江南庭敘 (Closed)

江南庭敘是我們第二次到訪的餐廳，雖然地點比較偏僻，仍然選擇是因為這是一間很好，有質素的餐廳。.重點始終是食物的品質！我們所點的食材，全部都十分新鮮，美味，份量恰當。「美味水餃皇」是我最喜歡的，有興趣不妨試試。 餐後送上了一碟生果。.餐廳環境寧靜，坐位空間很大，也有一些大圓枱可供大伙人享用，是相聚傾談的理想好地方。.店員的細心服務是難得一見，基本上我們不需要呼叫員工的幫忙，他們全部都很有禮貌，友善，主動照顧客人的需要。

辛苦工作旨在食。約埋幾個吃貨一齊來品嚐一下高質打邊爐。餐廳位於呢棟新嘅商業大廈入面，四周遼闊、空曠、有格調。入到餐廳一啲平時打邊爐搞到成身臭嘅氣味都冇，座位好闊每枱客隔得好遠，有足夠嘅空間，燈光光猛卻柔和，冷氣風口又唔會吹住，咁貼心嘅設計絕對要讚一讚！食物Menu喺個iPad度，唔使寫紙仔。除咗做火鍋之外，原來呢度亦有中式粥粉面飯供應，迎合打工仔平日午餐需要。講返個邊爐，皮蛋莞茜加沙嗲湯底$118，皮蛋芫西湯好足料，皮蛋食極都有，沙嗲湯底非常濃郁，啱晒重口味人士。桂花蚌$128、珊瑚蚌$128都好新鮮，分量唔少！金牌手切肥牛$328，切得夠厚身，有嚼勁，牛味濃郁。甘香肥牛粒$238，比起手切肥牛我更愛呢個牛肉粒。油香味出眾，牛肉夠肥夠腍，一口一粒，兩三下手勢就清左一碟。招牌四寶丸＄98，手打豬、牛、蝦、墨丸共12粒，粒粒圓渾，彈牙爽脆，讚！順德鯇魚腩＄78 ，有成10件咁多，每件都大小一樣，肉質軟綿幼滑。響鈴＄68，夠脆新鮮冇油膱味，但真係比炸千層腐皮＄68比了下去，響鈴周圍都有得食，但呢個炸千層腐皮真係非叫不可，即叫即炸，配埋泰式辣醬可以就咁食，豆香味濃，外脆內軟。怕熱氣又可以放入湯

朋友剛轉到九龍灣上班，Happy Friday 決定到朋友上班的地方一起食晚飯聚聚吹吹水。「江南庭敘」朋友說很近他上班的地方，決定就選這間精品火鍋。行到門口望入去環境真的不錯，座位寬闊安靜，沒太多人，不知味道如何🤔由外貌餐具食物到服務，都有給人精品的感覺！調味架每樣材料都處理得十分精細，大細一樣刀功一流蕃茄排骨鍋拼沙嗲鍋 - 蕃茄湯底不是選新鮮蕃茄而是用茄膏，所以顏色鮮豔，不過沒蕃茄味道，有點失色。而沙嗲味就幾香。金牌手切肥牛 - 叫得金牌手切肥牛真的唔簡單肉和脂肪比例出色，肉質嫩滑無渣油脂甘香，絕對是火鍋的靈魂😋招牌四寶丸 - 招牌四寶丸豬、牛、蝦和墨魚丸人手打出來每一粒都十分新鮮爽口彈牙，鮮味十足巧手九菜餃 - 巧手九菜餃真材實料，每一隻都漲卜卜大大粒九菜味道香濃炸千層付皮 - 炸千層付皮點醬或放湯同樣出色，跟一般響鈴口感完全不同，外脆內嫩豆味濃郁，值得一試👍🏻鯇魚腩件 - 鯇魚腩每一件都切到大細統一大大件，鯇魚味重，份量不算少油麥菜 - 油麥菜新鮮爽脆，清洗乾淨菜香吸引稻庭烏冬 - 買相吸引的稻庭烏冬，未試過是由干身煮腍，煮的時間比較長，不過口感依然煙韌彈口，相當不錯！

我曾經喺宏天廣場工作左接近三年嘅時間，都冇發現呢幢高銀金融國際中心嘅建設同存在！近日約返舊同事食飯，佢哋建議黎呢度開餐，我先知道原來宏天附近已經唔再係餐廳嘅沙漠😂上Google搜索左一下，發現原來高銀係一棟於2016年底先落成嘅高級商廈，唔怪之得入面咁新淨、設計咁簡潔時尚啦。不過可能因為啱啱起好、而我哋又八點幾先去到嘅關係，整棟大廈同附近嘅感覺都比較冷清。雖然附近咁冷清，但餐廳嘅侍應就非常熱情有禮貌，而且成晚都招呼好好，keep住添茶加水，又會幫手片走火鍋面頭啲油，超讚的餐廳環境係一流的，座位同座位之間非常闊落，而且以卡位為主，私隱度高；如果一大班人，仲有啲自成一角嘅房間，唔使怕嘈親其他食客！講返食物，我哋係睇住iPad落單的，high-tech又環保。食物選擇唔算超級多，但絕對係質素取勝。我哋揀咗招牌鴛鴦鍋，一邊係香茜皮蛋，一邊係沙嗲。香茜皮蛋嗰邊清清地但又唔會淡而無味，而沙嗲嗰邊就好濃味，略嫌佢蓋過咗食材嘅鮮味。打邊爐當然唔少得肥牛啦，我哋要咗手切肥牛同牛粒，兩款都有濃郁嘅牛味，好正！牛粒唔會切得太大粒，淥一陣就食得，而且肉質有咬口得黎又冇乜筋位，唔會咬來咬去都係渣！手切肥牛脂肪唔

今晚多得契爺帶路 又有機會食好西對於九龍灣非常熟路嘅佢 帶左我地去距離地鐵站15分鐘路程嘅甲級寫字樓內嘅一間中菜館 門口有四面佛一上電梯便見到餐廳了店員非常友善帶我地入座 樓底高坐得好舒服本以為咁靚嘅餐廳索價會好高 結果勁抵食我地㨂左雙拼火鍋湯底 沙嗲拼蕃茄湯調味料乾淨整潔又多款 有誠意二話不說㨂左手切牛 一上枱覺得勁靚又大碟本地牛入口比較軟滑 油脂分布平均重有鯇魚腩 夠鮮無腥味 重有珊瑚蚌 大大碟又夠靚 重要唔貴 超抵食雖然餐廳同地鐵站有點距離 不過食物質素好好 完全有下次