第一郡 (Moved) New Location

今日特意與太太到Q1第一郡，試試朋友推介該店的鎮店蟹膏蕃茄湯檬。下午1點門外已有10多個客人在等候入內光顧，十多分鐘後便可以入座。雖然小店的地方有限，店主善用所有空間，座位尚算舒適，服務態度也不錯。我們落單要了雞絲湯河、蟹膏蕃茄湯檬和米紙蝦卷。雞絲湯河的雞絲鮮嫩可口，加上大量金不換，令人感覺回味無窮。湯底清甜配以幼身河粉，再伴有少許洋蔥🧅，好味😋很多朋友已介紹蟹膏餅，其實扎肉也非常美味，豬紅不單沒有腥味，更有少少甜味，豆卜將湯底和精華一併送入口中，嘩！品嘗米紙蝦卷必定配以特製花生醬汁，才能將味道提升。

講起越南粉，之前最鍾意中環的明珠，但結業多年，之後就沒遇上一碗好吃的，直至遇上第一郡。越南粉好不好，湯底是重點。以前上堂學過，把牛骨烤一烤，再加上洋蔥和N種香料一起煲。煲出來的湯清澈，灑上金不換生洋蔥，帶出獨特的香氣和甜味。好多時出街食到的都好味精水，但第一郡的湯底就跟上堂學的味道一樣，感覺純正。湯底好味，配乜都好吃。吃過烤豬肉湯河都好，但自己較偏愛雞絲湯河。話雞絲，但一點都不絲，仲夠嫩滑，份量亦不少，回一口都叫人回味。我唔食蕃茄，就算好鍾意食蟹，都同蕃茄蟹膏湯濛無緣。好彩蟹膏是可以額外點一份，蟹膏的外型和口感都有點似蜂巢豆腐，蟹膏味特出，略嫌有時浸在蕃茄湯太耐，吸收過多酸味。至於飲品，牛油果沙冰是必點推介，連我唔鍾意食牛油果都覺得好好味。另外，滴漏咖啡好香，都是個不錯的選擇。

由第一次去越南食過越南法包後，就念念不忘！一直想係香港睇下搵唔搵得返個種風味，止一止癮😋•🌯越式法包 (HKD 45)法包一上枱已經見到好足料！店舖仲好窩心將長法包一分為二，方便客人進食。由於法包係即叫即焗，所以係非常香脆👍🏼一咬落黎d法包碎就飛哂岀黎🤣配料有經典嘅豬五花肉、酸蘿蔔、芫茜、青瓜再配埋秘製肝醬，口感非常有層次，而且酸酸甜甜，非常開胃又唔膩，一定要試！•🍲雞絲湯河(HKD 58)雞絲肉質新鮮，非常有彈性！湯底濃得黎唔會好咸，不是一般味精湯底，而是採用越式香草作調味，食落真係好有越南風味🇻🇳•🍰馬豆糕 (HKD 6)食落第一啖，嘩！好多豆呀！！而且有着濃郁嘅椰汁味😋價值亦相當便宜，用來做飯後甜品確實不錯！下次會想試埋小店嘅招牌蟹膏茄湯檬同班蘭糕，聞說好多人都係為左呢兩樣野而特登去食架😀

因要到基隆街買弄布口罩的材料，已行至腿痠，接近下午5點幾，又不想逆向走大段路上福榮街覓食，突然想起荔枝角道Q1越南嘢，係喎，好掛住啲牛油果🥑沙冰...3年，完全沒大變，裝修、菜式、人，依舊。無庸置疑一定是來2杯沙冰，顏色依然是粉嫩的綠，味道維持住奶油香的牛油果🥑味，簡直是必飲。本想外賣斑蘭糕，又售罄，堂食還點了正經的兩碗麵：蟹膏蕃茄湯檬、雞絲湯河。蟹膏湯檬蟹膏味不算濃，都比蕃茄蓋過，反而覺得雞絲河實在點，雞絲數量多且用了近髀位置，較嫩不鞋口，河粉亦較湯檬口感更對味。慶幸這艱難時勢還是客似雲來。

今日下午，同老公即興搵越南粉食上黎開飯搵啦，見到呢間，好多like，就試下佢啦！ 去到門口，唔係一般嘅連鎖店，無華麗嘅裝修，只係小店一間，唔抱期望入去試下啦！ 餐牌得一頁，幾樣野，牆上面都手寫咗有咩食，簡陋咗啲，但食野，有時應該係要個味道，而唔係食裝修架嘛！叫咗雞絲湯河，蕃茄蟹肉湯河，大蝦米紙卷，同一杯牛油果沙冰。米紙卷好快就到，用塊葉包住，方便用手食，感覺好正，用手食，好味！ 個醬加埋落去，花生香加埋個濃醬，絕配！雞絲湯河黎到，試咗個湯先，嘩！清湯都可以咁好味嘅？！好正！ 雞算係滑，似係手撕，心機之作！蕃茄蟹肉湯河，湯底以為係淡，飲落口，濃情化不開咁正呀！ 配料有雞紅（似係自家制，咬落就知，正野一舊），扎肉有兩款，兩款都好食，重點係佢啲扎肉係厚切!），個蟹肉又估唔到係一舊咁上喎! 唔係散上，應該係用蛋蒸好咗先加落去，蟹味唔重，但保證啖啖蟹肉! 牛油果沙冰，老公讚不絕口，我飲落似奶昔，好濃嘅牛油果味!總括黎講，值得encore!!

住係深水埗點會唔識呢一間馳名既第一郡，其實未食佢之前已經有幾個朋友介紹我去試，但因為一直冇時間 所以等到今日，終於可以食喇。鋪頭比我想像中細，但人流卻好多，不愧係出名既店鋪，我同男朋友嗌左個蟹膏蕃茄湯檬，雞絲湯河同埋米紙蝦卷。蟹膏蕃茄湯檬，面頭已經有勁大舊蟹膏，啖啖蟹膏好滿足，而佢既湯底好濃郁，蕃茄味好足，啲湯飲唔停口超好味 而雞絲湯河，雞絲好嫩滑，份量好足米紙蝦捲入面係用原隻蝦爽口彈牙Q1真係名不虛傳