雪村

Open Now

Now Closed

最近發掘左呢間位於 K11Art Mall 嘅日本菜 環境唔錯 食物種類好多～價錢亦幾公道 最近仲做緊優惠 指定小食半價.雪村刺身丼 $238不愧係招牌 賣相靚！刺身肥美鮮甜 拖羅同三文魚尤其出色 撈埋三文魚籽 啖啖都充滿鮮味.蟹肉蟹膏迷你杯飯 $58估唔到蟹味咁濃郁 蟹肉絲鮮甜 蟹膏甘甜 味道幾有層次.鰻魚手卷 $32賣相比一般手卷精美 又唔洗食咁大嚿飯～紫菜印象中都唔係淋啤啤 .本鮪（中拖羅）壽司 $48三文魚腩壽司 $28三文魚壽司 $20.炸軟殼蟹卷 $78壽司同卷物質素都不錯 軟殼蟹卷夠脆口 壽司飯都唔會太鬆散/實淨～款款都好味

位於尖沙咀的「雪村」主打精緻傳統日本料理，如廚師發辦、爐端燒、刺身、壽司、串燒同天婦羅等，款款都新鮮即製，性價比超高。店員服務貼心，好細心介紹memu，服務周到👍雪村刺身丼 $238抵食之選🍣！包含有三文魚、帆立貝、本鮪、中本鮪腩、甜蝦、墨魚、北寄貝同油甘魚等多款時令魚鮮，每件刺身都肥美又新鮮，鮮味十足😍咁多款式當中，我最喜歡帆立貝，帆立貝肥大肉厚，滑嫩軟綿；另外，中本鮪腩為魚腩中後部位，顏色粉紅，油脂分佈均勻同埋適中及無筋，魚香持而恰到好處的魚油脂，肉質甘甜鮮美；甜蝦壽司🦐蝦身鮮甜，非常膠口👍三文魚籽海膽迷你杯飯 $98三文魚籽呈半透明的鮮紅色，粒粒飽滿分明，精瑩剔透，入口爆開有滿滿魚油鮮香；搽用左北海道海膽，海膽好肥美又帶有光澤，色澤為淺橙黃色，味道甘香鮮甜，齒頰留香，口感細膩綿軟，好creamy！原隻活赤貝 $58原隻的新鮮赤貝刺身外表呈橙紅色帶光澤，好厚肉，食落肉質爽甜，鮮味十足。鹽燒喜之次 $228 (半價 $114)做緊半價優惠，真係好抵食❤️餐廳選用北海道的喜之次，魚身體柔軟，肉質愈煮愈滑，魚脂四溢。燒好後魚皮香脆鹹香，魚肉嫩滑多魚油，口感細緻鮮甜。

阿妹生日, 嚟左尖沙咀K11新開既「雪村」試新嘢~! 入面環境唔錯，店員招呼親切，仲貼心地攞咗個籃比我哋放袋，等我哋坐得更舒適。店員推介是日特價「帆立貝」，有兩種食法，可以汁煮或者刺身。價錢都只係$38，嘩~! 超抵。咁我哋就梗係試晒兩款啦~! 汁煮的話會有個爐仔即時係面前煮，雖然即煮，但都好入味。帆立貝刺身新鮮，厚肉鮮甜超肥美。 丼飯有10款刺身，當中也有拖羅，而且份量都好足，食材非常新鮮，三文魚夠肥美，赤蝦鮮甜彈牙，帆立貝夠厚身，墨魚爽口唔會淋，吞拿魚食落唔會有筋，油脂香重，配上赤醋飯，味道一流！鰻魚味道濃郁，肉質嫩滑，油脂係口中慢慢溶化，而且無魚骨，香甜醬汁非常好味，份量不少，賣相吸引。滿滿的蟹肉芡汁份量夠多，入面材料亦豐富，仲有蝦同冬菇。超級新鮮嘅爆珠三文魚子加埋嫩滑蛋香，真係無得輸!! 甜甜的汁燒魷魚筒惹味唔韌，滿足~!牛肉稻庭烏冬，幼身烏冬爽口彈牙，湯底有昆布味，唔會過鹹，有驚喜。軟殼蟹卷炸得金黃酥脆，大愛~! 車海老天婦羅，大大件抵食！廣島蠔，香脆可口美味！ 連最尾送嘅甜品哈密瓜，都咁香甜好味，今餐真係好飽啊~滿足~! 整體食物質素，服務態度都非常之好，店員會不斷幫你添茶