浜滝

Open Now

Now Closed

同朋友好耐冇見，就約左係九龍城食飯。宋皇臺通左車，成個九龍城都好熱鬧！餐廳分左2層，上層較逼，講野要好大聲。野食都唔錯，同乾淨！呢個係冷食，感覺一般，同埋小貴見個個都嗌個鍋，我地都嗌左個平啲既花田鍋。個鍋要慢慢煲，湯底好甜，但啲肉就soso，價錢較貴This is must try!! 平時唔中意蠔既我都覺得好好味，燒得好香好甜，可以encoreee!連個串都好好味，可以encore!比較漏同埋唔你好食到海膽味，可以passIn general, 串燒比較出色，可以再黎試試其他！

屯馬線終於開通，以後去九龍城覓食就更方便～依間居酒屋近宋皇臺站，室外及室內裝修如同日本地道居酒屋，好似去左一趟日本旅行般，令人懷念！居酒屋樓高兩層，底層以吧枱及小圓枱為主，而上層位置空間較寬闊，更設有VIP房。店內周圍掛著不少彩色旗海、日式擺設及掛畫，更有日本師傅駐場，處處散發著濃厚既日本氣氛，好啱朋友聚會～店內座位不多，想黎既朋友記住先預約呀～❀ 伊勢海老姿燒第一次食半熟龍蝦，不論賣相還是味道都好令人驚艷！擺盤好精緻，以原隻龍蝦上枱，蝦身係已切開一塊塊又飽滿厚身既龍蝦肉，上面放上海膽及蔥花，仲有竹葉及菊花作點綴～依款龍蝦係一味兩食，店員會先送上海龍燒，即是半熟龍蝦配海膽。半熟龍蝦保留住刺身般既質感，口感爽彈，鮮味又濃郁，而海膽都好鮮甜。店員推薦半熟龍蝦及海膽夾埋一齊食，果然味道更鮮甜惹味！食完第一道菜，店員會拎走龍蝦頭，將其煮成湯或粥。客人可以二選其一或者一粥一湯，而我地今次就揀左一粥一湯。上枱已經聞到香濃既龍蝦味，龍蝦湯及粥味道濃郁又足料，入面有豆腐、娃娃菜、雜菌及蘿蔔絲做配料，而飯粒亦吸收晒龍蝦湯既鮮味，食得好滿足。記住要食埋煮完湯既龍蝦肉呀～❀ 大分直送火炙平目魚邊經火炙後，左

大家一講九龍城就會自動聯想起泰國菜。除左泰國菜之外，九龍城其實臥虎藏龍，充滿各國特式餐廳，其中包括日式居酒屋既浜滝。餐廳全採用高身枱櫈，另外我地坐係樓梯下面，私隱度好足夠，不過樓底因為樓梯既關係變到好矮，整體來講唔係坐得太舒服🤔一直以嚟居酒屋俾我嘅感覺都係食物選擇超多，但浜滝既食物款式多到完全超乎我想像，拉麵、串燒、刺身、火鍋多多都有！- 鰻魚串燒鰻魚顏色燒得好靚，而且油脂迫晒出嚟，肉質相當肥嫩，而且食落冇乜細骨。- 柚子雞串之前喺日本食過柚子拉麵但覺得好難食，今次柚子醬同雞既配搭反而唔錯🤣醬汁帶微鹹，柚子嘅香味幾突出，亦令雞件更多汁。- 日本雞皮串雞皮口感香脆，同時帶有煙韌，調味啱啱好，唔會過鹹。- 雞肉漢堡串Size太迷你，不過雞肉漢堡蘸上蛋黃之後味道唔錯。- 雞皮餃子雞皮炸得比一般餃子更金黃香脆，一咬已經爆汁，而且入面既餡料吸收埋雞皮既精華，油香十足。- 花田鍋花田鍋係日本非常流行，因為外觀好似一片花田，打卡一流。而浜滝就將白菜砌成好似一朵既玫瑰花，主要材料有豚肉、白菜同粟米，湯底非常清甜，白菜吸收左湯底，真係「鹹魚白菜也好好味」🤣另外我地追加左一份烏冬，烏冬係煮熟後先上，份量大

浜滝係九龍城一間人氣居酒屋，佢午市主要食拉麵，所以之前都有同同事黎食過，佢地嘅拉麵全部都放左粒熱石喺入面以幫助拉麵保溫，貼心得黎味道亦唔錯，一直都想試埋佢拉麵以外嘅佐酒小物，趁Happy Friday就約同事黎試下。浜滝店面唔大，但入面就掛滿好多日本風旗幟，冇得去日本都可以發下夢。凍柚子蜜($25/杯) - 我地醉翁之意不在酒，所以就每人點左杯凍柚子蜜，雖然都係現成柚子醬開出黎，不過出面居酒屋一杯無酒精飲品平極都講緊三四十蚊，哩杯凍柚子蜜算係非常抵飲，而且柚子甜味都好夠。近江牛沙律($118) - 以前香港人對於日本和牛嘅認知一般都只係停留喺神戶牛，自從而家多左香港餐廳引入近江牛，都越黎越多香港人認識佢。同得神戶牛一樣並列日本三大和牛之一，近江牛當然都唔平得去邊，所以我地揀左哩碟入門級(價錢)嘅近江牛沙律黎試下。沙律菜中間除左近江牛，仲有車厘茄同櫻花蝦，顏色鮮艷吸引。牛肉份量都唔算少，肉色仲帶少少紅紅地，口感嫩腍又唔會太乾。炸一口芝士($48) - 芝士炸皮好薄好脆，芝士咬落好軟同帶啲半融口感，有啲似笑牛牌芝士咁。雞肉漢堡串($38) - 雞肉串啖啖肉，肉質唔會過乾過鞋，配埋上面甜甜地

居酒屋掛左好多日本旗，恍如去左日本一樣。首先，我地叫左芥末海老餅。牛油果蓉混合芝士同芥末，上面仲有櫻花蝦同香蔥，配合鬆脆既餅乾，口感豐富，而且味道好夾。半熟吞拿魚有幾舊有筋，影響口感，但個醬汁調味幾好。冰蜆肉質爽脆而且味道鮮甜，上面有柚子啫喱好清新，好食。見好多人都推介佢個龍蝦二食，咁梗係要試下。龍蝦肉係半生熟既，表面係有炙燒過，味道鮮甜。不過我認為一係全生一係全熟，口感會好啲。燒白鰻外脆內軟，肉質爽脆，只略嫌唔夠熱。雞肉漢堡串好夠熱，入面有雞頸骨，又軟又脆，好有口感，配合埋蛋黃同燒汁，好好食，推薦！海龍燒加$100就有龍蝦湯。呢個湯不得了，用石鍋上熱辣辣又大碗，龍蝦味好濃郁。湯入面有豆腐、茶樹菇、金菇同娃娃菜。飲完呢個湯真係超滿足！牛豚之幸串燒盛合豚肉好夠熱燒得好香脆，但近江牛冇咩大驚喜又唔夠熱。性價比黎講就爭啲，建議淨係叫燒豚肉。呢個燒三文魚頭係呢餐完美既總結。三文魚頭都有好多肉，而且燒得好香脆。佢既燒野做得好出色，讚👍🏼總括而言，呢間居酒屋好高水準，會encore!

某日約咗舊同事食飯，由於大家都係九龍城附近返工，所以就決定喺附近搵間餐廳，朋友話想食日本野，所以就上OpenRice seach下，見到呢間排第一，就決定試試佢因為收工有啲野做，所以我都晏左先去到，不過職員好好，仲未到嘅時候佢打電話黎問我都未，不單止冇催我快啲，仲關心我識唔識路，真係好窩心呀！係時候入正題喇：1)地點唔難搵，九龍城廣場對落條街就係喇👍🏻2)招呼好好，唔會hard sell食物3)食物真係好正，好食到我要寫人生第一份食評🤣🤣雖然買單千幾蚊係有啲貴，但樣樣都咁正，本人覺得抵過食自助餐