越男仔

Open Now

Now Closed

其實都唔係話好晏先去食，大約一點左右，都已經冇曬海南雞同海南雞髀，真係有啲失望。等左30分鐘，終於有得坐。一上枱就黎左2杯野飲解渴，速度都算快。之後，叫咗一個皇牌3+2撈檬，HKD 63。佢裏面有好多唔同材料，包括手撕雞、豬頸肉絲、脆豬肉、扎肉絲、烤牛肉。每一樣都幾有驚喜，其中最好食係脆豬肉！雖然佢細細粒但係味道好特別。係我會回頭再食嘅選擇。鎮店四鳥椰汁酸湯檬粉，HKD 80。老實講啦，雖然支持良心小店，但係佢真係唔好食。上面嗰塊雞皮係唔錯，但係就僅限於此。佢嘅香脆雞同埋滑雞件都唔好食，手撕雞正常。本身諗住叫海南雞髀，因為冇晒先至改叫呢個，但係如果佢啲雞搞成咁，都令我擔心海南雞髀好唔好食。同啱先嗰個3+2相差好遠，唔係特別推薦。