羲和雅苑

Open Now

Now Closed

星期三晚上同友人共四人飯聚此店, 訂枱要朋友親身去做,因為這店電話自兩三星期前已經沒人手接聽了, 可能同太多人訂枱, 生意做唔切有關, 環境係人氣關鍵之一, 這店有內同露台位可供選擇, 當然現在咁緊張嘅情況底下就梗無得揀啦, 落地玻璃基本上坐裡面或者外面都同樣感受到自然光線, 茶位每位$20 食物方面當然係有片皮鴨半只$328, 以3個部位分開上, 先來頸皮, 件数不多, 皮下脂肪令這片皮特別甘香, 建議沾一種近似洋式醬汁嘅赤色酸甜醬再沾上些爆炸糖碎同吃增加脆口效果, 第二部份是鴨胸片, 主要肉較多, 肉質沒有過頭, 建議沾黃芥末蜜糖醬同吃, 又一種近似西式嘅醬汁, 第三部份係鴨脾, 肉質較有咬口, 建議跟山渣糕及甜醬同吃, 比較近似平時嘅食法, 這樣吧作為新嘗試可以接受, 但同傳統的烤鴨很難作比較, 因為似係洋食多一點, 當然亦明白來這店嘅客人多半就係想試新玩法,其他點的菜式有芥末仙掌$108, 只是一個比泰式鳳爪再軟口感一點, 芥末味溫和一般人能接受,份量的骰!  但當日沒有仙掌只有鳳爪, 但當仙掌換成鳳爪之後價格跟舊, 這有點取巧吧, 因為兩種材料相差較大, 另一個乾炸馬蘇里拉拔

想食呢間北京菜好耐，佢都幾出名下，之前連續幾次想食都係full Booking晒終於今次晏就過黎就食到佢環境好好有得睇海景，個間隔亦會俾人好舒服嘅感覺。黃扒魚肚覺得超值！佢既花膠個size係差唔多有半碗咁大，仲要佢個南瓜湯吾會話吾夾個味，超級推介！苦盡甘來又一個好特別既菜，佢既苦瓜係完全吾苦，而個番茄都好甜老上海燻魚覺得都幾幾好味，唯一既缺點就係多左小小骨。如果可以無骨就perfect馳名烤鴨（半隻）佢哋烤好隻鴨就會有人過去你張枱附近切啲鴨出嚟俾你佢好特別，有三種食法，首先（最右）係鴨皮直接點果jam同爆爆糖直接食（張相我已經食左幾塊）。第二個食法（中間）係鴨肉連皮點芥末直接食。而第三個食法（最左）就係好似普通片皮鴨咁食。金沙鮮魷魚都唔錯，不過不失~蛋白杏仁露細細碗，份量岩岩好，杏仁味好香。總括而言呢間算係環境好服務好同埋食物質素都唔錯嘅餐廳可以一試羲和三寶：

今次嚟到羲和雅苑品嚐被老友高度推介的北京填鴨, 果然呢度北京填鴨的質素一流。成隻鴨分開鴨胸皮, 鴨胸肉, 及鴨腿肉三種食法。鴨胸皮配藍梅醬及爆炸糖的食法很特別, 鴨胸皮的脂肪在咬一口之後湧進口腔的口感也很不錯。不過個人都係鍾意傳統食法, 呢度加有山楂條, 都好好味。除了填鴨之外, 特別欣賞的菜式還有韮香鷄, 金沙鮮魷魚, 和蒜蓉粉絲蒸娃娃菜。老北京懶龍個名好得意, 原來是一長型包, 有點似又燒包。其他菜式如四川水煮魚, 牛油蝦球伊麵都很不錯。

回想起來，不計平時貪方便去茶餐廳，好像很久沒有兩口子撐枱腳。剛開始時，經常都兩個人去周圍吃好東西，一吃便三四個小時。兩個人，兩枝酒，好幾次都吃到餐廳要落場，最早到，最遲走。跟他一起的時間，話永遠都說不完，時間過得特別快。.未夠一年，模式變了。有時候留在家裡吃飯，又或者一家人熱熱鬧鬧，昇華了另一個層次。兩個人去吃飯的時間少了，想快點吃完便到茶餐廳，趕著下場。.最近見到這間【羲和雅苑】，特地選了一夜，提前訂枱，兩個人來吃晚飯。期待了一個星期，差不多晚飯的時間已忍不住熄電腦，出發找「他」去。.在北京開業十年的烤鴨名店—「羲和雅苑烤鴨坊」首次進駐香港，則開在尖沙咀的大型商場海港城，走中高檔路線。門面簡潔得很但又不失大雅。入面裝演走四合院及典型中國風，餐廳有大桌跟小桌，適合一家大小或2-4人前來。版安排座位口先飲啖茶。餐牌上每一版都覺得食物出品精緻美味又有特色，定價卻比預期中親民，店內除了北京烤鴨之外， 同場加映 京、川、魯風味菜，近七十款選擇。花多眼亂呀。🔹蜜汁脆芋絲 $68呢個前菜，不油少膩，但相信會係最受孩子們歡迎，真心講我都覺得真係好好食 ，炸到香脆嘅芋頭絲面頭仲要有一絲絲嘅拔絲，幾香口

好多人都以為海景餐廳是西餐的專利，原來中餐廳都一樣做到，甚至可以做得更出色﹗餐廳裝飾豪華高貴，又帶有古北京的韻味。餐牌食物選擇極多，有選擇困難症的人真的頭大了，一次基本上不能試勻餐廳主打特色小菜，所以已預了下次再來，哈哈﹗乾隆白菜這道菜令人眼前一亮，賣相一流，菜爽脆，吃下去竟然是酸酸甜甜，再配些花生醬，有種煥然一新的感覺。宮保大蝦球大蝦球用石盤器皿送上，拿上手超重手。蝦球超大隻，而且很新鮮彈牙。除了蝦球外，還有很多配料，有花生、腰果，花椒八角等，味道有層次，帶點小麻辣的刺激。馳名烤鴨招牌烤鴨提供三種食法，分別是鴨胸皮配藍莓醬及爆炸糖、鴨胸肉配芥末醬及鴨腿肉配饃皮京蔥等配料的傳統醬汁，另一種是配山楂條及紫洋蔥，兩種感覺很不同，但都一致地令人回味無窮。最欣賞饃皮皮薄煙韌，包起上來不會蓋過肉裡餡料味道，亦不會弄穿，而且數量多得可以包起全部鴨肉。金磚豆腐塊炸得金黃的豆腐外脆內軟，而且每塊豆腐都滑溜溜。金沙鮮魷魚鹹蛋黃配什麼都好吃，當然配魷魚心不例外。鹹蛋黃醬香口惹味，魷魚大大條，外邊炸粉不會過厚，內裡魷魚彈牙，想不到炸過後仍吃得出很鮮。孜然羊架羊架配上一款蛋黃醬，其實不點可以吃到更重的孜然粉味

我地一行五個人為左食皮片鴨而來, 充滿期待果然冇令我地失望! 呢度既食物賣相都好吸引, 唔止片皮鴨, 好多食物都好出色。夜晚黎到除左可以品嚐美食, 仲有靚夜景睇, 真係冇得彈。呢度既片皮鴨真係必食! 唔單止鴨皮脆鴨肉嫩, 平時一般片皮鴨只有一種食法, 但呢度就將鴨肉同皮分左三類配合番三種食法。第一種藍莓醬配爆炸糖; 第二種係傳統食法; 第三種配芥末。個人都係最鍾意傳統食法, 但另外兩種其實都幾好食而且係幾有趣既配搭!山藥亦係一個驚喜! 完全滲入左桂花既香甜, 好清新。近期好多野食都會加入咸蛋黃, 呢個魷魚就配搭得幾好。外皮好脆亦好香咸蛋黃味, 魷魚又彈牙。D湯好好味, 食咁多肉呢個白菜正好可以解下渴同油膩。黑松露好香, 幾好食。呢個都唔錯, 賣相好吸引。呢個都算唔錯, 但相比其他好似冇咁吸引。我地都唔太鐘意呢個肉餅, 雖然幾創新, 但好油膩好濟, 真係唔太好食。

今晚同朋友食慶功飯，因為朋友完左一單大Project，佢就問我有無邊間餐廳之前食過覺得好正可以再介紹比佢，我諗左一諗，然後就同佢講左呢間位於海港城海運果邊既餐廳 羲和雅苑。羲和雅苑呢間北京菜餐廳算係我腦海中一直有佔據一個位置，因為對於鍾意食北京鴨既人黎講，呢到真係一間唔錯既餐廳。餐廳環境:呢間餐廳其實位置唔錯，雖然行入去真係有小小遠，不過係你食飯既過程中會望到海架，有海景睇之餘仲有咁多美食，其實係幾chill。餐廳內既環境好唔錯，都算坐得舒服，枱與枱之間亦唔會覺得逼。餐廳餐牌巴蜀口水雞(半隻) $168雖然我本身麻麻哋食辣野，但係因為朋友好鍾意食辣，所以都決定叫一個冷盤，佢就話想食口水雞，呢度嘅口水雞都算幾辣，不過都啖啖肉，朋友話覺得肉質幾好，不過都真係有啲辣。呢度嘅口水雞價錢其實唔算平，我覺得性價比一般。栗米魚肚羹 $88我同呢個朋友都好鍾意飲湯，跟住我哋決定叫粟米魚肚羹share，一人份量嘅粟米魚肚羹其實真係大概一碗左右，不過我同朋友都叫咗好多嘢食，所以其實份量係OK。呢度嘅粟米魚肚羹算係幾真材實料，我記得我上次嚟都有飲，粟米蓉加上超級多嘅魚肚，味道好正，魚肚又有咬口，正！花蜜汁黑

今次到小女子生日🎂，朋友提議食「片皮鴨」⋯⋯⋯突然想起從雜誌中看過尖沙咀海港城開了一間新派京菜食「片皮鴨」-義和雅莊於是提議大家試下訂了晚上6:30pm, 要8:15pm 還枱。餐廳位於海港城近碼頭一樓最深入的位置⋯內裡裝修中式典雅，而且可望維港美景（忘記影相），一個一個小個室式，私人度高，可以盡情跟朋友吹水。打開Menu, 價錢不算太貴（除了海鮮時價），開始還以為份量會好少，想不到大家食到捧住個肚⋯⋯⋯首先，當然要點個招牌菜「義和馳名烤鴨」看見脹泡泡的烤鴨，真令人垂涏雖然我們點了半份，但都會整隻烤鴨在我們面前切食烤鴨除了要烤得外脆內嫩，醬料亦是靈魂所謂烤鴨三吃，就是點三種不同醬料。職員都好細心教我們如何食此烤鴨第一吃：爆炸糖+藍梅醬開頭以為只是Gimmic, 但想不到甜食烤鴨又幾好食😋。酸酸甜甜的藍梅化了鴨皮的油脷感覺。第二吃：黃芥辣醬這款點黃芥辣的烤鴨，每片鴨肉成份比較多但個人就不太喜歡配黃芥辣食。第三吃： 用薄餅包著配料同吃最傳統的吃法，薄餅皮很薄又QQ配料除了傳統的燒鴨醬、京蔥，洋蔥、蒜頭，還有山楂糕。山楂糕還是淨食更好食😋食完招牌菜，試下一些凍盤「麻辣海蜇頭」朋友們大都不吃得