碼頭故事 (Moved) New Location

一向鐘情於火鍋既我成日都會番大陸打邊爐。但今日朋友話尖沙咀新開左一間正宗麻辣火鍋店，所以就去左試一試。場內環境好寛闊，裝修都好有中國特色。佢原來重有時段優惠。有三個唔同時段有唔同折扣。我同朋友叫左個鴛鴦火鍋-麻辣蕃茄。真係要盛讚一下佢既湯底，十分出色 ！夠味夠濃，平時打邊爐我地都需要醬汁，但食而加湯底完全唔洗！麻辣鍋果然正宗 ，有好重牛油香麻而不太辣，又唔會太油。有時出面食雞煲，麻辣鍋都會覺得好口渴同胃腸有好人負擔，佢完全唔會有！而蕃茄湯更令人有驚喜，我重以為主打麻辣火鍋其他湯底都唔會太好，但蕃茄湯底一啲都唔淡重好夠味！佢地除左湯底出色，打邊爐既食材都好新鮮！試左佢地店推薦既一米牛，好滑牛既油脂分佈得都好平均。而個爽肚出面真係好少食得到 ，夠薄夠脆。五花腩肉味好濃好好味！

2019年8月28日。尖沙咀。雨。呢日同朋友食生日飯其中一個朋友提議食呢間打邊爐～提提大家：餐廳喺寶勒巷，入咗個商場之後左手邊有上去先會到大門直行去電梯大堂嘅話會由餐廳嘅後門入餐紙有介紹唔同嘅食材要淥幾耐先食～飲品選擇大路，都係罐裝同樽裝飲品～配料非常精彩，首先每人有一罐香油，本來以為辣嘅，但作用似麻油多啲用易拉罐裝住，幾得意然後店員再攞咗三寶（蒜蓉、蔥同芫茜）上枱畀我哋自由混合，自由配搭之後再有呢兩支，醋同蠔油開始見冇豉油覺得有啲奇怪，但係撈完個醬有喜出望外嘅感覺～大骨百味湯鍋，$118因為壽星唔食辣，所以我哋嗌咗豬骨湯底唔錯喎～但有機會會再嚟食辣湯底，因為店員大力推薦～信佢！嫩滑牛肉，$98牛肉味濃，份量以$98來講算多肉質真係幾嫩滑，名乎其實手工餃子，$68有三隻餡可以揀：白菜、韮菜同埋西洋菜～我哋揀咗白菜同西洋菜，兩款都幾好～但記住唔好淥太耐，如果唔係好難夾番佢哋上嚟，哈哈脆炸魚皮，$48魚皮唔算大塊，但勝在完全冇油膱味其他配料未到嘅時候就咁當小食都唔錯～三秒海帶芽，$58呢個睇個名就知唔可以淥太耐淥得耐會消失～～所以一擺落去就撈番上嚟就差唔多喇～非常鍾意海帶獨有嘅鹹味同清爽口

因為有時會返大陸，所以知道碼頭故事係大陸係大型連鎖店，已經開到成行成市，之前一直無機會試，估唔到上個禮拜終於係香港食到！！！呢間主打既係「四川火鍋」，同香港既火鍋有啲唔同，我自己就比較中意川渝系火鍋既醬料同食法首先由環境講起，碼頭故事既裝潢好古色古香，仿中國古代客棧，除左枱椅係古風之餘，仲掛左一排排大紅燈籠，真係超有氣氛！！一坐低會先按人頭數俾香油你，另外仲有蔥、蒜、芫茜、蠔油同醋，跟住你就可以開始調自己風格既「油碟」啦～香港人可能對油碟比較陌生，但呢個係返大陸食火鍋必備既調料，亦都係點解我咁中意四川火鍋既原因油碟係指用辣椒油、麻椒油等油類為主整成既醬料，可以按個人喜好自由加入蔥、蒜、芫茜、蠔油同醋等等，我自己就除左醋之外都會加！正式開始叫野食，揀左牛油鴛鴦鍋（牛油紅鍋＋菌湯鍋），可以一次食哂辣同唔辣。安格斯肥牛＋精選五花肉，肉質好好，肉味超濃，對得起佢個價錢金牌脆毛肚，店舖推介，爽口，配埋牛油紅鍋好好食。蝦滑，幾新鮮。鵪鶉蛋＋手工青笋片，我朋友揀的，青笋片爽甜，鵪鶉蛋都OK 。茴香小油條，大推！！！可能係除左肉同毛肚之外最好食既一樣野。同油炸鬼差唔多，但係迷你版，同埋加左茴香，超香，