禮 (打鼓嶺道)

Open Now

Now Closed

胡麻番茄沙律 ($78)原粒番茄上面鋪滿柴魚碎，有沙律菜墊底番茄超級甜完全無草青味👍🏻份量都幾足，作為前菜幾清新開胃富士蘋果煙肉卷($48)蘋果煙肉卷係出面都好少見，真係幾好食😋蘋果微溫暖，係半熟蘋果脆嫩既口感，同煙肉既嚼勁形成獨特既口感一甜一鹹既組合既有蘋果清新香甜既味道又有煙肉煙燻過既鹹香味👍🏻青森青提豚肉卷($48)呢個係我地覺得最好食既串燒～鹹香既豚肉片包裹住大大粒青提燒食既時候feel到青提仲係好溫暖，咬落去青提既甜味同豚肉既鹹香融合，仲超級juicy，清新解膩💚推薦必叫～媽媽鹹蛋豬肉棒($48)免治豬肉棒包裹住一層鹹蛋黃醬，鹹蛋黃醬香得黎唔會好鹹，一啖一啖食好香口，呢個值得一試～京蔥雞肉串($48@)雞肉燒至香嫩多汁，京蔥清脆燒得十分高質黑松露帶子反卷六件 ($188)帶子非常新鮮，上面有一點黑松露醬提味，反卷就有青瓜、蟹柳等配料黑松露同帶子呢個配搭幾特別，係好食既👍🏻蟹肉蟹膏甲羅燒($88)有大量既蟹膏、蟹肉同蟹籽，味道濃郁鮮美食既時候混合埋蛋黃同餅乾一起食口感會更滑嫩高湯玉子燒($78)口感濕潤軟嫩啱啱好，蛋既甜味同高湯融合在一起，味道溫和食得幾舒服漬物三點($88)包

一間食物種類選擇豐富嘅日式居酒屋小店， 有刺身、壽司、串燒、炸物到丼物等等。 座位以四人位為主，氛圍比較啱一班朋友高談闊論咁聚餐。 極上刺身三品 ($238) • 分別係油甘魚、三文魚、帆立貝。 • 整體係一碟好高質嘅刺身，肉質嫩滑、咀嚼嘅時候有刺身原有嘅淡淡鮮甜。平時唔好刺身嘅我都覺得好食。 清酒煮蜆 ($88) • 每粒蜆肉都好飽滿，最重要係食落唔會咬到沙粒，處理得好好。 • 清酒嘅米香味幾濃郁，但又唔會搶走蜆本身獨有嘅鮮甜。 青森青提豚肉卷 ($48)• 極力推薦‼︎ • 用豚肉包住一粒原整嘅青提去燒，味道有驚喜。 • 青提經過燒烤仍然保持獨有嘅香甜，口感變得更腍同更多汁，兩者味道好配合。 脆皮風鱔 ($88) • 燒嘅程度啱啱好，外皮收得緊緻香脆。 • 入面嘅肉質保持爽口，保留到鱔嘅味道。 池魚王薄切 八切 ($138) • 肉質除咗保持一貫咁鮮嫩肥美，仲多咗一股魚油香。 • 撈少少伴碟嘅薑蔥一齊食又係另外一種層次。 蟹羔玉子燒 ($88) • 玉子口感好濕潤滑溜，比較似蒸出嚟。 • 夾咗蟹羔喺入面，食落有浸浸蟹羔味滲出。