BBQ Chicken Premium Chicken (Closed)

新店初開已經打算到此一試，但心知人龍一定不絕。所以都特登隔左段時間先真正到此一遊⋯點知都係要排⋯30分鐘⋯店內裝修得同一般連鎖快餐店無異，但好在唔使去櫃檯點野食，坐定定order就有店員將食物上檯。餐牌有幾款雞可供選擇，原味、辣味、芝士、蜂蜜⋯因為份量都唔細，所以兩個人都係揀左一款味嘅雞，想試多款就要等下次喇！落單之後，店員都貼心通知我地炸雞制作需時，要等20-25分鐘左右⋯其實都唔係等好耐姐，10分鐘左右，雞就可以上檯喇⋯雞未到前，餐前小食先到！酸蘿蔔、小魚乾、泡菜，當作係等主菜炸雞到前有啲野咬下咁啦～味道都ok,唔會嫌棄佢地嘅！係啲魚乾比較硬囉。蜂蜜脆片炸雞賣相相當唔錯哦！脆片係粟米片炸香，混上甜甜嘅蜂蜜，感覺好健康！雞炸得好靚，外皮脆卜卜，但咬開外皮後，雞肉仲好多汁，好嫩滑！好味！雞有分兩個選擇，呢個係$135有十件。雙重芝士辣雞確實係俾佢個芝士吸引左！個盤熱辣辣上檯，所以一定要襯熱食，因為芝士受熱後會溶，會做到芝士拉絲效果！芝士味唔濃，但勝在芝士絲拉得夠長，仲好有嚼感！但雞卻好遜色，話明係辣雞，但一啲都唔辣，味道冇特出，而且雞肉唔夠嫩滑，比較乾身。雞肉份量少，佔左一半係薯仔⋯整

準時12點開門, 預早15 分鐘到就岩岩好. 新店乾淨整齊, 但有D迫, 跟隔離好近, 而且都幾嘈下.不過洗手間乾淨又大, 雖然用左手套, 但都想洗洗手, 所以洗手間是需要的.我同友人都想ORDER 平時少見既蜂蜜脆片炸雞. 仲要多個芝士辣雞, 同甜品. 當然係超級滿足, 食左好耐啦.一坐低就上3款餐前小食, 有泡菜, 魚仔乾, 酸蘿蔔. 感覺不錯, 味道正常.奇異果梳打 (左) $30, 雜莓梳打 (右) $30 :奇異果好特別, 雖知係糖漿沖出黎, 但係飲完有陣奇異果味, 幾正幾好味.雜莓味就普遍D, 係平時飲到既味. 不過梳打有氣飲品先襯到炸雞既, 會一下去走熱氣既感覺.蜂蜜脆片炸雞 (標準) ($135) :標準有10件, 大份有15件.夠哂熱丫, 拎上手唔太熱手, 但第一下咬落去, 熱親個咀, 所以可以放一下先食. 一炸完上枱好正.係好夠甜味既炸雞, 有早餐既感覺, 其實只係炸完, 加D蜂蜜痴下早餐既脆片. 仲痴得唔實, 一路食一路跌.所以唔算好難整, 只係未見個呢個配搭. 雞肉唔乾好嫩好多汁, 炸得唔錯.只有甜味覺得好單調, 本人比較想食又甜又辣的炸雞.雙重芝士辣雞 ($9

等咗佢開好耐，尋日終於同兩個fd試咗，又幾好味worrrr!我哋叫咗三款野食，包括芝士辣雞、蜂蜜炸雞同黃金炸雞。其實頭兩款基本上好夠食，不過聽講佢個黃金炸最出名，所以我地都叫咗個標準size試吓，三個女仔食完飽到飛起～講講個芝士辣雞先。Order前侍應姐姐有提我地話都okay辣，不過我地都幾食得辣，即管去馬！果然無後悔，香辣醒胃，啲雞肉滑滑地唔會"鞋"，趁個芝士融融地食效果會好啲。呢款係我地三款食物入面最滿意嘅。蜂蜜脆片炸雞都好味道，起碼個蜜糖唔會太甜，夾番個炸雞脆卜卜嘅皮好味道。啲脆片我個friend好buy，不過我就麻麻地，下次有機會再試可能會問問佢有無得走脆片。或者有脆片先叫韓式風味掛？黃金炸雞其實味道等同蜂蜜脆片炸雞走蜜糖走脆片一樣，可以試真啲個原味。雞肉幾嫩唔鞋口，個外皮香噴噴，不過最欣賞係佢唔算太油。總括嚟講都幾正，有機會去多次會試多幾款野食同埋佢啲飲品。 I'll be back~~~~