二鍋頭 (福苑)

Open Now

Now Closed

評分： 4.3 / 5 🔥🔥🔥🔥抵食雞煲火鍋放題‼️ 尖沙咀旺角都有分店，無限添食既雞煲／酸菜魚／羊腩煲連火鍋套餐。想同朋友食啲有質素又性價比高既火鍋／雞煲放題，呢間餐廳就岩哂❗️大概120分鐘既放題套餐，先揀雞煲、羊腩煲定鴨煲，呢啲前置煲類食品可以無限添加。食夠先揀湯底打邊爐，放題價錢由$200- $300 /人不等💰收費基於套餐包含既牛肉品質而定，比如今次我同朋友揀左中等級數既安格斯牛套餐，價錢每位$300 (連加一），套餐同時包括無限量供應蔬菜、飲品與甜品 🥬🥬👅 雞煲+安格斯牛火鍋放題套餐 ($295 / 人）食左兩輪雞煲，唔夠喉就叫人再比多煲新既 😋雞煲叫左小辣，十分足料惹味，肉質幾嫩，啲汁好濃郁，食到3輪先停到 🤤食完雞煲，就轉鍋打邊爐 ✨ 今次簡左四川麻辣湯底，用黎打邊爐一流 ❤️‍🔥 中間上左幾份安格斯封門柳、牛板腱、牛胸膜等， 餐廳並唔吝嗇，唔會淨上薄薄既牛肉片，而係每份都有幾片厚厚既、色澤鮮紅既牛肉，其中比較推薦牛味比較濃厚既牛板腱 😋餐廳有自助取餐區，可以拎配料如丸類、蔬菜、香腸等等。另有飲料甜品區，自助拎唔同飲品如果汁、茶以及雪糕等，總之就係大滿足既一餐️🥰======

見好耐冇食雞煲今日同朋友一齊出去旺角食飯決定去食呢一間 任食雞煲+湯底火鍋🔥由於book咗6:30一入到去餐廳人流唔算多 （食到一半就開始人流多😆）餐廳座位距離適中 座位環境舒服😌⭐️餐廳用剔剔紙落單 -🔥火鍋。雞煲。鴨煲 $218@✨任飲任食2 小時 ✨-🐥Part 1 雞煲🐥我地先揀咗食雞煲😋上菜速度好快剛叫完就很快上菜 店員端上雞煲後 亦會幫手炒一炒啲雞肉 由於唔係好食得辣😂 淨係叫咗少少辣🙈但個辣度都好香 好惹味 雞肉size 件件都好平均 好入味😋 都好大舊 肉質都唔好好鞋 👍🏻👍🏻 食完會想再食 🤣 前後食左咗兩轉😛--🍲 Part 2 湯底火鍋 🍲心大心細 唔知揀咩好 最後都係+$20 轉鴛鴦湯底 香茜皮蛋湯 & 川椒麻辣湯 火鍋配料款式豐富 除左可以用剔剔紙之外仲可以去食物自助區拎取食物去打邊爐 特別推介呢幾樣食物較好食😋 👉🏻 美國肥牛：脂肪比例較重 較香👉🏻 鮮滑牛肉：手切牛肉 比較鮮嫩👉🏻 脆鯇魚片：唔算多骨 食落爽脆👍🏻 👉🏻 鮮蝦雲吞：皮薄餡靚😋 -⭐️食物自助區 要行去另一邊 有基本的肉丸 即食麵 炸魚皮 蔬菜類 特別喜愛 魚肉年糕✨✨ 內裡的麻糬好煙韌😍😍

成班兄弟好耐無見過面 最岩就係打邊爐 圍埋一齊飲酒吹水 我就揀左上次試過既二鍋頭 不過今次係旺角既分店一入到去環境都幾舒服 檯與檯之間都好闊落 由其係依家呢個抗疫時候 座位距離都好重要呢度同尖沙咀一樣都係有任食雞煲同埋鴨煲講真我覺得呢間比較好食 味道比較重d 尤其係個火焰鴨煲 侍應哥哥"咋"一聲倒d酒落去 又好睇又好食 雞肉同鴨肉都好煮得好入味 好滑食完兩個煲 其實已經有d飽 佢仲會換個新既湯底俾我地打邊爐 有幾十樣火鍋料再加出面既自助吧(飲品同甜品) 記住記住要嗌白鱔片 勁好味又厚切 佢仲會無限量供應 淨係食呢個都回哂本最後 食埋個甜品 真係極度滿足 仲有仲有推薦大家要試下佢呢支有氣水 我個人未見過出面有得飲 佢係0卡路里 飲得開心又健康

去到旺角，一早已經想食任食火鍋，今日即使係星期4既夜晚，人流一樣多，座無虛席。我今日是2個半鐘，任食雞煲/鴨煲及火鍋。2個半鐘其實唔錯，平時常見的90分鐘，其實有點趕。2個半鐘就可以慢慢黎。我地選了雞煲，辣度可以自由選擇。選了小辣。雞煲炒得好香，加上洋蔥等等爆香。而且有鳳爪係裡面，可以慢慢食。個人好鐘意食鳳爪，因為好吸味。十分香口。到了火鍋時間，先選湯底。再揀配料，選單上的款式已經好多，肥牛等等常見，以致帆立貝，海蝦，魷魚，應有盡有真係好正。選單外，仲可以出去拎，大大個雪櫃。菜，丸，菇，魚片，應有盡有。而且一叫就黎，上菜好快。飲品都係任飲，款式之多，汽水有，清熱既都有，任揀。今次叫了豬骨濃湯湯底真係有舊大豬骨👍好正架。食材既料都好迎鮮，蝦，估唔到係咁大隻。最愛既肥牛，肉質都好好，食落牛味重，下了2次單我都有叫肥牛。墨魚滑實在係必點，啖啖墨魚粒，好爽口彈牙。仲有係鮮蝦雲吞，真係足料鮮蝦。疫情稍有好轉，好耐猜外出邊爐，總覺得外出邊爐係有一番風味，係屋企自己邊盧比唔上的。好開心既一餐。原來尖沙咀都開左分店，埋單仲有優惠卷。另外仲有搓手液送，係打邊盧既同時，都要注意手部衛生先得。

最近一直都好想食火鍋，特別係任食火鍋，想食幾多都得，又可以揀自己鐘意既食物。火鍋店之前一直受疫情影響，而家晚市放寬，決定大大力支持下先。2個半鐘既任食，時間岩岩好，唔洗咁趕先決定雞煲還是鴨煲。雞煲就是正! 炒到香，為整餐黎一個開頭。 到火鍋既部分!先揀湯底。再選配料。配料之多真係想食咩都有，由一般火鍋必備的牛肉，豚肉，到其他食材都有。光是餃子已經好多款，好多都想試。不過記得食得曬先好叫呀! 而且好多仲好特別，實在係令人相當高興。火鍋料亦好新鮮，食材都有一定質素，十分唔錯，加上其實上菜都幾快架，下單沒耐已經有得食，岩曬一眾大胃王，可以把握時機食多D。 我自己好鐘意食肥牛及牛柏葉既。不停叫，真係好耐都冇試過可以食到咁盡興。 早排香港既食店都受疫情影響，火鍋店受到既影響就更大，不妨都大力支持下佢地，同時亦比自己享受下，畢竟好耐冇試過大吃一頓。仲有仲有，就係二鍋頭優惠卷！

最近天氣凍左同朋友一樣都想打邊爐🍲本身想食第二間既但full曬😳所以就喺open rice喪搵第二間有得打邊爐嘅地方。就係咁， 搵到依間有成三百幾個好評嘅打邊爐店。 初頭都好驚全部都係打手因為一個負評都冇， 但去完之後就發覺其實二鍋頭有咁多好評唔係冇原因😛 因為CP值真係好高😻 入到去會先上調味料盤同埋比兩張紙仔你填，第一張係任食雞煲或鴨煲， 第二張係自選火鍋湯底。 佢會先上雞煲後上火鍋🐔雞煲我哋揀咗小辣，如果你平時食開譚仔三小辣/小辣的話就會覺得呢個小辣唔夠喉， 如果再有下次會嗌中辣🔥🔥雞煲其實就不過不失，不過服務真係好好😍 會有人嚟幫你撈勻啲雞，同埋食到一半同朋友都想轉打邊爐時，侍應會幫我地撈起曬啲雞落一隻碗到比我地之後慢慢食。至餘火鍋我地嗌左懷舊沙嗲鍋。 對得住呢個價錢😆 火鍋上面一啲大路啲嘅料就可以自助吧度自己拎，例如丸呀菜呀即食麪等🤤之餘一啲肉類或者common啲嘅海鮮就要喺紙上面落單😊 食材正正常常，都係嗰句對得住依個價錢。 佢每次有限你只可以嗌十樣免加錢食材嘅， 但其實落咗三轉單已經好飽喇， 加上又有自助火鍋選料櫃🍲同埋始終係貪依度cp值較高所以同朋友都冇特登加額外既錢去

秋風起，又到打邊爐時間！今晚，我們揀了近旺角中心、出名性價比高的「二鍋頭」開爐！打邊爐前，先嘆一鍋雞煲！雞肉入味又嫩滑，但由於我們今餐目的是嘆火鍋，所以快快吃完後即轉火鍋！由於我們都不好辣，所以湯底就選了清新的滋補藥膳鍋！火鍋料選擇豐富，不用加錢的約33款，想吃什麼任剔任食！侍應上菜很快手，而且無漏單情況，抵讚！當中心水必食推介是海蝦和帆立貝，吃得出其肉質勁新鮮！另外，鮮雞片亦非常嫩滑，沒有因為任食而將貨就價提供次貨給食客！除了餐紙點食物，你亦可自己到點餐區夾肉丸和蔬菜等火鍋料！飲品方面，有汽水、果汁和烏龍茶！最難得的是，任食火鍋竟然有免費啤酒提供，正！最後，當然要嘆埋甜品才肯收口！

今天到旺角和朋友聚舊，他很餓可以吃很多，所以我們到了一家我一直也很想試的二鍋頭 他們家是任飲任食，有雞煲、鴨煲、火鍋、雪糕和飲品！我們點了小小辣的雞煲，雞的味道非常好，調味得很不錯，連伴菜的蔥也很入味，有雞味，所以伴菜我們也吃的乾乾淨淨！吃完雞煲就試試他們的火鍋，點了香噴噴的沙嗲湯底，加上豬肉和牛肉片的味道非常配，我們不知點了多少個回合了，大家都吃得非常滿足！最後甜品有雪糕，我們嚐盡不同的味道，渡過了一個很滿足和愉快的晚上！

今晚朋友帶我來二頭鍋無限任食雞煲+邊爐$198，可以揀雞煲或者火焰鴨煲。而我地揀左我至愛既雞煲，雞煲無限任食真係一大賣點。店員係雞煲上枱時會幫忙翻炒熱，雞肉入晒醬汁味，香濃嫰滑，相當惹味。夾完一件又一件，所以一轉既雞煲好快已經清晒。由於自己真係太耐冇食雞煲關係，所以忍唔住叫多轉雞煲。估唔到叫多轉既雞煲係係用另一鍋再上，不存在食第二轉食雞份量會少左既問題，雞腳同樣有四隻 。之後再揀川椒麻辣鍋湯底打邊爐，自己好鐘意食菜，例如:鮮萵筍、金菇、通菜、蘿蔔，嗦晒麻辣鍋湯底，刺激食欲。特別推介浸完麻辣鍋豆卜好入味，一咬爆汁﹗飲品選擇多元化，有涼茶又有汽水，而我至愛涼粉爽。最後就食埋兩杯香芋雪糕，十分盡興﹗

是日晚餐:-惹味雞煲-自助任食火鍋原本沖住"自助任食邊爐"先入去餐廳, 點知一坐低先知原來係"先雞/鴨煲, 再打邊爐"!-惹味雞煲除左雞煲/鴨煲, 可以揀辣度, 最起碼係小小辣~雞滑, 應該有半隻雞; 雞油不斷滲出, 變相keep住爆炒洋蔥, 所以成個煲都好香-自助任食火鍋湯底是另外選, 有8種湯底, 今次試豬骨湯, 有兩好大嚿豬骨同粟米,紅蘿蔔; 肉類及海鮮係畫紙仔點, 另有蔬菜櫃, 飲品櫃, 雪糕櫃淨係肉+海鮮都有33樣, 而且有好多都比較冷門, 例如吊桶仔, 鮮鵝腸蔬菜櫃係兩個大雪櫃, 種類同其他火鍋舖差唔多, 都係豆腐, 生菜, 蘿蔔, 豆卜等等...飲品櫃有涼茶, 啤酒, 汽水總結: 好抵食! 但係比較難搵~

雞煲同邊爐真系缺一不可呢間二鍋頭真系滿足哂2個願望二百零蚊一個人就已經任飲任食確系唔錯既選擇雖然依排比較少人打邊爐但餐廳座位好闊絡所以更加食得安心雞煲嗌左小小辣雞件舊舊都幾嫩滑唔會太鞋邊爐湯底今次就試左懷舊沙嗲湯一黎到已經聞到勁香濃既沙嗲味沙嗲好百搭同所有火鍋料都好夾好惹味餐廳分左點菜紙同自助吧兩個部分黑豚肉新鮮，肉質比牛肉更好味花枝片好爽口又彈牙帆立貝大大粒幾有鮮味墨魚滑咬落啖啖墨魚肉鮮鵝腸超級爽口勁好味而自助吧可以揀唔同種類既食物有丸有菜有菇，仲有炸魚皮響鈴烏冬等等真系好多唔同既種類另外值得一提佢既啤酒系任飲，好正仲有雪糕同雪條無限供應芋頭味雪條食落好有芋頭味值得一試整體CP值真系好高如果想簡單打個邊爐同雞煲依度真系不二之選

最近天氣凍左好想打邊爐，行旺角咁岩經過見到呢間二鍋頭，見到價錢ok 二百零蚊一個人任飲任食仲有雞煲，二話不說即刻上樓！因為友人唔食得辣所以雞煲我地只係叫左小小辣，雞件多肉，舊舊都好嫩滑唔會overcook，我覺得叫中辣一定會更好食！邊爐湯底叫左懷舊沙嗲湯，一黎到已經聞到勁香濃既沙嗲味，絕對唔係溝水溝到勁淡果d cheap 雞湯底！出色！自助bar 有好多野俾你任食，包括各式各樣既丸，菇，菜，炸魚皮，響鈴，公仔麵等等，揀到你唔揀！不過入單叫果d 餸先係重點！強推：花枝片：勁滑勁爽口，高質！帆立貝：大大粒好滿足！墨魚仔：爽口彈牙！墨魚滑：勁足料！牛柏葉：精瑩通透好爽口！鮮鵝腸：勁爽口勁乾淨勁好食！！黑豚肉：新鮮，肉質一d 都唔鞋！野飲櫃基本上咩都有，啤酒都係任飲，好抵！！甜品櫃有雪糕同雪條，強推紅豆雪條同埋紫米露雪條，食極都仲想食！

天氣又凍返最啱就係打邊爐架啦，有埋雞煲食就Perfect啦，依間火鍋店就一次滿足哂我兩個願望！任飲任食先兩百左右，旺區黎講叫抵食，一入到餐廳都幾寬敞，兩個人安排左我地坐卡位夠哂位擺料！一黎揀左食雞煲定鴨煲先，嗌左雞煲小辣，好快就上菜，雞件幾入味，食落無雪味，不過肉質就唔算好滑！拿拿臨入戲肉就係打邊爐，揀左花雕藥膳湯底，肉類海鮮同比較特別既料就係用紙點，其他普通丸類蔬菜同粉麵就係自助區度拎，想食幾多就幾多，好方便！有時好怕嗌一份丸太多粒，好快就飽！依度既黑豚肉比牛肉出色，好有豬味，豬頸肉又係值得一試，爽得離好有咬口！個湯底愈滾愈有味道，最啱用黎煮蔬菜，飲品除左普通汽水仲有唔少特色野飲，仲配埋雪糕雪條任食，今餐食得幾滿足！