豊勝手丼 (Moved) New Location

很久沒吃超新鮮的魚生飯了這一間常常都有很多人排隊，今天就來試一下沙津菜很甜很脆非常新鮮，味噌湯咸道剛剛好。刺身的分量都給很多，海膽味道超濃郁，超新鮮超甜，用紫菜包一點飯包一點海膽，整個人超級滿足！！吞拿魚很嫰，加了點蔥花很香。滿滿的蟹肉！！而且都幫你處理好了不用自己動手蟹肉很甜，蟹膏超甜超濃郁的！！和蟹子伴在一起的口感超級棒蟹腳的肉也很肥，一口咬下去超滿足。吃完這個飯有種吃了一整隻蟹的感覺～但重點是不用自己動手！！

平時係銅鑼灣唔係食野都唔會去既果條街，就係一蘭前幾間鋪，去到門口發現原來兩間店都係一樣既，一邊吧位一邊四人桌。想試佢鰻魚飯既朋友記住坐低左就嗌先啦，因為鰻魚需要烤番熟時間需要長小小。其他魚生飯等左一等就排住隊咁上菜，而海の幸丼一上台果陣大家都嘩左聲😂，塊塊魚生都好厚好肥美，充滿光澤，其實淨係食魚生都飽哂了。而佢既壽司飯底都誠意十足，非常感受到醋既香味食落口又帶小小甜味，鐘意食壽司飯既朋友唔可以錯過！雖然價錢相對其他地方會貴左小小，但都算得上一分錢一分貨，而且當銅鑼灣食飯時間到到都要排隊既時候，Bar台果邊總唔會讓你久等，下次到到都排長龍既時候可以去碰碰運氣。

今日同朋友黎食晏，點左2個丼，配沙律，味噌湯，帶子裙邊。五品丼三文魚、油甘魚、赤蝦、帶子&日本海膽幾種刺身都好鮮味，油甘魚入口好滑，赤蝦好大隻👍🏻，海膽鮮甜！雲丹卜口丼原板韓國海膽&碎葱吞拿魚腩依個丼好吸引，有我中意食嘅海膽😍見到飯上面有紫菜，我就將啲海膽同吞拿魚用紫菜包住食！味道好夾，不錯不錯！單獨咁食啲海膽，我覺得味道好特別，有種糖果嘅味道，同五品丼嘅海膽好唔同，之後睇清楚餐牌，原來依種係韓國嘅海膽。我都係第一次食，加埋紫菜一齊食比較好食。

這晚餐廳如常滿座。我在門外苦侯了大半小時，一坐下，由於實在太肚餓緣故，二話不說即落單叫一碗「雲丹卜口丼」。只是每次點這魚生飯，話到口邊總有種難言陌生的感覺，因為明明就是「海膽吞拿魚腩飯」，卻偏偏叫成「雲丹卜口丼」。或許正是這種東洋言語的用字差別，令我們對日本菜式有種似近還遠的情懷。原板鋪得滿滿的韓國海膽，色澤橙黃色，味道甘香，入口質地較軟身，唯部分食落口帶少少澀味。以海膽加以碎蔥吞拿魚腩拌飯吃，每啖飯都鮮味無比，教人一食無停手。一口氣食完這碗豐盛的魚生飯，立時打消了到鄰近灣仔的灣仔山貴水產朝聖的念頭，因為在這裡經已滿足我一時口欲了。