越男仔

Open Now

Now Closed

之前已經上網見到有人介紹，今次就決定同朋友一齊試下依間越南餐廳，果然無失望，性價比好高👍🏻首先地叫左一人一碗麵，我就試左鎮店四鳥（雞脆皮+手撕雞+滑雞件+香脆雞）椰汁酸湯檬粉😋首先黎到大大碗已經覺得好抵食😂好多配料，賣相同香味十分開胃👍🏻而湯底亦好有椰香味，飲落去又無平時喇沙咁漏，酸酸地同椰汁十分之夾～成碗麵我都差唔多飲哂個湯😋✨牛豬pho配紅蕃茄湯檬粉朋友就叫左依個麵～蕃茄湯十分之濃郁，濃到d檬粉掛到d湯索哂湯入哂味好正😍烤牛肉同豬頸肉麵好香口，好夾蕃茄湯👍🏻蕃茄味唔會過酸，味道適中。平時我好怕蕃茄湯麵會太酸，但依個麵我同朋友都食哂就知好味😝✨法式芝心蝦多士 大推大推大推！依到既蝦多士非常厚實同大份，唔同出面有時食到得薄薄一片🤭😂多士表面鋪滿芝麻好香口，而且送到黎時芝士仲要流心😍😍咬落去每啖都有芝士同厚厚既蝦肉，真心大推😍食完一舊又一舊 ✨手撕雞檬紙卷 依個不同出面米紙卷，檬紙卷皮再厚少少，口感煙煙韌韌。上面手撕雞既味道調得剛剛好好入味，而且感覺好爽口好fresh👍🏻✨三色冰 龍眼冰 飲品就正常發揮，不過要讚下兩杯野飲唔會太甜👍🏻整體黎講性價比高，而且份量都係大大碗一定夠飽👍🏻一定會

其實都唔係話好晏先去食，大約一點左右，都已經冇曬海南雞同海南雞髀，真係有啲失望。等左30分鐘，終於有得坐。一上枱就黎左2杯野飲解渴，速度都算快。之後，叫咗一個皇牌3+2撈檬，HKD 63。佢裏面有好多唔同材料，包括手撕雞、豬頸肉絲、脆豬肉、扎肉絲、烤牛肉。每一樣都幾有驚喜，其中最好食係脆豬肉！雖然佢細細粒但係味道好特別。係我會回頭再食嘅選擇。鎮店四鳥椰汁酸湯檬粉，HKD 80。老實講啦，雖然支持良心小店，但係佢真係唔好食。上面嗰塊雞皮係唔錯，但係就僅限於此。佢嘅香脆雞同埋滑雞件都唔好食，手撕雞正常。本身諗住叫海南雞髀，因為冇晒先至改叫呢個，但係如果佢啲雞搞成咁，都令我擔心海南雞髀好唔好食。同啱先嗰個3+2相差好遠，唔係特別推薦。