大榮華圍村菜 (Closed)

星期六日，通常都會同屋企人搭車去遠少少食午餐。之前晏左去元朗大榮華飲唔到茶，今次即管去九龍灣試試。搭車時碌碌openrice，見到點心紙，心入面已經睇中幾款點心，可惜去到發現部分已經轉左款，好似鴨腳扎、臘腸卷都冇左，有少少失望。不過第一次食到幾款懷舊點心，都算嚟得物有所值。首先上檯的係雞球大包。真係要拍埋個茶杯影相，先比較到佢有幾大！份！入面填左好多雞肉餡，食一碟真係會飽左大半。另一款比較滿意的，係同樣咁有懷舊feel的豬膶燒賣。豬膶質感夠粉，底下豬肉同蝦肉都唔死實，味道不錯；另外同平時食的燒賣有一個分別，就係佢唔會用黃色燒賣皮包住啲肉餡，真係要阿媽講到先知傳統係咁。另外都試左煎釀青椒，三片填滿魚肉，份量頗足。潮州粉果外皮太厚，同時厚皮唔代表包得好，有一個上檯時已經爆開。當歸豬腳不錯，有清淡的當歸味道。

朝早10點去大榮華飲茶，直行直入。不用等位。大中小點一律10蚊。十分底吃叫了好多點心。胡椒豬肚湯、雞球大包、白洽勝瓜、牛柏頁、山竹牛肉、切肉燒賣、水晶奶皇包、奶皇馬拉糕。胡椒豬肚湯：十級推介，湯夠濃，豬肚夠腍無異味。還看到很多新鮮的胡椒粒。不是下胡椒粉。比不少潮州茶館還要好吃。雞球大包：普通水準，只售10蚊。勝在夠飽肚。可惜內裡沒有鵅春蛋。白洽勝瓜：新鮮爽甜，豉油另上。下多少悉隨尊便。不過記得要走油。不然會變成油浸菜，可能是圍村特色。牛柏頁：不夠爽，我對同蒸的蒜泥更感興趣。山竹牛肉：普通水準。切肉燒賣：手切的豬肉很有咬口，還有肉汁。好吃水晶奶皇包：口感煙煙韌韌，可惜奶皇不夠味，甜一點會比較好。奶皇馬拉糕：奶皇比水晶飽的香濃，蛋香十足，夠鬆軟。好吃。可惜份量真的很少。四人分吃，一向大食的我都十分飽。價錢很便宜。在這區的油樓來說是十分的不錯。