港原味 (Moved) New Location

收工約左屋企人黎呢到食飯，大角咀其實真係好多餐廳，七點黎到吾算太多人。睇睇menu見個二人餐都幾抵食，$198包任選小菜兩款（呢個抵讚！好多餐廳都會有限制去選擇菜式），仲包兩個湯同甜品。而且每個小菜都會包個飯，所以最後我地就叫左個二人餐再散叫多個小菜。散叫左個雜菜煲，清清地入面其實都好多料！有芥蘭，西蘭花，瓜，娃娃菜，芋絲同粉絲等等雪山紅豆冰好正！紅豆好棉密，mix埋忌廉都吾會太甜，啱啱好！原本仲擔心咕嚕京都骨啲豬肉會好鞋，點知一啲都吾會，仲勁厚肉，酸酸甜甜好開胃，吾好睇佢細細碟咁，其實都有成十舊肉左右，啱哂食肉獸。重點嘅咖喱農夫包，我地叫左雞肉嘅，都算滑身。咖喱好香好濃，帶少少辣，好惹味，食下食下成個包清哂最後個甜品係洛神花燉蘋果， 入面釀咗黑糯米，口感煙煙韌韌，味道亦都吾會過酸，refresh下作為一個好好嘅收尾。

朋友仔好耐冇見，想搵啲特色啲既店，見呢間話食香港野，裝潢又好香港特色，拜會一下先～芝士咖哩農夫包 $99選左咖哩雞食，上碟個賣相好靚，咖哩味道很好，唔算辣，個包好軟熟，仲一早界開咗，好方便切開黎食，好細心👍🏻。黑椒美極牛柳 $78第一次食以美極汁煮牛柳，想不到又幾好食喎～牛柳又好淋喎～正👍🏻海皇腐竹浸時疏 $65湯浸得好入味，菜很新鮮，所以很喜歡這味餸。雪山紅豆冰 （跟餐+$10）紅豆好好食😋，鍾意食紅豆冰既你可以一試。泡芙裡面係cream黎，成舊食落好凍，好似食緊雪糕咁啊～

難得有二人世界時間，出去搵個地方食飯傾偈，嚟到呢間「港原味」，裝修充滿懷舊香港味道。雖然係下午茶時間，不過都仲有好多唔同食物可以選擇。見到佢個咖喱農夫包（$99），好似好吸引，一於叫一個嚟試吓，新鮮焗出嚟熱烘烘嘅麵包，外皮夠脆，裏面裝滿咖喱，好彩可以揀豬牛雞，我哋揀咗牛肉，都整得幾唔錯，一啲都唔對un。同時附上沙律菜伴碟，幾好。唔食咖喱嘅朋友，仲可以轉芝士黑松露醬，不過我覺得咖喱又唔辣而且好惹味，都值得推薦。下午茶選擇都有N款(真係A至N架😆)，好多都好想食，最後揀咗炸雞脾配薯條（$39），雞脾炸得脆但唔會好乾，保持到肉汁，所以幾好食，薯條數量稍微少咗d。由於我哋兩個都未食午餐，所以決定加多個「撈得起常餐 」（$49）， 選了芝士黑松露醬豬扒撈意粉，d汁比較稀，同想像中嘅撈麵有點不同，不過豬扒都係好食嘅。三個餐都可配飲品，加$10可轉特飲，我哋就轉左雪山紅豆冰，雖然只係忌廉不是雪糕，但係都好好味，透心涼啊！第三杯要咗熱奶茶，質素都唔錯呀！

《咖喱農夫包》$99農夫包可以揀芝士黑松露，但我就揀左咖喱雞，面頭都有啲芝士，個農夫包外面好脆，裡面吸晒咖喱汁，份量都好大。《京蔥爆安格斯牛肉飯》$70平時食開京蔥爆羊肉，今次轉左係牛肉，個味都幾夾。《雪山紅豆冰》$10好邪惡，但又幾好飲喎，加左忌廉，口感都厚啲。《雜果賓治》 $10雜果賓治已經好耐無飲，雖然叫就叫雜果，但好似得菠蘿😂值得一提，餐廳環境好多打卡位，主題圍繞香港舊時的文化👍👍👍

呢家長期喺港島戈邊，住又系港島區，番工又系港島區，不過架吾中都會過海食吓好西。大角咀呢個地方我平時基本上都吾會黎到，近排多左黎系因為同事推介我黎到呢度附近一間好正嘅雞煲店，不過今次想分享嘅唔係嗰間雞煲店，而係同區另外一間港式風味非常濃厚嘅餐廳，名為「港原味」。非常具有香港特色嘅圖畫，旺角嘅街景呈現喺眼前。長期喺灣仔番工，加上聽到有客人講話認得出下面嘅圖畫係灣仔莊士敦道，近修頓球場嘅電車路，成個畫面即刻出現喺腦海浮現。菜式嘅種類都算ok多啦，有幾款招牌菜，另外有健康、小炒、糖醋、椒鹽類。首先試咗款咖哩農夫包，比較少食店有農夫包呢樣食物，所以喺度有呢道菜都幾有特色，裡面嘅肉可以揀豬肉、牛肉或者雞肉，覺得咖哩同雞肉應該會比較match，所以就揀咗雞肉。首先講講啲咖喱雞肉，咖喱嘅味好濃郁，同埋唔會好辣，好適合想試咖哩但係又驚辣嘅朋友仔雞肉都好嫩滑。然後就係農夫包，農夫包香脆可口，連埋咖喱雞肉食係一個好新穎嘅組合。椒鹽鮮魷係好多大排檔或者茶餐廳都有嘅菜式，不過學人哋話齋，睇落越簡單嘅菜式越難做得好，而且我本身都鍾意食椒鹽鮮魷，所以就決定試吓。椒鹽鮮魷一黎到，已經覺得外型係同出面嗰啲唔一樣，睇落去

之前聽人講話有間茶記好啱打卡但地點唔太就腳所以一直都無去咁啱今次去開附近先可以一試🙈————————————————入面真係有好多打卡位不過因為有人所以唔可以影曬留返喺自己個角落影飽佢😂😂😂餐牌都有好多選擇咁啱有我最愛嘅四季豆二話不說超好味帶少少辣又夠爽脆送飯一流👍🏻👍🏻農夫包成日見人都係配咖喱所以今次揀咗黑松露芝士又唔太差噃如果多啲芝士仲好🤣🤣再加多個糖醋魚塊成餐有菜有肉有魚好健康🤭食完仲要叫多個甜品下午茶泡芙加tiramisu😋成件事好完美—————————————————♣︎ 辣炒四季牛 $58♣︎ 🐔芝士黑松露農夫包 $99♣︎ 糖醋魚塊 $88♣︎ 泡芙芝士蛋糕 $30

今日搵食搵到嚟大角咀嘅利奧坊，聞說呢度有個影相位所以就特登過嚟影返輯靚相先，果然呢度不負所望，牆身有唔少香港古舊嘅建築物，坐喺度嘆番個下午茶真係一流呢度有午餐時段開始已經供應小菜，唔使好似平時咁，等到晚飯先有得食牛柳份量都唔算少，白飯夠晒香甜有咬口我哋再叫多咗個小菜，支竹夠淋，斑腩都有炸過先再忟另外仲叫咗碟焗意粉，香濃嘅芝士喺頂層，海鮮就有魷魚、蝦仁、魚柳等等最後仲叫咗一個甜品添， 提拉米蘇係少有會出現喺茶餐廳嘅，食落酒味都非常香濃加埋杯紅豆冰，非常消暑解渴

係匯豐返工嘅朋友話匯豐中心附近開左間港式新派菜—「港原味」， 係佢地平時嘅飯堂， 因為主張無味精，少鹽少油，健康配搭嘅菜式，所以好受OL歡迎， 所以小編咁啱係附近做完嘢就去試下啦！😆 餐廳外牆全以落地玻璃打造， 感覺開揚光猛，乾淨企理，一覽無遺～😂 全店嘅牆壁都畫上充滿香港🇭🇰特色嘅壁畫， 係六七十年代嘅香港街頭舊模樣， 舊式嘅紅巴士🚌、霓虹燈牌和見證住啟德機場嘅九龍城寨， 流露着昔日香港風情～ 除左有傳統嘅中式小菜之外， 仲有加入左西式元素嘅芝士黑松露焗飯， 新張嘅關係， 而家全店做緊9折優惠，外賣更可享有8折呢～ 新張大酬賓嘅關係， 每人都可以有一份水晶肴肉作前菜小食，不錯吃！ 我地最後叫餸食飯，order左三個小菜。 每個菜式都奉送白飯一碗， 加$8仲有老火湯。 是日為南瓜花生雞腳湯 橙黃色嘅南瓜🎃湯， 味道香濃鮮甜，感覺足料又冇味精。 ⭐️推薦❗️西檸雞扒（$80） 傳統嘅西檸雞係用炸雞扒， 不過「港原味」推行健康主意， 所以採用煎雞扒，少油少鹽， 連西檸汁都原汁原味，冇加好多糖，比坊間食開嘅更酸香。☺️

咖喱農夫包揀左咖喱配豬扒，咖喱香味濃郁，豬扒入味，如果包可以更鬆軟就perfect，下次會試埋芝士黑鬆露汁黃金鮮魷入口溫度適中，係即叫即煮既。咸蛋均勻包住鮮魷，香味可口，一個人食半碟都唔膩，值得推介是咁的三色蛋燉蛋香濃幼滑，三種味分別係鮮蝦丶皮蛋丶火腿，份量適中，可以一次過滿足晒三個願望蒜蓉時菜$58: 要均衡飲食，點少得叫碟菜，是日時菜係芥蘭，剛好好想食芥蘭，啱曬港式茶餐廳又點少得紅豆冰，雪山紅豆冰花奶丶紅豆都份量十足，飲完滿心滿足有別於傳統茶餐廳，港原味結合視覺藝術，有多幅充滿懷舊香港風味既壁畫，店主話壁畫花左三個月完成，細心一睇，畫工十分精細用心，絕對可媲美香港歷史博物館，啱晒藝文青係到食新派港式菜之餘影相打卡超鍾意既一幅壁畫，雀籠係3D既，映襯雀鳥之下幾可亂真，特別係隻鸚鵡，無論正面丶側面睇都好立體呢度係一班白衣天使有份開既，係呢個艱難既時期，我哋都一齊支持下小企業，希望抗疫後，大家有機會再同三五知己拋開口罩，係香港美景壁畫下打卡留影