Dazzling Cafe (皇室堡) (Closed)

同同事今日特登嚟咗皇室堡呢間餐廳，經過門口已經覺得好少女feel, 入去坐低，見到成個環境，又有兔耳椅，都覺得自己夢遊仙境咗！中午有套餐有飲品又有湯，三個人試左三樣嘢：1）暖心。滷肉飯 （$98）顧名思義就係台灣滷肉飯，上面再加一隻溫泉蛋。滷肉唔算太肥，飯又唔算太多，女仔食就夠2）我家。牛肉麵 （$118）份量都大碗，牛肉好冧，但有點油，味道方面都ok3)青醬奶油雞腿麵跟沙律 （$120）Pesto 醬汁的意大利麵，都幾好味，個汁好香濃，下次可以再叫餐飲方面，～（熱）仲夏熱帶水果茶，果味濃，有好生果切粒，但略嫌太甜，都可以斟到兩杯～（熱）鮮奶latte , 個連唧花都好靚嘅，味道不錯食物CP 值就低D，都算貴。但係如果講環境target女仔食下waffle，拍下拖就ok 😅

Dazzling Cafe📍銅鑼灣去過Dazzling Cafe嘅朋友都知道呢間餐廳嘅風格係有日系女僕風嘅感覺，餐廳唔少櫈都加咗對兔耳仔，裝潢好可愛。可惜餐具盒上面嘅紙巾喺坐低之前已經染有少許污跡，有少少影響觀念，如果安排客人入座之前可以check清楚就更加好。仲夏光芒蜜糖吐司 $118吐司配上咗蜜糖、芒果雪糕同埋芒果雪芭。值得一讚嘅係雖然全部配料都係甜嘅，但係配埋一齊一啲都唔漏，甜度啱啱好。芒果雪糕酸酸甜甜，配埋吐司一齊食超正。青醬奶油雞腿麵套餐 $120雞腿煎得啱啱好，切嘅時候仲有肉汁流出來。青醬嘅調味都好正，食落好有basil嘅香味。跟餐仲有一個沙律同一杯飲品， lunch嚟食呢個質素算係幾抵。愛民芒果烏龍冰茶 $48原本想叫少甜，點知店員話冇得少甜。嘢飲上到嚟雖然冇少甜到，但係佢嘅甜度啱啱好，同一般手調飲品嘅少甜其實差唔多。飲品入面有粒粒芒果肉，配上烏龍茶感覺好清新，好適合夏天解渴飲。

之前經過尖沙咀Dazzling Cafe 分店已經好想試下，咁啱萬聖節當日要去銅鑼灣，就同朋友去左皇室堡分店食晚飯。銅鑼灣分店既設計同尖沙咀有D唔同，唔係用粉紅色作為主題，改用左白色木材加植物配搭，有種小清新既感覺，所以就算一家人/同朋友去都好啱Feel。有D凳係用左兔仔耳做設計，好可愛，而琴日我地就坐左係梳位枱位置，張梳位好舒服，仲有cushion提供，唔錯。因為係萬聖節，所以餐廳推出左期間限定既萬聖節限定菜式同Menu。萬聖節限定Menu係二人份既，入面包晒3樣萬聖節限定菜式﹑所以我地叫左個Set。除左3樣特色食物之外，仲有一個預設左既沙律同一個意粉(可以係Menu上面任揀)，開始仲擔心唔夠食，諗緊好唔好加多個意粉，點知原本份量都幾多，我地食完之後好飽，哈哈。香料雞腿凱撒沙律份量都算多，如果一個人食，應該整係食呢個就已經飽晒。凱撒沙律上面既兩大塊雞腿肉燒得好香，雞皮燒到好脆身，咬落去一D油膩既感覺都無，所以我連皮一齊食晒。無骨雞腿肉肉嫩多汁，配上清新既凱撒沙律食一流!!! 凱撒沙律既麵包粒同煙肉粒都唔算太乾身太硬，所以整體黎講幾好食。青醬奶油雞腿麵我一向都好鍾意食青醬意粉，因為覺得