云手工火鍋店

Open Now

Now Closed

FD介紹咗哩間好特別嘅火鍋店，有火焰火鍋睇，咁特別一定要試試。成間餐廳裝修得幾得意，好似一個個包房咁，坐得幾闊落。餐廳提供九宮格小料，有香菜，辣椒同蔥等，啱曬所有口味。可樂同忌廉，食開火鍋一定要叫碳酸嘢飲。火焰沙白蟹鍋，侍應推咗車仔過來，海鮮鍋裡面有一隻蟹同唔少沙白，蟹下面仲有一大粒牛油，會當面用牛油來炒蟹。之後落完酒，侍應會小聲提醒，宜家要點火，要小心啦。點火真係好驚喜，成個鍋都著咗，影返幾張靚相先。最後倒落香菜同芹菜高湯一齊煲，侍應仲提醒等湯煲滾咗，可以先飲碗湯。成鍋湯煲滾以後，真係好好飲，高湯加咗海鮮以後，更加鮮甜。沙白用酒同牛油烹飪後，食落好好味。蟹肉一就知係新鮮貨，蟹肉好彈牙同鮮甜，唔錯。牛胸爽，燙30秒已經可以食，食落好Q彈同埋好重牛香，好味。新鮮黑百葉，百葉7上8下已經可以食，食落好爽口。韓式泡菜牛肉餃，哩個係FD介紹嘅，又真係好少見。餃子裡面泡菜都幾多下，牛肉同泡菜好match，食到停唔落口。午餐肉，質素唔錯，一碟幾大份，全部食完好飽TIM。哩間火鍋真係好有新意，上次FD食過嘅火焰三椰雞鍋都好推薦，下次一定要再黎試下！

松茸雞翅冬瓜魚鍋一個好既火鍋由湯底開始，呢個湯由三黃雞、魚同豬肉黎撞味道，好香濃。冬瓜煮到淋透時，湯味已滲入哂，唔駛再加調味都好食。西班牙黑毛豬肉味濃郁，食個陣唔會覺得油膩。風沙粟米灑滿椒鹽，微辣，好正，夠惹味。而且粟米已切開，方便食。韓式泡菜牛肉餃餡料豐富，泡菜味突出，推薦👍自家製紫菜響鈴即叫即炸，顏色金黃，浸一下湯即刻拎上黎食，仲有d酥脆又吸到湯汁。竹庶茅根唔會太甜，打邊爐必飲。呢到座位算寬敞，餐廳環境唔嘈，適合同朋友聚餐。

OpenRice好評甚多的港式火鍋店，地點就腳，裝修雅緻，座位闊落舒適。食物種類多又講究，當中6款手工湯底都非常吸引，心大心細之間看見鄰座Order的火焰鍋底甚為吸引，也決定跟隊一試。火焰三椰雞鍋 $328一上桌就看到一鍋的真材實料。除了雞件和椰肉外，還有椰青水、椰皇水和濃湯底。店員首先以牛油稍微炒香雞件，再逐一倒入椰水，未滾就已經聞到爆發的椰香，令人垂涎三尺。湯底固然清甜滋潤，雞件也不錯，嫩滑又少碎骨，也不缺雞油香，這個鍋底評分很高，值得Encore！西班牙黑毛豬 $188 | 自家製響鈴 $68 | 鮮淮山 $48極茜豚肉餃 (半份) $48 | 韓式泡菜牛肉餃 (半份) $58手工火鍋不少得要Order手工製品。試過2款餃子都很高質，大大隻之餘都皮薄餡靚，芫茜黨黨員表示極茜豚肉餃吃得過，認真足料夠茜！韓式泡菜牛肉餃夠辣度足，爆餡又惹味。自家製響鈴即叫即製，上桌時還是熱烘烘的，新鮮有豆香，最適合與鮮甜的湯底作伴，吸湯一流。黑毛豬脂肪均勻，薄薄一片燙一會兒就可以吃，嫩滑有鮮味。鮮淮山也是近排打邊爐的新寵，口感爽脆，是有助消化的健康食材。醬料 $28九宮格醬料很有架勢，除了基本的醬料都

一開頭俾9宮格你裝配料三椰火雞鍋 $328店員會先用牛油炒香個雞，之後落椰皇、椰青同椰子雞湯，好足料。一煮滾，勁香椰子味，即刻飲番碗湯先，好清甜，忍唔住飲左2碗先開動，雞件煮幾耐都好滑😋🐮招牌牛肉拼盤 $388手切牛：好香牛味安格斯牛肉：油脂分布平均，有牛味牛舌：好嫩滑牛胸爽：以為白色個片係脂肪，其實係軟骨位，完全冇油膩既感覺牛心椗：口感好爽脆牛柳粒：油脂分布唔錯，煮耐小小都唔怕。韓式泡菜牛肉餃 $58包住滿滿的泡菜，泡菜味濃郁，而且包左泡菜，令口感更爽脆。粟米 $48🌽係我打邊爐必叫既食物，好甜。黑松露芝心蝦丸 $68重黑松露味，蝦肉爽脆。呢間坐位寬敞，同朋友吹水食飯，環境唔錯。

今日去既火鍋店，係樓下已經有一個好得意既signage.係尖沙咀黎講都叫做好特別下。今日先叫了個金湯花膠雞鍋上鍋既時候已經覺得正，先用一個大腐皮，裡面包住翅，花膠及雞等材料，店員先係你面前剪開，再加上雞湯，然後再等待滾起。到滾之時，可以先品嚐一下雞湯。裡面好清 ，沒有油，而且味道好足雞味。自家製響鈴響鈴熱辣辣即叫即炸。咸蛋黃蝦丸一般蝦丸好常見，咸蛋黃蠔蝦丸，除了彈牙，原來佢係個心裡面全都係蛋黃，蛋黃咸香出曬黎，估吾到有咁多蛋黃。韓式泡菜牛肉餃開胃，泡菜酸酸辣辣，正好而家食泡菜餃，而且個皮好薄，餃子皮外都可以見到餡自家製黑松露蟹肉餃蟹肉夾住松露，好大一隻，裡面蟹肉十足。紐西蘭羊肉冬天到就想食羊肉了，好香既羊味，薄薄一片已經好滿足。荔枝梳打最後黎一杯荔枝梳打，火鍋飲點好甜既確係幾爽。