餃撚店

Open Now

Now Closed

永不會飽日記 📔探店香港篇章-土瓜灣地道煎餅推介餃撚店 📍馬頭圍道187號地下2至4 號舖餃撚店，絕對係平靚正之選！o 爆汁牛肉煎餅 一煎得金黃酥脆嘅餅皮，包裹住滿滿嘅牛肉餡料。咬落去，真係「爆汁」！牛肉鮮嫩多汁，肉汁喺口腔爆發，令人回味無窮。餅皮薄而香脆，同豐富嘅餡料形成完美對比，口感一流！ 推薦：⭐⭐⭐⭐⭐o 沙嗲牛肉麵 湯底絕對係亮點，沙嗲味超級濃郁，惹味，令人食到停唔到口！可惜麵質唔夠彈牙，略為失色，但整體而言依然係一碗令人滿足嘅沙嗲牛肉麵。 推薦：⭐⭐⭐⭐o 蘿蔔煎餅 同樣令人驚喜，超爆足料嘅蘿蔔絲，清甜爽口，完全冇苦澀味。煎餅外皮香脆，內裡軟糯，配上清甜嘅蘿蔔絲，口感豐富！ 推薦：⭐⭐⭐⭐o 花雕醉雞汁小籠包 另一款必試之選！一咬開，濃郁嘅花雕酒香撲鼻而來，雞肉鮮嫩多汁，湯汁豐富，令人食指大動。雖然皮不算最薄，但依然係皮薄餡靚，絕對值得一試！ 推薦：⭐⭐⭐⭐總括而言，食物質素高，價錢親民，絕對係土瓜灣嘅隱世美食！如果你係煎餅愛好者，或者想試下地道港式小食，呢度絕對係你嘅不二之選！推薦指數：⭐⭐⭐⭐ 除咗以上推介，聽說餃子都值得一試！

係土瓜灣搵路途中比我係條後巷見到間餃子店🥟因為個名同身為餃子控的我捉埋個大食姨甥一齊入去試下😎雖然位置有少少隱蔽亦正正放飯時間爆爆地🈵勝在一逋三間舖位等咗5分鐘左右就有位兩款午市一人餐（小食+主食+飲品）🅰️ 粉麵+餃子（𝟒隻）$𝟓𝟖🅱️ 餃子套餐（𝟖隻）$𝟔𝟓七款麵底 六種湯底 七款小食可選 餃子亦有蒸/煎/湯 選擇困難呀我😂༯ 大白菜豬肉餃湯麵套餐༯ 粟米豬肉餃套餐同樣選蒸餃 餡料鮮嫩無過多調味雖話蒸餃但肉汁都有不少麵餐選了米線底 份量算多煙韌彈牙清湯似豬骨湯 奶白清甜無味精小食分別選了༯ 糖心蛋༯ 惹味黑醋海蜇༯ 鮮蝦炸雲吞（𝟐隻）🥧餐廳亦有點心小食供應༯ 原味小籠包 $𝟑𝟐/𝟑隻前後叫咗兩籠 小籠包控表示唔錯皮算薄 肉餡軟嫩鮮甜多汁無乜肥肉༯ 爆汁牛肉煎餅 $𝟏𝟖想切開影張相但真心爆汁咬開少少就飲到好多肉汁🤤牛肉香濃柔軟 值得一食‼️༯ 惹味蘿蔔絲煎餅 $𝟏𝟐皮酥食到一絲絲蘿蔔 有咬口淡淡的不會太濃味且不太油膩◡̈ 以上食評乃個人意見僅供參考◡̈ 價錢僅供參考一切以餐廳為準

年初六唔想食連鎖，發現呢間漆黑中的螢火蟲，一間燈火通明的餐廳。餃子店當然食最基本韭菜餃。同荃灣區及太子區餃子店比較，份量唔算大，但感受到包嘅誠意，除左湯同煎，仲可以揀蒸餃。花雕小籠包睇餐牌覺得好特別，食落係出乎意料好食。另外，菜莆偏辣，切得好細。菜就叫菜心苗，白灼火候掌握得幾好。整體嚟講，會感受到廚師有心機做，各項菜式都有精緻感，對食客嘅口感有交代，地舖都有法式享受。十四度天氣，上菜溫度不受影響，實屬難得。題外話，食完仲可以做問卷，店員親切，樂於與食客交換食後感。

同事大力推介餃撚掂bookmark左一段時間 終於有時間來訪🩶 係一家食左第一次 好快已經心心念念想二訪的餐廳～ 我點選了以下配搭：餃子：白菜豬肉煎餃粉麵底：上海麵湯底：猴頭菇蟲草花淮山螺頭煲豬骨湯餃子湯麵賣相不過不失 每份有四隻餃子 份量適中煎餃煎得外脆 肉餡與菜比例剛剛好食落唔會話滿口肥豬肉咁麵底咬落彈牙 最驚艷我絕對係湯底湯底味道出眾 真材實料難得仲有好多湯渣有住家湯的感覺(⁎⁍̴̛ᴗ⁍̴̛⁎)飲落有住家湯感覺 最清碗連湯都忍唔住飲曬～

噚日（25-12-2024 Wed）聖誕節，同老公去土瓜灣AIRSIDE行返轉先，去到見大排長龍，老公話唔排喇，而呢個場嘢食亦唔平，唔喺喥食嘢喇，反正上次喺楚撚記食晚飯後（食評係2024年11月26日刊登嘅呢篇：https://www.openrice.com/zh/hongkong/review/y-%E6%94%BE%E7%B8%B1%E5%B0%91%E5%B0%91%E5%98%85%E7%94%9F%E6%97%A5%E9%A3%AF-e5791634），送張喺喥食滿$100.00當$30.00用嘅優惠券，於是搭地鐵嚟食，我哋喺A出口沿馬頭圍道北行，好快會錯過咗佢，因為佢要轉入橫街。我哋入到去都重有位坐嘅，睇完menu，掃QR code落單，要咗個$65.00嘅一人嘅淨餃子餐同其他。3. 套餐中惹味黑醋海哲份量好少，海哲爽口正常，味道都唔算好惹味，青瓜都爽口，OK嘅。3分4. 套餐加$6.00嘅自家煲製清熱五花茶呢個係熱嘅，味道唔太甜亦唔太苦，OK嘅。4分5. $15.00嘅鮮磨豆漿大大杯凍嘅，冇得揀熱，唔太甜但豆味唔夠。1.5分6. $18.00嘅爆汁牛肉煎餅喺佢同$12

一直有光顧楚撚記集團旗下的食肆，對於在他們的餐廳的用餐體驗都印象不錯。今次試的這間位於土瓜灣的餃撚店，正正是位於楚撚記土瓜灣店的舊舖位，是一間以餃子為主題的新派餃子料理餐廳。嚟到餃撚店當然要試幾款店內獨創的創意餃子，第一樣試的是以荔芋泥和臘腸為餡料的椰香茘芋臘腸香菇餃，食客可以選擇以蒸，煮，或煎三種烹調方法，因為我哋覺得臘腸同芋頭用蒸比較夾，所以就選擇咗蒸餃。呢度嘅餃子皮厚度啱啱好，唔會太厚，厚度亦都足夠包實所有餡料，而芋蓉同臘腸嘅組合亦都相當夾。另外一款是嘅就係花雕醉雞小籠包，因為怕被湯汁燙傷，所以小籠包到咗之後我哋等咗幾分鐘先至起動，而呢一個時機食小籠包嘅溫度就啱啱好，先咬一小口，再飲少少湯汁測試溫度，第一啖已經感受到花雕酒嘅香味，之後再一啖食晒成個小籠包，味道調得剛好，唔會太鹹，都係一款值得推薦的創意料理。

上網見到有好多好評，本人又好鍾意食餃子，所以過嚟試咗一次，見到價錢都覺得有少少貴，但諗住唔緊要啦，好食就試一次，點知嚟到嘅時候真係冇咩特別。芫荽餃子唔係好香，好食過佢嘅大有人在，希望餐廳可以改善一下啦。

#20240908 💛📍 #餃撚店 @dumpling_land 土瓜灣馬頭圍道187號地下2及4號舖➖➖➖➖➖➖➖➖➖➖➖➖➖➖➖➖➖#超級芫茜豬肉餃 #蒸餃 $24#超級芫茜豬肉餃 #湯餃 $24 🫧 #清香芫茜皮蛋湯 +$8💭 呢個絕對係芫荽愛好者先會叫既配搭，芫荽、芫荽再加芫荽🤮蒸餃唔係度度都有，一場尼到嗌尼試下就發現佢係是日mvp，入面啲湯汁多到好似食緊小籠包咁，餃入面芫荽味都足，加埋湯仲有原棵芫荽係度，應該夠滿足愛荽既朋友🌿.#香菇木耳豬肉餃 #湯餃 $24 🫧 #原味湯底💭 要飲啲特別湯先要加$8轉，無咩要求其實飲佢原本個湯都正，飲得出係魚湯，同楚撚記 @chor_land 一樣都係偏濃味，難怪佢地係姊妹店🤣餃子食得出有木耳既口感，但就唔係好食得出有菇既存在，餃皮煙韌算唔錯🥟.#雙重芝士粟米煙肉餃 #煎餃 $29💭 呢個default左係煎餃無得揀，不過芝士餃有得揀都係應該揀煎會最合適，入面滿滿既芝士，咬開可以拉絲，而芝士味十分濃烈，濃烈到除左芝士就食唔出其他野喇🧀.#惹味蘿蔔絲煎餅 $12/件💭 欣賞呢度啲包呀啲餅呀係逐件叫，咁就唔使驚食唔晒要搵人夾份，新鮮滾熱辣咁上枱

今日唔知做咩好 就去左土瓜灣行下順便喺度食埋野✨花雕醉雞汁小籠包（3隻）$36皮薄得黎唔易串又超多汁😆😆👍🏻👍🏻 好重花雕味 好食 推薦呀😎✨爆汁牛肉煎餅 $18牛肉餅都好好食 個餅外脆內多汁🤤🤤 牛肉味濃得黎又係好juicy 都好推薦要食😛✨香煎蝦米韭菜餅 $12我個人鍾意牛肉餅多啲但男朋友鍾意呢個韭菜餅多啲🙈🙈 都係好juicy 同埋韭菜好多好香濃✨XO醬翠肉瓜帶子蝦仁餃（4隻煎餃）$32煎得好香口 👍🏻 餡料好新鮮 喺其他餃子舖都冇見過 但係係好食嘅 清新爽口👍🏻👍🏻 黎到都要試呀✨香菇木耳豬肉餃（4隻湯餃）$32呢個係個湯底特別 係肉骨茶湯底 藥材味比較重👍🏻 ✨東北京蔥孜然羊肉餃 （4隻蒸餃）$32呢個又係好好食 勁多汁好juicy 孜然羊肉味好香😍😍總括嚟講味道真係好好呀 全部嘢都好好食好推薦😆😆 絕對唔係鱔稿黎呀 環境都好舒服 有三個舖位人又唔多 都坐得好鬆動 仲有得自助斟水味道❤️❤️❤️❤️❤️抵食❤️❤️❤️❤️❤️服務❤️❤️❤️💔環境❤️❤️❤️💔💰午餐人均～$80（唔洗+1）

朋友話好好味介紹嘅餃子店，行過先知原來佢有三間鋪連住，真係好大，雖然喺條巷仔入邊，但好容易搵到。二話不說，即刻點咗幾個煎餃蒸餃同埋小食。可能因為我哋叫外賣，煎餃拎到返屋企雖然唔脆，但咬落多汁，唔錯嘅選擇（如果燶啲，香口啲會更好）另外叫咗個湯餃， +$8 一個燉湯湯底，味道偏鹹可以唔使加錢叫個湯。擔擔麵唔錯，香濃嘅花生味，都夠辣，嫌佢肉碎少咗啲，但一個細心位值得讚嘅，係可以加蔥加茜（因為通常都係可走，但不可加）

「餃撚店」真係咁_掂？！承住網紅級餐廳，原址新開「餃撚店」，網上見到個大名都想黎試下有幾X得。雖然開業至今都最少一年，但舖面裝修、Menu設計及餐具都好新，員工都好有禮貌，唔講真係以為佢新開張無耐。🍄重點菜「椰香荔芋臘腸香菇餃」4隻 $29呢間舖不時會推出「限定餃」，就好似呢隻咁，臘腸味十足，而且好香荔芋，非常適合冬天食。🍖十全肉骨茶小籠包 3隻 $36聽人話肉骨茶可以暖身，就叫呢個 Fusion 小籠包試吓。估唔到肉骨茶味道好重，加上佢用上豬肉，真係好似一啖食咗碗肉骨茶一樣。🐔花雕醉雞汁小籠包 3隻 $36因為太中意食小籠包，所以後加另一款featuring小籠包。要讚吓師傅包功好到家，就算我筷子用得有幾差，但小籠包都唔漏汁。而且佢好足料，一個小籠包，可以享受兩種口味。🐖香菇木耳豬肉餃 6隻 $40餃子好足料，果然稱得上係「手工餃子」。仲有睇得出佢細心位，雖然都係大地魚湯底，但因為香菇味重，所以佢湯底都相對調得濃咗！🐟大地魚湯浸蘿蔔 $28餐前小食以為平平無奇，但食落口就發覺蘿蔔煮到好淋，大地魚湯又入晒味。而且只係 $28蚊。好抵食！📍餃撚店 (土瓜灣)土瓜灣馬頭圍道187號地下2及

老友帶我嚟食呢間係位於土瓜灣嘅本地餃子店，初初聽嗰店名以為老友做乜對我講粗口，原來店名叫餃撚店。一聽個店名就知餃子係店嘅撚手美食，我哋點咗雲耳椰菜，超級芫荽同木耳香菇餃咪睇佢哋每籠得四隻，隻隻都對得住個名，皮薄餡靚。隻隻餃都真係好撚掂，經過土瓜灣不妨試吓啦。

好鍾意食餃子既我，經過土瓜灣見到「餃撚掂」即刻入去試餃子同牛肉煎餅好出色～椰香荔芋臘腸香菇餃好好味，好似新年食芋頭榚咁，餃入面充滿芋頭，每一啖都好香臘味味！洋蔥牛肉餃同牛肉煎餅，一啖開肉汁已經不停流出，超juicy~ Meun上面仲有好多唔同餃，每一款都好想試！🔸蟹籽糖心蛋 （$18/隻）🔸椰香荔芋臘腸香菇餃 （$29/4隻）🔸黑椒洋蔥牛肉餃 （$29/4隻）🔸京滬擔擔麵 （$52）🔸小心爆汁牛肉煎餅 （$38/2件）🔸鮮蝦炸雲吞配甜酸醬 （$25/3件）📍餃撚店地址: 土瓜灣馬頭圍道187號地下2及4號舖

唔知係咪因為地理位置比較偏僻，所以其實唔多人食，入到去都係小貓三四隻。但係咁嘅情況下，啲staff居然都唔係好係attentive, 完全冇主動過過嚟，亦都冇特別打過招呼。玩電話，打機，吹水講感情。啲餃子其實都冇乜特別驚喜。湯餃嚟講皮唔特別薄，甚至算厚，蒸餃嚟講又比較油，兩者上到枱都已經唔係熱辣辣。菜餅雪完已經冇乜菜味，唔太香濃。性價比低加埋態度差，我諗應該唔會再過嚟食了。

今日同朋友去試吓位於土瓜灣一間小店，叫餃撚掂😂係食餃子。因為咁啱喺我屋企附近，我朋友話想食餃子，所以帶佢去試吓。佢呢個餃子套餐幾抵👍🏻係A,B,C,D裏面每項揀一樣，有啲仲可以加錢轉😍我地揀咗呢兩個餃子都幾特別同埋冇諗過咁正🤓一個係超級芫荽豬肉 ❤️❤️❤️❤️❤️，佢咬落去勁Juice而且個芫荽味超濃，食落好新鮮芫荽味都好搶！不過我係好鍾意食芫荽嘅人真係必叫！🤣🤣🤣不過食完個口都好大芫荽味一個係香菇木耳豬肉❤️❤️❤️❤️❤️，佢呢個食得出佢個冬菇同埋木耳都好新鮮好爽口，而且冬菇味都好濃👍🏻成個餃子食落好清新。呢個都好推介。仲有我哋叫咗蕃茄薯仔排骨湯米粉 ❤️❤️❤️正常發揮同埋兩個涼菜，一個係椒麻萵筍，另一個係上湯菜心 我個人嚟講係鍾意菜心多啲，因為佢啲菜心係勁嫩BB菜心❤️❤️❤️❤️❤️👍🏻👍🏻個萵筍❤️❤️❤️正常發揮 嘢飲方面 個自家製竹蔗茅根幾唔錯清熱解毒👍🏻👍🏻飲得出係自己煲，唔會太甜 ❤️❤️❤️❤️❤️整體嚟講我都覺得相當唔錯，下次再試吓其他唔同嘅餃子先🤓🤓❤️五個心為最高分餃撚店 (土瓜灣)土瓜灣馬頭圍道187號地下2及4號舖