和氣食堂 (黃大仙中心南館)

Open Now

Now Closed

四點刺身盛 $178
包括：3塊厚切三文魚＋超鮮甜的海膽＋牡丹蝦 2隻 ＋ 謎之魚2件。謎之魚嘅肉地結實過三文魚，但都一樣鮮甜，係其他地方無見過嘅。見佢特登加左兩塊檸檬🍋小片，味道加上來就refreshing 基本上比得呢個價錢就一定好食，抵唔抵就——慶祝都要嘅 包括：3塊厚切三文魚
白咖喱烏冬 $88
第一眼以為係梳乎厘🍄 但係白色咖喱嘅下面，其實都蘊藏黃色啡色嘅咖喱撈烏冬——稻庭煙韌彈牙版本😍 咖喱唔會太油膩，太濃烈，係可以食到嘴舐舐。烏冬仲配埋兩件炸雞，都係外脆內嫩滑嘅靚雞～ 不過我都係怕熱氣，將佢拆皮先食😹
安格斯牛扒他他沙律 $78
用手機測量過，成個碟係33cm 😂 視覺上好足料，同埋每塊嘅牛肩扒都幫你劃分每次食幾多肉同埋菜，感覺幾體貼😂 唔使摷到亂晒。黑醋汁就一啲都唔肥膩，食完冇罪疚咁。
宇治抹茶芭菲 $72
最鍾意呢個，作為一個抹茶控🍵 因為茶味本身足夠而唔會過分，亦都平衡到雪糕嘅幼滑 almost a perfect fusion , to me personally. 配料唔會喧賓奪主，主要係帶嚟口感，就唔係帶嚟甜味，所以夾得好！
牛油果🥑芒果🥭三文魚班戟🍣 $7

經過見到就試下啦，6點幾時間算早，無咩人排隊，一去到就入得。疫情關係，餐廳枱與枱之間都要有膠板隔住，但係呢間餐廳連座位都有膠板隔住，感覺衛生好多。- 豚肉生薑燒丼 $75第一啖試咗飯先，但係覺得冇咩味，同埋啲飯好似有啲硬，就諗住個飯應該唔係好好食。之後就試吓啲豚肉，反而幾入味幾好食，啲飯要配合埋啲豚肉同埋啲汁食先覺得好味。濃番茄湯吉列豬扒烏冬 $79 個湯真係幾濃，但係啲味道就正正常常冇咩特別咁。個吉列豬扒塊皮同啲肉係分開嘅，雖然塊皮係幾脆，但係就有啲好容易斷開，食嘅時候係塊皮同啲肉分開食。電擊雞翼 $55問咗店員話呢隻雞翼係唔辣嘅所以先叫，但係嚟到原來係好辣嘅，雖然呢個雞翼幾特別，因為佢係用冷雞翼嚟，平時喺出邊好少見到。不過由於辣得滯我唔係好食到味道如何，如果好鍾意食辣野嘅可以試吓。藍柑白桃梳打 $42 見佢成支檸檬汁倒轉拆幾特別所以就試吓，不過檸檬味太酸，蓋過晒白桃嘅味道。到埋單嘅時候就見到出邊好多人排緊隊，如果夜晚食記住要早啲嚟排隊。

我人生最愛就係食日本野，之前係沙田食過和氣食堂一直念念不忘，今次拉埋係九龍灣番工既朋友黎到黃大仙分店再encore，食物水準依舊 真係平價兼好食平時好驚食熱氣野所以唔敢叫炸野，但今次店員極力推薦呢個電擊雞翼，個名咁得意就儘管試一試 ；結果非常驚喜，事關蜜糖味好入味，好似韓國炸雞，不過感覺冇咁熱氣，可以放心食多隻 壽司都相當唔錯，食得出原材料好新鮮，特別係帆立貝，我同朋友食完都念念不忘；另外海膽拖羅蝦戀都好正，必試 ！成餐飯又點可以冇菜呢，我地點左另一個店員話受歡迎既牛扒他他沙律，咁就夠哂健康啦千回火鳥3隻，唔係話唔好食不過比起其他野就冇咁出色另一驚喜之作，朋友一向中意食魚，今次叫左鯛魚湯泡飯($108) 店員會慢慢將湯倒落去鯛魚度，夠哂熱辣辣，而鮮甜魚湯送飯真係食多兩碗都冇問題 之不過我地最最最期待既一定係舖頭招牌甜品宇治抹茶芭菲（$72），因為之前睇其他人食評時已經覺得好好食咁！結果。。。比想像中仲要高水準，其實蕨餅，綠茶雪糕加脆粒呢個組合好完美冇得輸，而且插係旁邊既蛋捲竟然係芝士味，雪糕本身奶味好重，所以唔會太苦  要左咁多高質日本野埋單都唔使五百，絕對可以再encore！

我地6:30入座個陣人唔太多，到左7:00開始有人龍，坐左係一個得兩座嘅卡位，有少少窄，不過其他位都正常嘅。我地叫左一個海鮮丼飯丶蕃茄牛肉粒烏冬同電擊雞翼。海鮮丼飯不錯，蝦好大隻，肉質可以，但吾夠鮮甜，三文魚同凡立貝刺身不錯，飯嘅質地煙韌好食。蕃茄牛肉粒烏冬個湯太傑，不過d 牛肉粒煮得岩岩好，有肉汁吾會乾。電擊雞翼係凍凍地少少辣多多甜嘅雞翼，個到寫十隻但其實係將五隻切開一半，有少少被騙嘅感覺，整體而言d野幾好食。

行完飛鵝山，落到彩虹，有啲口痕想食日本野，就睇下附近有冇好食嘅日本菜，搵咗一輪都無乜邊間係岩心水，就決定擴大範圍，最後見到呢間嚮黃大仙嘅和氣食堂，好似唔錯又唔算太貴，就決定試下～北海道芝士炸薯條本身以為呢款薯條應該同麥記嘅薯條差唔多，所以無乜特別期望，諗住當係個Promotion Set附送嘅Bonus小食。點知佢食落幾令人印象深刻，就算攤凍咗一陣都仍然薯味十足，好似甜薯一樣甜甜地。北海道芝士粉好平均咁灑滿嚮每一條薯條嘅表面，帶淡淡嘅芝味，香得嚟唔會霸道，食再多都唔覺口乾，正～雖然味道唔錯，不過如果要我食返原價38蚊，我就會嫌貴。電擊雞翼電擊雞翼，呢個名我諗咗好耐，就算食完之後，都諗唔到雞翼同電擊有咩關係⋯細心啲睇就會發現，佢每「隻」雞翼，其實都係一隻完整嘅雞翼嘅一半。一擺落口嗰刻，真係好驚喜，因為佢係凍架！然後味道就係甜甜地，唔知仲以為自己食緊甜品，的確幾特別同開胃。蒜蓉/芝士燒日本廣島蠔 HKD88/4隻每次去到一間餐廳，如果見到menu上有蠔嘅話，都總會叫返款嚟試下，今次我地點咗芝士同蒜蓉燒蠔。芝士個款雖不及日木宮島嘅咁芝味，不過勝在唔膩，連埋中型size嘅蠔肉食，作為小食係唔錯

一向鍾情日本菜，但總是覺得香港好難搵到平、靚、正既餐廳。 今日黎黃大仙探朋友同佢既混血兒BB女。玩左大半個晏就，大家都決定直落食埋晚飯。朋友話過去十個月都冇得食日本野，而家終於唔駛戒口，可以黎一個大解放。-朋友帶路黎依間餐廳，話依間係佢同老公既長期number 1 飯堂。一行四人六點半左右黎到之後餐廳陸陸續續都好多人😝大約七點已經座無虛席😯見依間餐廳咁多客人，水準應該唔錯呢-先黎火炙宮崎和牛壽司$38 一件薄片和牛，入口即溶和牛有光澤。真心推介❤️-之後叫左款比較特別同埋少見既壽司鵝肝壽司 依款都好正厚切既鵝肝，煎得香脆同樣入口即溶，唔會有陣陣騷味亦都唔會煎到好油可媲美很多酒店自助餐既鵝肝-芝士厚燒玉子❤️熱辣辣既玉子，香甜既蛋香配上薄薄的芝士醬 😜好惡邪的小食，但味道100分-日本清酒石窩煮蜆新鮮既蜆肉加埋海苔配菜，淡淡既酒香湯底依款清清淡淡唔錯可以過濾一下剛才比較濃味既食物然後再食下一道食物-田樂麵豉燒日本米茄子依個名好特別賣相都幾kawai 而我本身幾鍾意食茄子🍆蔥花醬料配厚燒茄子唔會燒到好乾，一咬落去好多汁朋友唔食茄子，我食埋佢個份😁-電擊雞翼個名好搞笑我地四個不停係到brains

黃大仙中心有新舖開左喇超近地鐵站 , 出口一出轉左就見到我地係閑日去食, 所以都唔洗等位位置好闊落 同埋好乾淨 , (轉彎仲有好多位 , 只係爆晒)芒果三文魚蟹籽沙律 $62必點! 又FRESH 又脆口 青瓜清甜 , 又爽口  ~ 粗幼好平均蟹籽 , 沙律醬的比例多得黎又唔會流而最最最Surprise 的竟然係芒果三文魚雖然佢係真主角 , 但好多餐廳都將佢變成左配角我咁講得就當然佢仲係主角! (哈哈 !)芒果同三文魚的大小差唔多 , 一樣係大大舊 ! 而唔係一粒粒我真係食到有三文魚架! 好感動 ~~~芒果亦都好甜. 牛油果芒果三文魚班戟 $48而個唔係唔好食 , 但同個沙律太有對比材料又差唔太多 , 餐廳應該先上依個再上沙律會好啲電擊雞翼 $48開頭我都係道諗咩叫電擊雞翼, 因為佢個名我地而叫左一食之下原來係凍 嘅, 睇返個英文叫 Cold Deep Fried .不過佢又唔差喎! (我都係第一次食凍雞翼)外層仲有啲蜜糖咁 , 甜甜地 , 加埋出來做前菜真係正如果配啤酒都唔錯 ! 同埋咪睇佢10本以為好多其實佢係單骨雞翼黎架 ~ 所以份量都唔係你想像中咁多唐揚雞軟骨 $38嵐嵐食日本野