本人亦是Batman系列電影的粉絲)之前約了幾位好友在長假期前來一個平凡的小聚,每人都帶上好的葡萄酒出席;大家商量之時,與其中一位好友不約而同地想到--拍板小館,好,就如此拍板定案吧!......畫面一轉來到星期三晚,由於一早有預約,七時許到達即時可入座,好友們亦已齊至;不知是否外面下著微雨,餐廳未算爆滿,六人竟然有九人檯坐,真的太好了!拿起菜單細看,心中盤算點幾道下酒好菜,再與朋友商量一下;決定點上金沙茄子/欖角排骨/啫啫鮑魚雞煲/椒鹽豬手等等的小菜.....正式入鏡的作為前菜有金沙茄子以及豬耳三絲;金沙茄子的茄子切得有點薄,但外面炸得夠脆,鹹蛋黃醬亦做到起沙效果,配襯著意大利的清爽白酒;酒中酸度剛好中和鹹度與油份,令本身黏韌味淡的茄子竟然多了些肉感!至於豬耳三絲整體都不錯,但生洋蔥味太搶,很容易破壞與葡萄酒的和諧性,就此略過......茄子其後上來的啫啫鮑魚雞煲,全晚最欣賞的一道菜!上檯時熱氣翻騰,啫著鮑魚同雞件,彷彿餐廳内充斥著薑蔥醬油的香味:急不及待即夾一件鮑魚來嚐嚐,處理得十分乾,薑蔥味幾乎融入整個鮑

難得老闆請客, 終於唔係去酒樓叫套餐了! 謝天謝地!今次來到佐敦一間私房菜館 - 拍板小館門面個招牌已經係一個大拍板(拍戲take1 take2 果d!) 好搶眼好吸引! 一入門口, 經理已經好熱情咁招呼我地, 服務員個個都好好笑容 nice!坐底冇耐已經上前菜, 原來老闆一早訂左菜式, 哈哈, 咁我就唔客氣啦! 食左先講! 涼拌豬肚絲 - 酸酸甜甜, 帶點辣, 麻香, 材料配搭得宜! 岩岩好!蜜餞欖角骨 - 睇落黑黑地, 食落好好味! 排骨剛好離骨, 夠晒肉嫩,又不失質感! 金沙茄子 - 黃金蝦茄子版~好味啊椒鹽瀨尿蝦 - 唔駛自己拆, 師傅已經幫你拆晒肉喇! 好開心呀!!紅燒西藏豬 - 肉多皮薄爽滑脂肪少，食多少也不覺得膩，肥瘦分層均稱，吃下十分有層次感，非一般豬肉可比！柚皮只是平價食物，肯處理的食店已不多見，拍板小館有心如此，實在佩服！今晚我地成班同事都好滿意老闆安排既飯局，睇來聽日要準時番工，比心機做野啦！

係屋企附近新開一間小店,一直都好好奇想試試,終於搵日拉大隊黎掃餐牌. 試過幾次都覺得唔錯,值得推介俾大家!!涼拌豬肚絲 - 刀功一流,洋蔥絲配豬肚絲一樣爽脆,唔錯小食前菜.麻醬四季豆 - 夠哂清涼,夏天小食佳品.金沙茄子 - 咸蛋黃唔會過咸,炸得唔油膩,必點!七味黃金粒 - 細細粒豆腐炸得外脆內軟,亦係推介小食!椒鹽鮮魷 - 佢煎炸野做得唔錯,椒鹽亦好惹味. 另外我都會點椒鹽九肚魚,同樣外脆內軟!!避風塘豬手 - 炸得極香脆既豬手外皮令人又愛又恨,肉質無過咸,送啤酒一流菜色!!!蝦籽柚皮 - 呢款傳統菜已經冇幾間做得好,呢度既絕對無苦澀味,又腍又無根,介紹俾好多老一輩都十分喜愛!! $48一件極之超值!!!酸菜魚 - 又係另一道必點菜色. 少許微辣既濃濃魚湯,每次必飲到見底. 魚肉十分滑溜,仲有其他青瓜,薯粉配菜,每次都食到清碟!!鮑汁扣原隻花膠扒 - $268又係超值,夠厚身,鮑汁又好味,每次都一定加一份粗麵撈埋啲鮑汁,人間美味!!!籠仔排骨飯 - 焗香過既排骨,配上炒過既香蔥蛋飯,其實真係好好味,可惜好多時大家都已經好飽冇機會試.馬拉糕 - 無人不讚既馬拉糕其實係附送甜品,但極之鬆