云手工火鍋店

Open Now

Now Closed

松茸雞翅冬瓜魚鍋一個好既火鍋由湯底開始，呢個湯由三黃雞、魚同豬肉黎撞味道，好香濃。冬瓜煮到淋透時，湯味已滲入哂，唔駛再加調味都好食。西班牙黑毛豬肉味濃郁，食個陣唔會覺得油膩。風沙粟米灑滿椒鹽，微辣，好正，夠惹味。而且粟米已切開，方便食。韓式泡菜牛肉餃餡料豐富，泡菜味突出，推薦👍自家製紫菜響鈴即叫即炸，顏色金黃，浸一下湯即刻拎上黎食，仲有d酥脆又吸到湯汁。竹庶茅根唔會太甜，打邊爐必飲。呢到座位算寬敞，餐廳環境唔嘈，適合同朋友聚餐。