陸陸雞煲火鍋 (Closed)

唔知點解,仲係喜歡 打風落雨先出街食好西。 星期二 落咗波同啲friend出去食嘢， 佢哋話去食陸陸雞煲 火鍋 ， 一齊烚下烚下 。 白布街係新分店， 去到第一眼覺得個裝修好日式， 門口成個1比1咁大嘅star war figure 棟住喺度招呼你, 裏面嘅裝修畫壁都好靚 。由於我哋得三個人 ，叫咗個細嘅bb 辣雞煲， 細嘅係有半隻雞，大嘅就成隻囉。 佢嘅辣度有bb辣、微辣、小辣、中辣、大辣比你揀， 我想小辣㗎，但個friend唔食得唯有揀bb辣啦！一落咗單就好快成煲送上枱， 當然一上枱都未食得住啦，要畀時間佢滾㗎嘛， 服務員會定時定候過嚟幫你睇下煲嘢食得未， 佢仲會幫你兜勻全部雞煲， 服務員大力由底一兜， 眼見全是大蔥洋蔥 等等嘅配料， 佢一兜立即芬香撲鼻，蔥蒜味直湧鼻孔， 香氣直頭挑逗緊我嘅味蕾， 聞到都立即覺得肚餓， 服務員來來回回開蓋翻蓋兜咗幾次之後， 終於食得， 真係等死人！眼見啲雞好肥美好多肉， 唔理三七廿一，個個都夾咗件雞擺入口食， 佢個雞確實惹味， 仲好入味， 個雞由廚房煮嗰一刻到擺上煲再擺上枱係咁滾到我哋放入口食-都仲好滑。 呢個bb辣第一啖放入口真係唔覺得食緊辣，

最近陪朋友來了66雞煲佢想食好耐，所以就來了食物飲品令人有驚喜未食今日主角前先來2個小食味道十分好，特別係油條吃過2個小食後，主角來了跟店員提過，雞煲可以選擇小麻如果你不太喜歡麻辣感，個人覺得很不錯，不過偏甜，如果可以鹹一點會更好，雞肉好嫩滑，完全給麻辣湯滲透，味道好鮮又惹味食濃味的東東，怎可唔點杯飲品頗有特色，而且好大杯好夠飲再來火鍋必點的牛肉大大碟又夠抵食十分新鮮而豬肉亦好大碟好薄片雙拼丸如果可以平圴一點就好，因個人較喜歡黑墨魚丸，特別好味道響鈴好香脆，即叫即炸竹笙夠曬份量，第一次食咁巨型的竹笙，出奇地鮮，口感十足帶子同樣巨型啖啖肉，鮮又有嚼勁蔬菜籃一次過吃到多款蔬菜，新鮮喜歡吃雞煲又愛火鍋的朋友，這裡確不錯，一晚內可吃齊，不過建議成班朋友黎最開心，不但吃到多款式，又可暢飲歡聚，而且坐得舒服，很滿意呢！

呢間真係堅．好食正所謂「天氣凍凍地, 梗係要食雞煲啦」(我話既), 搵埋一班朋友一齊去旺角食..之前成日都經過, 但係又冇機會食。拿,今次終於都有得去喇..去陸陸雞煲朋友一句:「今次要食豪啲!」, 所以一入去就已經不停點菜喇!食雞煲..又點可以唔影下佢D雞呢, 今次叫左個例牌 (半隻), 原因係朋友話除左食雞, 仲要試下其他野食喎..朋友仔(其實係我)話唔食得辣, 但係個侍應姐姐話「唔辣邊好食架」, 所有就叫左個BB辣, 老實講...今次真係認同佢..少少辣真係幾OK既..侍應姐姐好有心機咁幫我煮好哂D雞, 4個人只係坐埋一邊等食! 你話喇, 咁好服侍, 0係邊搵呀?等左一陣, 終於都搞掂喇..仲影?!食啦!三爬兩撥食哂D雞, 侍應姐姐就話可以加湯打邊爐。好! 仲唔拿拿聲打邊爐咩?望一望list, 發現有好多平時都冇咩機會食既野, 真係點可以唔試下呀?叫野食之前, 仲一人叫左枝特飲, (左起)青檸梳打、柚子梳打、檸賓梳打X2即係咁..我地呢班飢民, 等唔切打邊爐料, 就已經要叫定D熟食先, 仲要係唔熱氣唔叫黎食等唔係好耐, 就已經黎齊哂所有打邊爐既料喇, 成台都係..嘩..黎! 打大佬

 開始入冬(雖則今年不太冷)，又是吃雞煲和火鍋的好日子了！餐廳基本上是全滿，我們到達時亦需候座，可見其受歡迎程度。門口擺放了菜單和椅子，供顧客候位時既可坐着等待，亦可先看菜單，我們邊看菜單邊等候，大約等了15分鐘。說真的，一間吃雞煲火鍋的地方，只要保持整潔衛生就行，不會對它的裝潢抱有太多期望，但偏偏「陸陸雞煲火鍋」卻帶給我驚喜，啡色的牆壁配上一些植物裝飾，有一種小清新的感覺，但樓梯和椅子用了紅色，所以感覺並不會沉悶。(不過桌子略小，放了雞煲後就沒有甚麼位置可放火鍋配料了，但那就是後話了。)首先就肯定是先吃陸陸雞煲了，我們之間有人怕辣，因此叫了一個微辣口味的雞煲。雞煲內除左雞之外，還放了蔥、紅椒、紫洋蔥等的伴菜，色彩繽紛，十分吸引，亦有不少如花椒和八角等的香料，香氣撲鼻而來。但捧上來並不能立即食用，需經攪拌及等候，等待伴菜焗出香氣，我們就放心交給侍應處理好了。經過一會，雞煲終於可享用了，雞塊放進口時並不會有太大的辛辣感，而是慢慢地，麻味才滲出口腔，但不會過於辛辣。吃雞煲之後便是火鍋時間！極力推介陸陸牛三拼，這個實際上有四款牛肉，包括陸陸手切肥牛、頂級美國肥牛、金錢展和牛柳粒。牛肉顏色鮮紅