餃撚店

Open Now

Now Closed

一直都聽朋友講土瓜灣有間好好味既餃子店今次終於同家姐黎左一試，真心未食過咁好味既！招牌❗️鎮店韭菜豬肉餃個名果然冇改錯！豬肉肥瘦適中好彈口，有鮮味又有肉汁😳韭菜亦都好配上原味大地魚上湯，仲有啲櫻花蝦襯托好鮮甜👍🏻必點❗️椰香荔芋臘腸香菇餃第一次見到咁新奇配搭既餃子😽呢個真係超超超好食！芋蓉係由好香濃既椰子同芋頭混合，口感香甜綿順👍🏻臘腸油份飽滿，咬開個下臘味味道香氣四溢！配埋少少香菇粒既鮮甜，真係意想不到咁好味🤤必點❗️花雕醉雞汁/十全肉骨茶小籠包小籠包皮薄餡靚，夾起時見到入面既湯汁搖來搖去😆小籠包上方沒有包實，夾起來要小心，但細心既地方係咁樣食啲湯汁冇咁易，唔驚會燙傷口👍🏻創新既花雕醉雞汁，香醇而溫潤適中的酒味，創意得黎超好吃！肉骨茶亦有濃濃既排骨及中藥味，食落覺得兩者味道非常夾🥰我自己就中意肉骨茶味多啲啲😝必食❗️小心爆汁牛肉煎餅煎餅外層煎得金黃，本來冇預想佢有好多汁，結果輕輕咬第一啖，肉汁已經爆左出黎，多汁程度拍得住小籠包🤣牛肉餡料有好香濃既牛肉味，而且好嫩好juicy～.總結：我真係第一次食咁好味既餃子、煎餃、小籠包同牛肉煎餅！每樣野食都好滿足！

今次黎到土瓜灣 係巷頭發現一間門面好sharp醒既餐廳原來係隔離楚撚記既姊姊店 專做餃子🥟幾個鋪位連住 位置多 坐得鬆動舒服🤣✿ 京滬擔擔麵餐 $78 ✿套餐包括前菜+擔擔麵+甜品+飲品-京滬擔擔麵-湯底超濃! 加上花生碎同肉碎 花生味好重 麵底係上海麵 粗身彈牙掛汁 份量好多好大碗-椒麻萵荀-依個係巨好食😂😂😂💚如果你食過有款零食”魔芋爽“ 佢就係依個味道萵荀爽脆清新 酸酸辣辣 好開胃-桂花太白糕-甜品係依個好煙韌好似麻薯既太白糕 唔甜!-自家製清熱五花茶 +$5-✿ 鎮店韭菜豬肉餃 (湯麵) $42 ✿餃子餡料好足 隻隻飽滿 湯底有幾多款選擇 今次揀左原味大地魚湯 濃郁清甜✿ 雙重芝士栗米煙肉餃 $29 ✿餡料份量比例剛好 即使係雙重芝士都唔會好膩煎香餃子入面芝士半溶 加埋粟米粒 口感一流😚👍🏻✿ XO醬翠玉瓜帶子蝦仁餃 $33 ✿依個餡料配搭好新穎🤣蝦仁鮮味彈牙 加埋XO醬既咸香 同翠玉瓜既清爽惹咪得黎好fresh既感覺 好有驚喜✿ 小心爆汁牛肉煎餅 $38 ✿真係要小心爆汁呀! 一咬落去肉汁咇晒出黎💦皮唔算厚 牛肉餡岩岩好熟 肉質好嫩🫢👍🏻