池記 (Closed)

今晚我們去咗旺角朗豪坊嘅「池記」食晚飯！我們叫咗幾個超值套餐：雲吞麵、豬膶粥、金衣蟹皇粥同壹桶貴妃鷄菜飯！跟餐小食同糖水：香炸鷄翼、上湯芥蘭、海底椰雪耳糖水同桑寄生紅棗蜜棗蓮子蛋茶！跟餐飲品：熱薏米水同凍檸茶！雲吞麵嘅麵質都幾爽口彈牙，雲吞皮相當薄身，蝦肉非常爽甜彈牙！豬膶粥同金衣蟹皇粥嘅粥底煲得都幾綿，豬膶都幾爽滑，蟹皇粥嘅蟹超級細隻，而且唔算太新鮮，呢個係令比較我們失望！壹桶貴妃鷄菜飯嘅菜飯非常腍身同濕，一啲口感都無，鷄肉嘅肉質都算嫩滑，而賣相亦麻麻！香炸鷄翼炸得表面好金黃香脆，入面嘅肉質好嫩滑，香蒜嘅味道相當惹味！上湯芥蘭好爽脆同無根！海底椰雪耳糖水嘅味道都幾清甜滋潤，雪耳亦軟滑！桑寄生紅棗蜜棗蓮子蛋茶嘅味道好香甜濃郁！熱薏米水嘅味道都幾清甜，加埋淡淡嘅薑汁味，都幾好味！

由於在朗豪坊上班，午飯多數在food court 解決。而池記是我的首選。原因是池記食物很好味，而且店員有禮貌又親切，而最重要的是池記出餐出得很快。午飯時間各餐廳都人山人海，池記永遠都會大排長龍，但是等位時候又不算太長，通常5-10分鐘便會有位，今天亦不例外。在外邊排了一會，知客姐姐就帶我們入座。一如以往，店員都會高呼歡迎光臨。平常我都會order雞翼飯和芥蘭。池記的雞翼真的好入味，所以永遠也不會吃厭，哈。但今天突然想試池記特色--金衣蟹皇粥，原因是旁邊的食客都點了蟹粥，所以就心思思的想試一試。叫了店員來落單，我order了蟹粥和芥蘭，同事們則order了池記出名的雲吞麵，貴妃雞菜飯，牛斤腩菜飯和一些小食及油菜。店員好有禮貌，落單又說多謝，就連覆單都會說多謝。而且好細心，告訴我們蟹粥的烹煮時間會長一點。不消一會，熱騰騰的雲吞麵已送到。很香的麻油和蝦子湯味，同事說麵很爽口，雲吞內的蝦都好新鮮。過了一會，今天的主角--蟹粥終於出場。店員一打開蓋，一陣香氣撲入鼻，已經急不及待要享用了哈哈。蟹粥內有原隻小蟹，蟹膏也很多，加上放了一些瑤柱一起煮，每一口都是鮮味!! 難怪成為池記的鎮店之寶...蟹