樂糖 (Closed)

天花佈滿好多唔同顏色既氣球，色彩繽紛，好似去左兒童糖果樂園甘。燈光光猛，望落整潔乾淨。💜霧之花卷：薰衣草·香芋·配香芋雪糕 $49第一次食薰衣草制品，滿佈氣孔既黃色蛋卷入面係紫色薰衣草味cream，忌廉打得企身幼滑，甜度剛剛好，間中會食到海藻珠增添口感。配上濃郁香芋味雪糕，再配上薰衣草熱茶，可以幫助今晚入睡。絕對係紫色誘惑～🖤黑芝麻－豆腐配豆腐味雪糕 $52黑芝麻同豆腐係常見既配搭，但呢種口味既心太軟真係第一次食。心太軟既外層係黑芝麻味，一切開中間既流心係黑芝麻醬加上嫩滑既豆腐花，配埋濃郁豆腐味雪糕，一冷一熱，完美組合。

為左撐朋友喺天晉匯擺復活手作市集，住老遠的我都來支持支持。市集一檔接一檔的圍繞著商場外圍，邊行邊可以看到有什麼餐廳 （所有餐廳都有兩個入口）。玩飽行飽又係時間去開餐，揀左間以白色為主調，天花佈置左好多不同顏色的氣球，色彩繽紛，整體感覺幾乾淨嘅甜品店－－樂糖 落腳。餐牌比較簡約，有圖，分懷舊系，花系，芭菲等多種類再有不同口味。因為見到門口的花茶，顏色狀態觀感良好，所以我都揀左以花入饌的甜品。霧之花卷：薰衣草·香芋·配香芋雪糕$49一上桌已經聞到陣陣薰衣草的氣味，好舒服的香味，厚切淺黃色的海棉蛋糕夾雜著粒粒薰衣草，配上薰衣草味忌廉，間中會食到海藻珠，口感爽口都幾有趣。另外配上同為紫色系的濃郁香芋味雪糕。仲會有一杯花茶跟上，成個感覺好圓滿。卷蛋滿佈氣孔，質感鬆軟濕潤，蛋香尚算濃郁，配合淡淡的薰衣草花香令人一試難忘，卻沒有半點突兀。忌廉打得企身幼滑，花香濃郁帶淡淡的奶香，不會過份膩口！甘酒丸子 可以揀熱食（原味酒釀配丸子）或凍食（配雪糕），我揀左凍食配柚子雪糕，雪糕上面有柚子蜜，酸酸甜甜又可增加口感，清雅的日式酒瓶內放的是店家自製的甘酒，酒味不濃因為甘酒其實沒有酒精成分，只是用白米天然發酵而成

同朋友去左將軍澳天晉匯食完飯，去左旁邊既甜品鋪食，甜品店名叫「樂糖」，相當有趣。餐廳裝潢簡單鮮明，天花佈置左樂多不同顏色的氣球，色彩繽紛。而座位數目不少，分別有卡位亦都有高桌，桌面用以雲石面，睇落好整潔舒適。🍧我同朋友點選了：「霧之花卷：薰衣草·香芋·配香芋雪糕$49」「雪燕紅棗杞子燉鮮奶$59」。🍧「霧之花卷：薰衣草·香芋·配香芋雪糕$49」材料有洋甘菊忌廉、海藻珠。未食都已經聞到陣陣薰衣草的氣味，海棉蛋糕表面好多粒薰衣草粒，而中間卷上紫色薰衣草味cream。另外配上香芋味雪糕，香濃香芋味雪糕香滑。最特別是配上薰衣草熱茶，聽聞飲完會容易入睡，睡覺都甜啲。🍧「雪燕紅棗杞子燉鮮奶$59」熱騰騰的好補糖水，整碗都奶白色，味道香濃。材料包括：拉絲雪燕(印度)、平民燕窩。餐牌說明有美白、袪斑、排毒、通宿便、降血脂、補充膠原、修補傷口及關節的效率。😋「餐牌」我已經影左上載至openrice既「餐牌」入面啦，方便大家查閱相關菜式。📋