Video
Read full review
2015-10-11
1299 views
新店初開已經打算到此一試，但心知人龍一定不絕。所以都特登隔左段時間先真正到此一遊⋯點知都係要排⋯30分鐘⋯店內裝修得同一般連鎖快餐店無異，但好在唔使去櫃檯點野食，坐定定order就有店員將食物上檯。餐牌有幾款雞可供選擇，原味、辣味、芝士、蜂蜜⋯因為份量都唔細，所以兩個人都係揀左一款味嘅雞，想試多款就要等下次喇！落單之後，店員都貼心通知我地炸雞制作需時，要等20-25分鐘左右⋯其實都唔係等好耐姐，10分鐘左右，雞就可以上檯喇⋯雞未到前，餐前小食先到！酸蘿蔔、小魚乾、泡菜，當作係等主菜炸雞到前有啲野咬下咁啦～味道都ok,唔會嫌棄佢地嘅！係啲魚乾比較硬囉。蜂蜜脆片炸雞賣相相當唔錯哦！脆片係粟米片炸香，混上甜甜嘅蜂蜜，感覺好健康！雞炸得好靚，外皮脆卜卜，但咬開外皮後，雞肉仲好多汁，好嫩滑！好味！雞有分兩個選擇，呢個係$135有十件。雙重芝士辣雞確實係俾佢個芝士吸引左！個盤熱辣辣上檯，所以一定要襯熱食，因為芝士受熱後會溶，會做到芝士拉絲效果！芝士味唔濃，但勝在芝士絲拉得夠長，仲好有嚼感！但雞卻好遜色，話明係辣雞，但一啲都唔辣，味道冇特出，而且雞肉唔夠嫩滑，比較乾身。雞肉份量少，佔左一半係薯仔⋯整
店內裝修得同一般連鎖快餐店無異，但好在唔使去櫃檯點野食，坐定定order就有店員將食物上檯。
餐牌有幾款雞可供選擇，原味、辣味、芝士、蜂蜜⋯因為份量都唔細，所以兩個人都係揀左一款味嘅雞，想試多款就要等下次喇！
落單之後，店員都貼心通知我地炸雞制作需時，要等20-25分鐘左右⋯
其實都唔係等好耐姐，10分鐘左右，雞就可以上檯喇⋯雞未到前，餐前小食先到！
酸蘿蔔、小魚乾、泡菜，當作係等主菜炸雞到前有啲野咬下咁啦～味道都ok,唔會嫌棄佢地嘅！係啲魚乾比較硬囉。
蜂蜜脆片炸雞
賣相相當唔錯哦！脆片係粟米片炸香，混上甜甜嘅蜂蜜，感覺好健康！
雞炸得好靚，外皮脆卜卜，但咬開外皮後，雞肉仲好多汁，好嫩滑！好味！雞有分兩個選擇，呢個係$135有十件。雙重芝士辣雞
確實係俾佢個芝士吸引左！個盤熱辣辣上檯，所以一定要襯熱食，因為芝士受熱後會溶，會做到芝士拉絲效果！
芝士味唔濃，但勝在芝士絲拉得夠長，仲好有嚼感！但雞卻好遜色，話明係辣雞，但一啲都唔辣，味道冇特出，而且雞肉唔夠嫩滑，比較乾身。雞肉份量少，佔左一半係薯仔⋯整體味道麻麻地。
飲品味道都係一般，冇回味地方。
由於檯太細，炸雞未食晒就已經上芝士辣雞，但根本擺唔到，就算擺到都好逼，如果想要多點個食物睇怕好難⋯唔係食唔到，係根本冇多餘空位去放。
但炸雞係令人回味，有返轉頭嘅意慾！但其他野食就⋯不點也罷。
Post
