雞匠 (Closed)

平時食開牛既我，今日想清清地食返d白肉但係尖沙咀同女友人行來行去見到既都係d日式放題啊，韓國燒烤，印度野同西餐多。 就正當我同女友人行到腳都攰既時候，就比我地有如海市蜃樓般發現呢間係轉角位既隱世小店 佢係一間主打海南雞飯既小店，門面有d似日本既居酒屋feel, 點內唔算好寬敞但勝再d野食出眾！ 咁我地就叫左個298 既2人餐揀左個海南雞，爺爺閔大啡菇跟油飯前菜方面就有雞湯，燒赤蝦同雞湯雙丸... 以2 人份量黎講都好足夠好飽， 佢地海南雞去晒骨好入味個大啡菇係用牛腩汁閔既，好冧夠晒濃味跟住佢個油飯就真係不得了！！完全係喜出望外！好好味的說！ 加埋d酸汁撈埋食真係一流最衰無得添飯 如果唔係佢地d油飯應該會售罄整體黎講所有野都好清淡好好食 會再黎

有一次去一盛極牛吃拉麵前，朋友未到的時候我隨處亂逛，看見雞匠這店以雞作主打，好像挺有心思的，心想下次和朋友來吃也好，所以默默記住了雞匠。然後今晚朋友問我想吃甚麼，我滔滔不絕說要吃雞匠，最後當然成功說服他來吃。兩個人的話最化算一定是吃二人套餐，選擇比一人套餐多，包括雞湯，燒赤蝦，雞湯澳洲牛丸，墨魚丸，兩款主菜及飯，一起分享吃最好不過。沒想到第一道熱騰騰的雞湯已經出色萬分，雞湯味道濃郁，應該用了不少雞隻逼出其精華熬煮才會這麼濃香，雞味十足，簡單的撒上蔥花，蝦乾，已能感受到湯的鮮美。朋友說這湯熱得很，我竟然可光速喝畢，我說好喝嘛。雞湯澳洲牛丸和墨魚丸又是另一推介，保證一吃難忘。之前我在某戲院的小食部所買的澳洲牛丸超好吃，雞匠居然有，而且是一模一樣，實在驚喜。澳洲牛丸比普通的牛丸更爽口彈牙多汁，因為它除了以牛肉打製，亦混合牛筋，爽彈度不是蓋，加上雞湯的加持，澳洲牛丸鮮上加鮮。墨魚丸亳不遜色，滿有彈性，跟澳洲牛丸雙丸合璧。整碟招牌去骨海南雞極具厚度，雞皮誘人的光澤，加上彈力無比的嚼感，朋友吶喊如果天天吃這海南雞應該百吃不厭，哈哈。海南雞肉吃起來極之新鮮，肉質滑嫩，沾上特製的蔥油與甜醬油吃，可謂妙

知道呢間餐廳少位，早兩日訂枱，留起左龍蝦同牛舌心。今日天氣好熱，熱到根本冇法係街上面等到七點半。最後，憑住意志力黎到雞匠！入到去，座位真係好少。如果冇記錯應該係二十個位以內。好在有訂枱！一開始誤會冇訂枱，嚇死我！因為我好肚餓呀坐低就同waitress 講聲先落左訂左個兩樣野。由於已經有兩樣野食，我就叫多左個一人餐，燒雞皮~先上一人餐包括既 雞湯唔係講笑，好好飲！冇味精呀！加上少少 櫻花蝦 調味 呢個湯好好飲大家一定要去飲！估唔到第二道菜就係主角 天婦羅龍蝦上菜時係分開哂，我將佢疊反好，令佢美觀啲不過 240蚊黎講，得四舊就真係少左啲啲...炸漿厚身，令龍蝦味幾乎冇左右手面有個蒜蓉牛油比你沾，幾特別第三道係一人餐包括既招牌海南雞，仲有碟油菜，冇影到我估佢呢隻雞同佢個口水雞係同一款，所以啲肉好乾身，個油飯都真係倒得出油以海南雞黎講可能要改進下，或者我可能唔好彩食到隻乾身啲既雞最後有牛舌心，同燒雞皮！牛舌心好食到唔記得影呀！Juicy!雞皮燒到岩岩好！推薦！希望下次貴小店會有好食啲既海南雞

前排病左一段長時間，同雞可以話係絕緣，行過正好比我遇見呢間雞匠～好耐無食海南雞啊～～鋪頭細細，其實都係得六，七張枱～唔怪得見有人突登訂定位。睇完餐牌，都係二人餐最抵食，可以試多d唔同既野，燒蝦我都好鍾意嫁～～✨聞落已經好香既雞湯味，飲落好清甜，唔係味精湯既感覺。加左蔥花同櫻花蝦，吸引度大增✨飯可以㨂油飯，色澤金黃食落唔油膩，不過香矛味比較淡，如果係有味飯我會更加like。✨海南雞份量都幾多，肉質算幾滑，雞件比較厚身，食落非常啖啖肉。醬汁方面深色果款係甜的，我比較鍾意另一款，好香蒜味又有少少辣辣地惹味好多👍🏻不過比較頸渴，要整多罐汽水嘆下先爽。✨食食下發現原來有芽菜鋪底，唔怪得好似好多咁😆不過d 芽菜索晒雞油香，都幾好食。✨雞湯墨魚丸：size 好大粒，食落都好彈牙，有淡淡既墨魚味，再濃d 再加分✨燒赤蝦：呢個真係好抵食，無諗過有手板咁大隻😱散叫都要四十幾蚊嫁！ 隻蝦肉質結實幾鮮甜，鹽燒真係無得輸😍回味無窮✨赤魚雜菜煲：呢個煲真係好耐熱，食極都係好鬼熱😆，入面都真係好足料，雞湯比之前既濃，但油份較重。✨我最鍾意食腍既菜，無牙婆都食到果種😍😍😍入面既娃娃菜，白菜，菜芯，翠肉瓜，秀珍菇，索晒

今日與朋友尖沙咀行街購物，行經柯士甸路雞匠，見到雞匠的招牌去骨海南雞十分吸引，於是決定試嚇雞匠的雞。雞匠舖位不是很大間，但裝修精緻優雅，令人感覺心情舒暢，十分舒適。餐廳名叫雞匠，招牌菜肯定是雞了，我們一於來個全雞宴。真是十分期待呢。要了2個一人套餐，蜀味口水雞及薑蔥霸王雞套餐，配油菜，湯，油飯或白飯。先上的是乳白色的雞湯，味道十分清甜。蜀味口水雞套餐$78。飯與雞是分開裝上，面上鋪著芝麻，蔥及花生，還有少少適中可㸃的雞匠秘製醬汁，即是口水雞用的口水汁，由陳醋、紹酒、花椒油、茴香等10多種材料調配而成，辣得刺激！配上花生粒、芫荽、芝麻，十分香口。 口水雞的顔色金金黃黃，還有那盛載口水雞的餐具，是用上LeCreuset為餐具，LeCreuset餐具顔色帯著棗紅色，真是典雅又美味，又精緻優雅又帶著古典的味道，真是除了視覺與味覺的享受，還有心裡面的享受。嘩，真是見到經已垂涎三尺，口水雞帯著芝麻，蔥，花生，紹酒、花椒油......等醬汁，非常嫩滑多汁及入味，真是勁贊呀。薑蔥霸王雞套餐$78。霸王雞面上舖了綠油油的蔥，適量的秘制醬汁淋於雞面上，薑蔥霸王雞雞味濃郁多汁。要了一個白飯及一個油飯，油飯顔

朋友介紹尖沙咀柯士甸路雞匠的雞不錯，今日來到尖沙咀，所以就到雞匠試吓。原來雞匠舖位不是很大間，门口挂了很多日式燈籠，满带着日式的味道。雞匠的套餐有2款，一款是二人套餐，一款是一人套餐。我们要了2個一人套餐，薑葱霸王雞套餐和蜀味口水雞套餐，配油菜，湯，油飯或白飯。帯奶白色的雞湯，十分清甜好味。薑葱霸王雞套餐$78。霸王雞肉質嫩滑多汁，與面上的香蔥一齊食，帶著葱的香味十分好味及惹味。蜀味口水雞套餐$78。蜀味口水雞面上铺着芝麻，葱及花生粒、芫荽、芝麻，令嫩滑的多汁的口水雞更添美味。我們要了一個白飯一個油飯，油飯帶着雞油，香蒜、鮮黃薑、蒜頭..... 等的香味，真是滿口餘香，十分美味。菜心也十分嫩及新鮮清甜。