Video
Introduction
This shop is decorated with different sake bottles to bring you a casual dining vibe. It offers artisan Japanese cuisine, especially in skewers. It imports Awa-odori chicken to serve chicken skewers. It is a nice place for gathering and tasting sake and Japanese beverages.
continue reading
Opening Hours
Today
17:30 - 02:00
Mon
Closed
Tue - Sun
17:30 - 02:00
Above information is for reference only. Please check details with the restaurant.
About Reward Scheme
喺openrice想搵九龍城有乜食，無意中搵到，即日都可以openrice訂到座，訂座堂食有88折。店入面唔大，10張枱都冇，不過都唔洗等，食到走都冇滿座，店員一直喺餐廳徘徊行嚟行去。免治雞肉棒配醬油蛋$48厚切牛舌芯$68免治雞肉棒唔會太淋，有少少軟骨，點醬油蛋好食燒得幾香，牛舌唔會硬，有口感雞腎$48好爽口，冇腥味南蠻炸雞$78個醬汁偏酸，都幾脆燒原隻日本魷魚$128幾香，個汁甜甜地，魷魚都幾爽口黑松露鵝肝多士$88味道普通，$88一舊都幾貴富士蘋果煙肉卷48金菇牛肉卷58富士蘋果好普通，幾甜，只係蘋果包咗塊煙肉金菇牛肉卷正常，金菇爽口，個汁幾好味，牛肉有啲老海老天婦羅 $88唔係太大隻，都幾脆的極上刺身五品 $248刺身就一般，感覺放題質素，全部都勁冰凍好似未解凍咁，食落勁冰凍，冇乜味網燒月見牛排丼 $188撈埋食幾好食，牛排肉幾厚，有口感，但不算太香蟹肉蟹膏甲羅燒$88下面有隻生蛋可以倒埋落去撈，蟹膏幾香，不過太少蟹籽，甲羅燒要有蟹籽口感先好食牛肉稻庭烏冬$98有大約四五塊牛肉，牛肉幾香，彈牙，烏冬就正常忌廉蟹肉薯餅$58幾脆，冇乜特別得燒物同串燒比較好食，價錢不算平，5人食其中一個是小童，都食咗15xx，唔太飽
continue reading
九龍城向來是平民美食集中地，特色餐廳數不完，今次選了一間日式居酒屋氣氛唔錯，聽過幾次午市定食性價比好高，只是距離宋王臺地鐵站5分鐘距離，氛圍感十足值得一試前菜選了「漬物三點」和「紫菜芥末八爪魚」特別開胃如果喜歡喝酒，一定要試吓「兩小時啤酒清酒任飲」每位只需98，飲兩杯已經回本啦「蟹肉蟹羔甲羅燒」松葉蟹的蟹膏 伴着蟹肉一起吃，燒到微微焦香，再蘸上日本蛋黃夾在餅乾上，口感很豐富「刺身三品」油甘魚肉質很肥美，還有帆立貝和三文魚，刺身夠厚油脂分布不錯串燒品種非常多，一路嘆串燒一邊飲啤酒，用餐氣氛很好，串燒質素也是相當高，「亞波美手羽先」，來自日本四國德島縣、走地放養的阿波美雞，脂肪含量較低，肉質紮實彈牙，雞皮非常脆很好吃「蟹膏玉子燒」是朋友推薦的，香滑的玉子燒夾心有豐富的蟹膏，很有鮮味，還有卜卜脆的飛魚子，增加口感「唐揚炸雞」也是很推薦，炸衣不會太厚，在居酒屋吃的炸雞特別好吃，再加上冷的稻庭烏冬，是非常滿足的一餐—————————————————禮 (打鼓嶺道) (九龍城)九龍城打鼓嶺道79號地舖—————————————————#hkfoodstagram #hkfoodies #hongkongfood #香港 #___🥇Follow @eathkgirls #eathkgirls #食港女
continue reading
主打日式串燒的居酒屋，望入櫥窗，見到多隻大少不一的招財貓，很吸睛，店內裝修充滿日本氣息，播住日文歌，氣氛很好，現在更有$98任飲啤酒/清酒2小時，啱哂喜愛杯中物的朋友，飲返2-3杯已經值回票價！首先送上小食前菜，軟腍牛脷切成條狀，配上蘿蔔，椰菜及青瓜，味道酸酸甜甜，非常開胃。❤️漬物三點有蒜頭、白蘿蔔、牛蒡，新鮮爽脆，醃得很入味。❤️黑松露枝豆很創新的配搭，第一次食，有驚喜，黑松露味道濃郁，好特別，口感絕佳，我很喜歡。❤️兵庫縣室津生蚝生蠔大大隻好新鮮，非常肥美，肉厚好creamy，入口啖啖肉且無渣，並有淡淡的果香味。❤️紫菜芥末八爪魚八爪魚好新鮮，十分彈牙，芥末不太濃，配上紫菜一齊進食，另有一番風味。❤️明太子油揚豆腐油揚豆腐炸至酥脆，配上明太子的鹹香和微辣，十分惹味。❤️青森青提豚肉卷另一出色之作，五花豚肉燒至微微焦脆，中間包著青森青提，青提的酸甜味和豚肉的油香互相襯托，帶來美妙的享受。❤️厚切牛舌芯火候控制得非常好，有三件厚切，採用牛舌中間部位，嫩滑多汁，油香四溢，必食之選。❤️亞波美手羽先選用高質的日本雞翼，超級大隻，外脆內嫩又夠味，絕對是雞翅控的最愛，讓人欲罷不能！餐廳食物質素相當高，員工服務有禮，值得再訪！
continue reading
放工想食好啲，搭地鐵去咗九龍城搵野食，見到呢度都幾多人食緊，見到餐牌都幾多選擇，我哋又入去試吓～～1.前菜$20前菜係雞腎，配搭咗小青瓜，小黃瓜、紅蘿蔔、芝麻等等，味道都幾特別，幾清新，味道酸酸甜甜，一開波都幾開胃😌2.漬物三點$88三點即係有蒜頭、白蘿蔔和牛蒡☺️ 白蘿蔔有柚子蜜嘅味道，蒜頭比較特別，帶有章魚燒嘅味道，上面加咗啲木魚，都幾有趣~牛蒡鹹鹹地，口感都幾爽脆😛3.極上刺身三品 $168刺身包括有油甘魚、三文魚、帶子，油甘魚鮮甜美味，食得出都算幾新鮮，而且都幾香～三文魚都有油脂，鮮甜可口，而帶子夾雜着檸檬一齊食，都幾新穎😂4.味醂魚乾 $78魚乾烤完之後，肉質都仍然非常軟身，沒有出現烤到乾晒嘅情況😉都幾驚喜，而且過咗一段時間都仲係暖暖哋，唔會凍晒5.酒盜芝士 $78芝士🧀配搭住漬物，味道非常濃郁，亦有淡淡的清香酒味☺️濃郁嘅醬汁再配搭淡淡嘅芝士，再放上香脆的餅乾上，形成咗一種高質嘅感覺，成個配搭味道都唔錯👍6.蟹羔玉子燒 $88玉子燒很香甜嫩滑，雞蛋一啲都唔老，而且熱食後蟹膏好有蟹味😛7.唐揚炸雞（原味）$78食得出係即炸，非常熱非常新鮮，配搭沙律醬喺旁邊，炸雞底部有沙律菜墊底，非常細心～溫馨提示，最好放一陣先食，因為真係幾熱🤣🤣8.燒原隻日本魷魚 $128真係原隻魷魚上😂🤛魷魚鬚同魷魚頭都係曬到….魷魚都係烤得啱啱好，都係唔會太乾，魷魚嘅質地都比較軟身易入口～而且燒汁有少少辣辣地，食落去都幾過癮，而且個擺盤都幾有心思幾得意😊9.醬汁燒豚肉串 (2串) $72豚肉肥瘦相隔，肥肉充斥着好香嘅油脂味，而且豚肉有少少香辣，再配搭埋燒汁，都係一個幾特別嘅味覺享受😋10.煙腩肉秋葵串 $48煙腩肉表面烤到很香脆，包裹着秋葵，秋葵仍然保持着原有新鮮的味道👅11.雞軟骨 (2串) $48表面灑上黑椒，雞軟骨很脆口，烤到啱啱好，唔會太乾~從保留了部份雞肉包裹住，再配搭檸檬汁，酸酸地，都幾開胃🤤12.粟米 $28粟米都算幾甜，都係烤得啱啱好😄13.日本南瓜天婦羅 $78南瓜天婦羅外脆內軟，都好好食，而且天婦羅醬汁係熱嘅，一般外面都係凍冰冰，加熱比較少見，店家都幾細心~14.月見醬唐揚飯團 $48飯團係炸過嘅，表面再放上生雞蛋黃，兩者融合埋一齊非常夾，飯團表面香脆內裏鬆軟，感覺都幾特別😃15.明太子油揚豆腐 $78明太子份量幾都多，滿滿咁鋪喺油揚豆腐上，在表面加咗好多蔥花做點綴，都幾有心思，而且豆腐入邊都幾Juicy，咬落去都有啲汁彈出嚟，都幾有趣16.薯上白雪 豆腐雪糕 $58廚師話番薯係日本黃心番薯，跟返個季節而家會供應黃色蕃薯，如果係冬天就會轉紫心番薯🍠番薯好甜，都好似烤番薯嘅味道，再配搭淡淡的豆腐雪糕，甜美和淡味造成一個平衡～～今次整體嘅體驗都唔錯～～難怪咁多人食，日本嘢嚟講，都算幾高質～～～下次可以再encore🥰🥰🥰
continue reading
好少打食評，但呢間餐廳真係太差一去到問有冇book位我地話冇book就叫我地坐bar 枱（吧枱好窄唔會擺到食物）然後我問可唔可以坐返大枱就叫我地坐住先當時差不多晚上10pm然後成餐飯冇人係我哋臨走先有一張枱Walk in完全唔明點解原先安排要我地坐門口擺唔到嘢食嘅吧枱刺身唔新鮮、怪味、師傅唔識處理筋位三文魚樣同口感都好怪油甘油成條係筋根本食唔到蝦亦唔新鮮未食過咁差嘅刺身其餘串燒亦冇特別，調味偏咸感覺冇心機做嘅一間居酒屋兩個人食左成千蚊劣食嘅一餐女侍應成日掛住㩒電話叫佢比杯水又比茶叫佢埋單明明回應左但等好耐原來冇安排要再叫多次先安排感覺好差嘅一間餐廳永不會再幫襯
continue reading