Video
Read full review
2022-02-27
262 views
💎總評分：9.0/10-最近天氣凍☃️，想食啲暖粒粒嘅野就即刻諗起煲仔飯，記得之前有間cafe出名食日式煲仔飯，將傳統菜式用FUSION方法演釋，WFH weekday lunch馬上嚟試下😋。除左煲仔飯之外，cafe必備嘅All day breakfast、pasta 🍝、burger🍔都有，另外仲有日式串燒，一定搵到啱自己嘅口味。1️⃣ 黑毛豬肋肉日式煲仔飯 $178Lunch set 有多過10款主食，送餐湯，不過小編一心只想食煲仔飯😋。當日嘅餐湯係南瓜忌廉湯，香濃嘅南瓜味🎃，質素中上。期待已久嘅煲仔飯嚟到時有木蓋蓋住，一打開即刻冒煙，傳來陣陣香味🤤。選用黑毛豬特別重豬肉味🐖，口感鬆軟，配埋雜菌同特製嘅煲仔飯醬汁，味道一流💯。當然唔少得拮爆蛋黃嗰下快感，蛋香味成功令個飯推到更高層次🥚，值得一讚嘅係，食到最尾會有飯焦，簡直係煲仔飯嘅精粹👍🏻！2️⃣ 雙重芝士•蟹肉•焗大啡菇 $63大啡菇即叫即焗🍄，等候時間比較耐，但係完全值得！大啡菇成功鎖住水份，食落唔乾身仲好juicy，上面有雙重芝士🧀，中間夾住厚厚一層蟹肉🦀，一啖咬落去有多種質感，底部嘅薯蓉令整個菜式無咁單調，打得唔算細滑，會食到薯
-
最近天氣凍☃️，想食啲暖粒粒嘅野就即刻諗起煲仔飯，記得之前有間cafe出名食日式煲仔飯，將傳統菜式用FUSION方法演釋，WFH weekday lunch馬上嚟試下😋。除左煲仔飯之外，cafe必備嘅All day breakfast、pasta 🍝、burger🍔都有，另外仲有日式串燒，一定搵到啱自己嘅口味。
1️⃣ 黑毛豬肋肉日式煲仔飯 $178
Lunch set 有多過10款主食，送餐湯，不過小編一心只想食煲仔飯😋。當日嘅餐湯係南瓜忌廉湯，香濃嘅南瓜味🎃，質素中上。期待已久嘅煲仔飯嚟到時有木蓋蓋住，一打開即刻冒煙，傳來陣陣香味🤤。選用黑毛豬特別重豬肉味🐖，口感鬆軟，配埋雜菌同特製嘅煲仔飯醬汁，味道一流💯。當然唔少得拮爆蛋黃嗰下快感，蛋香味成功令個飯推到更高層次🥚，值得一讚嘅係，食到最尾會有飯焦，簡直係煲仔飯嘅精粹👍🏻！
黑毛豬肋肉日式煲仔飯
$178
18 views
0 likes
0 comments
2️⃣ 雙重芝士•蟹肉•焗大啡菇 $63
大啡菇即叫即焗🍄，等候時間比較耐，但係完全值得！大啡菇成功鎖住水份，食落唔乾身仲好juicy，上面有雙重芝士🧀，中間夾住厚厚一層蟹肉🦀，一啖咬落去有多種質感，底部嘅薯蓉令整個菜式無咁單調，打得唔算細滑，會食到薯仔粒🥔，不過小編反而覺得咁樣好似用少左牛油/cream，相對無咁肥👏🏻。
雙重芝士•蟹肉•焗大啡菇
$63
18 views
0 likes
0 comments
雙重芝士•蟹肉•焗大啡菇
$63
17 views
0 likes
0 comments
3️⃣ 玫瑰芋泥日式卷蛋 $58
店員推介呢款蛋糕好啱女士食，因為玫瑰口味比較lady🌹。卷蛋嚟到時，小編有少少好奇點解蛋糕唔係粉紅色，但係食落又有陣陣玫瑰味，口感軟綿，再加上中間嘅芋泥🍠，甜度適中，都真係幾啱女士食💁🏻♀️。
玫瑰芋泥日式卷蛋
$58
8 views
0 likes
0 comments
4️⃣ 法式焦糖布丁 +$15
最後發覺一個蛋卷係未滿足到小編食甜品個胃，於是就加配一個迷你法式焦糖布丁🍮。質素中規中矩，追加$15就食到都算抵食。
小店提供各類菜式，最為吸引當然係日式煲仔飯，啱哂鐘意食煲仔飯又鐘意試新嘢嘅朋友👍🏻。Menu唔只得一款煲仔飯，相信實會搵到嗰啱自己嘅口味。多類甜品都係自家製🍰，十分有心思，值得一試。
-
環境服務：⭐⭐⭐⭐
食物質數：⭐⭐⭐⭐⭐
打卡指數：⭐⭐⭐⭐
Other Info. :
🚗 餐廳係地舖，外邊有少量咪錶位，就算等唔到就咁泊街都可以望實架車。
(The above review is the personal opinion of a user which does not represent OpenRice's point of view.)
Post
