Mana Thai Kitchen (Closed)

發現灣仔幾多泰國菜～依個舖位上一手都係食泰菜，搬遷之後就開咗Mana Thai Kitchen，泰國人主理，聽住泰文食泰菜特別有親切感。Pad Thai係我至愛嘅泰菜之一，酸酸甜甜撈埋辣椒碎同花生粒味道一流，金邊粉炒得唔會太濕，蝦肉煎得好香又彈牙。牛肉船麵就咁睇就知道湯底好濃郁，吸晒牛肉牛骨嘅精華；配料亦都好豐富，有滑嫩嘅牛肉又有牛腩牛筋，仲有牛丸同勁脆嘅炸豬皮，每一啖都索晒湯汁好滋味。雞肉蝦米紙卷就清新好多，米紙煙韌沙律菜爽脆，肉餡唔算多，醬汁有花生粒同甜甜地嘅薄荷芒果味。幾鍾意依間餐廳嘅smoothie，打到好綿唔會有碎冰；芒果唔會太甜反而更好飲，味道亦似天然嘅，青檸就refreshing啲。食物飲品整體嚟講都滿意呢😋

晚上去灣仔利東街影下相，影完不太肚餓但又想找個地方歇腳，所以就在附近找找餐廳。在灣仔酒吧街附近見到有間泰式餐廳，就一於上去坐坐食點東西，比起去嘈吵的酒吧好得多。餐廳環境不錯又不會限時，可以慢慢傾計。餐廳都是主打泰式食物，不太肚餓的我們就叫少少嘢食，飲下特飲，休息一下。➭ 1. 蟹肉炒飯叫個炒飯share 。Mana Thai 的蟹肉炒飯炒得非常惹味，飯身乾爽，鹹香得來不會帶死實實的鹽鹹味。想食炒飯的話必推蟹肉炒飯。➭ 2. 雞肉蝦米紙卷想嚐嚐泰式的特別小食，另外再點了份雞肉蝦米紙卷。米紙卷的外皮果然像紙一樣，非常薄身，入面卻包裹着雞肉、蝦仁和些青瓜，沾上餐廳調的特製醬汁，味道甜甜的作為小食一流。➭ 3. 青檸梳打飲一口青檸梳打，酸酸甜甜的非常醒神，愈飲愈開胃，用剛才的小食和炒飯佐這杯飲品就剛好不過。➭ 4. 泰式奶茶泰式奶茶茶味香濃，比起港式的更甜更香，可以算是加強版的奶茶。➭ 5. 甜品Like 餐廳的社交平台就可以獲得一人一份泰式小甜點，我們今天就有椰汁糕，大家千其唔好走寶。想找個地方傾傾計，食點東西，Mana Thai 在灣仔區亦是一個好選擇。

見到新開張有九折，就約埋同事去試吓。一入去，地下係唔開放，上到樓上，環境闊落，坐得都幾舒服。夜晚同朋友吹水食飯一流。講返嘢食先，我哋嗌左菠蘿沙冰同泰式奶茶。菠蘿沙冰，係用新鮮菠蘿整嘅，好好飲值得推介。泰式奶茶，茶味濃郁，好有泰國味道。前菜叫咗生蝦刺身，泰式鳳爪，柚子沙律，青木瓜絲沙律，生菜包，雞肉蝦米紙卷。味道都OK。生蝦刺身醬汁放埋喺刺身上面，醬汁夠辣。主菜，有預訂咗一隻蟹，用嚟整咖喱蟹，另外有泰式炒金邊粉，泰式炒闊河粉，菠蘿炒飯，檸檬蒸海鱸魚，烤豬頸肉。泰式炒闊河粉，個闊河粉好特別，口感煙韌，原來個河粉係喺泰國運返嚟！最後，叫咗芒果糯米飯做甜品，冇乜特別不過賣相幾靚。