Goobne Chicken (V Point)

Open Now

Now Closed

小妹久未露面，前日去開銅鑼灣見客～食左個好芝味既烤雞，食完仲要一啲都唔熱氣唔上火佢完全係唔食得油炸野既人既救星我黎到先知佢地有個UFO芝士火鍋，炸雞點返咁邪惡既芝士漿真係好正呀！！我地點左香脆蜜糖烤雞～上枱既時候已經勁吸睛呢個芝士火鍋🍲真係足料仲有職員幫忙加熱搞拌好芝士真係十分貼心，令我地可以坐係度輕鬆食雞唔洗諗叫左杯鯊魚之淚，就係貪佢條鯊魚用黎打下卡佢呢杯野有2個版本，分別係有酒精及無酒精姐係大人細路都叫得淨食雞drydry地，所以叫多左個韓式炒粉絲雞蛋卷賣相100分食埋佢就真係大滿足～十分飽足

好耐冇見中同之間嘅對話仲係好好笑呀🤣🤣 今次嚟到銅鑼灣要呢一間韓國著名連鎖炸雞店，係朋友推介嘅。自問自己對炸雞都有一定程度嘅熱衷，我二話不說就嚟咗呢一間。開咗Menu發現，性價比唔算太高，百幾蚊一個小食走唔甩。冇辦法啦，都要交租嘅～叫咗韓國炒粉絲雞蛋捲、果味蒜香烤雞與甜辣烤雞。嗰日食唔算太多人，但係都等左成20分鐘先上台，好鬼肚餓。🤮蛋捲大大舊，都幾飽肚。味道就一般般，唔算太深刻，亦都唔可以同日本嘅蛋捲相比。🤪果味蒜香烤雞與甜辣烤雞分量同色澤都係可接受，不過等左太耐喇，唔理三七廿一求其影咗張相就食。ERRR，基本上所謂嘅蒜香味道唔係好食得出有蒜蓉味，淨係feel到一舊焗雞。而甜辣雞翼甜味偏重，好似甜酸齋嗰隻甜齋嘅感覺，又有啲辣嘅後續喺度了下了下～未到好驚喜話要再嚟食嘅感覺。服務方面，值得嘉許嘅係佢哋會有韓國人做侍應，有少少感覺真係去咗韓國咁。至於加水方面就比較慢啊，叫咗三四次先有人俾我哋，速度方面就有待改善啦。-韓式炒粉絲雞蛋卷 | $148果味蒜香烤雞與甜辣烤雞 | $205-Goobne Chicken銅鑼灣登龍街18號V Point 25樓

喺cwb一直都好想揾個靚同靜嘅地方食下野傾下計，心血來潮同好友走去附近V point 望望，好姐妹話想食炸雞🍗聽聞依間餐廳出名烤雞不經油炸都保持肉質嫩滑我地一於上去試下！餐廳位於25樓，一入到去望到個夜空同海景都幾舒服! 唔錯喎！每張枱座位的距離唔會好近!傾計唔會嘈到人😂行完街實在太肚餓，友人即刻叫左三樣野食先：韓式炒粉絲雞蛋卷 ($148)將韓式炒粉絲變一變，同卷物mix and match，加上有芥茉蜜糖醬、蕃茄醬配襯、青瓜紅、蘿蔔、午餐肉等配料，層次豐富。砂鍋魚糕湯 ($150)魚湯味道算幾清，天氣凍叫碢熱辣辣嘅魚糕湯真係最啱不過! 而鍋內有唔同款式嘅魚糕/魚肉丸，有三角形圓形等等，各有特色！顏色賣相都幾吸引!整體都幾滿意，貪佢唔辣清清地!果味蒜香烤雞+甜辣烤雞（$238）雞件共十多件，而且雞肉比較少骨，可以大大啖咁食!對於三個女生份量其實都足夠！兩款醬汁都好好味，我自己比較偏向食果味蒜香，勝在醬汁甜甜地，又幾惹味，雞肉烤得乾身又唔會好油膩;)食到咁上下，我地叫左幾杯飲品解下渴：😀蜜糖西柚茶（$38）好潤好清甜唔太酸！🍹藍莓特飲（$50）味道不過不失！🍺Hite Extra co

話說，上週五約了幾位舊同事來Goobne吃午飯，發現原來銅鑼灣店環境超好，高層落地玻璃，裝修時尚。雖然午市套餐性價比好高，但記得其實菜式份量都多，就單點了好幾款大家一起分享。第一樣是最新口味的蜜糖香滑烤雞 ($205)，叫了有骨，吃雞髀、雞背位置肉質最嫩滑juicy，外皮烤至脆身，醬汁偏甜帶微微的辣，香口好吃。烤雞熱辣辣送上，剛烤好特別好吃。之後，就是蛋控最喜歡的韓式炒粉絲雞蛋卷 ($148)。份量好多，欣賞蛋卷軟熟不會乾身，吃下去能嚐到蛋味，加上粉絲、午餐肉等配料，口感豐富。韓式牛肉炒年糕 ($165) 則是比較重口味的選擇，年糕份量多，非常煙韌！醬汁較濃味，牛肉和粉絲都沾滿了醬汁，送飯一流。最後我們點了一份午餐人參雞湯 ($128)，性價比好高啊，配沙律、泡菜和飯。竟然是原隻雞上(雖然是小隻的)，雞身裡面還藏滿飯，再用杞子、蒜等長時間烹煮，湯不會太咸，雞肉嫩滑，不錯吃。這裡的飲品都色彩繽紛呢。

位銅鑼灣「登龍街」食街裡面，「V Point」廿五樓的知名韓國烤雞店「Goobne Chicken」，我已經不止吃過一次，計算今次幫襯在內，足足已經幫襯了銅鑼灣「Goobne Chicken」好幾次。與此同時，我累積了很多張由銅鑼灣「Goobne Chicken」派發出來的優惠券。但是實際上，我真的能用上那些優惠券，去支付「Goobne Chicken」的費用，就只得這一次。歸根究底，我只曾經用過一次「Goobne Chicken」優惠券，只是因為「Goobne Chicken」使用優惠券的條件實在太過嚴苛，令我經常無法真真正正地，去使用「Goobne Chicken」的優惠券。銅鑼灣分店「Goobne Chicken」派發出來的優惠券，原來只適用於銅鑼灣分店，我拿着它們，就算想幫襯其他分店，例如中環分店、旺角分店或者荃灣分店都不行。就算我把現金券帶回銅鑼灣「V Point」，銅鑼灣「Goobne Chicken」每張五十元面值的現金券，都要消費滿港幣五百大元，才能堂堂正正地公開使用。結果我這次拿着現金券光顧銅鑼灣「Goobne Chicken」，也需要不斷叫食品飲品，令我第一次品嚐聞

食野當然要揾過環境坐得舒服又有景睇下咁喇.. 最啱我地女孩子傾偈.. 最得我地揀左上V Point食炸雞.. 個景真係無得輸.. 街景都好靚.. 仲有Goobne 特色倒插沙冰.. 哈哈.. 不過今晚我朋友唔飲得酒就唯有唔飲喇.. 韓式粉絲雞蛋捲: 呢個都係我每次食都必點架.. 入面有火腿青瓜仲有粉絲.. 有點素都可以整得好好味.. 次次都食唔停口.. 基本連另外上嘅醬汁都可以不用點咯.. 健康之選.. 芝士炒年糕: 芝士味勁濃又辣辣地好開胃.. 本身年糕都無味但一煮完再點芝士汁.. 辣中帶芝士香.. 本身仲有辣麵底.. 但我地怕太流就無點芝士汁.. 不過放耐左芝士會凝固就無咁好食.. 一食就知道係邪惡之最.. 蜜糖咖喱烤雞: 皮脆內軟.. 外皮脆得黎沾滿甜甜的蜜糖味.. 哈哈.. 但係不太發覺有咖哩味..原來係要點醬先得.. 不過我自己鐘意就咁食多啲.. 雞肉夠滑.. 味道剛好不太濃味.. 另外不得不提就係我最愛嘅酸蘿白.. 好開胃而且中和到炸雞嘅’流’ 同油膩感.. 雖然價錢都偏貴了點.. 但至少都仲有靚景睇.. 再嘆杯cocktail 簡直人生一大樂事.. 不過我地2個人點3樣都

第一次在銅鑼灣食飯可以有此景觀，位於V Point 25/F的Goobne Chicken，全場落地玻璃，景觀開揚，可以遠眺維港海景，其他方寬敞舒適，望住個海景食飯，食得開懷，8點鐘還可以望到幻彩詠香江的燈光效果，認真不錯。意大利青醬雞肉沙律：沙律主要是西生菜及紫椰菜為主，還有少許的青瓜及番茄仔，當然唔少得就是雞肉，雞肉份量十足，不過雞肉比較鞋，沙律清新爽脆，配上沙律醬及橄欖油，橄欖油油香味濃，配上沙律令整個沙律無咁乾。韓式炒粉絲雞蛋卷：蛋卷包著粉絲、午餐肉、醃青瓜等，餡料十足，而外層蛋卷是以一層一層的蛋皮包裹著，蛋皮完整沒有爛，卷得非常結實，粉絲非常煙韌，不過比較飽滯。金黃酥脆烤雞：烤雞外面炸呈金黃色，賣相吸引而且完全不油膩，外面炸得香脆而且皮很落，完全吃不到雞的肥油，雞肉嫩滑有肉汁，不會炸到太硬式太乾，火喉控制很好。總結：餐廳環境一流，炸雞質素高，服務周到，基本上無得彈，下次食雞都會揀這一間分店。

身為一個韓飯，韓國野固然都係我既最愛呢一間goobne chicken就係EXO代言，不過我唔係佢地既飯~都係朝聖一下XD入面都幾多位下，岩晒係CWB呢個地理位置XD而呢度係25樓，所以望出去個風景好靚，如果係夜晚黎就更有feel!韓式炒粉絲雞蛋卷($148)其實韓國餐廳好多都有炸雞，呢間比較特別係有雞蛋卷而呢個雞蛋卷就係我想黎既原因! 是關都好鍾意食雞蛋~XD入面材料有粉絲係炒過既，仲有黃瓜青瓜火腿，其實都只係紫菜包飯既材料咁不過係有層厚既雞蛋包住，食落冇紫菜包飯咁飽肚同埋有少少辣醬係上面加番少少味道，整體都不錯蜜糖咖哩烤雞($185)而主打就緊係食雞啦~呢間餐廳就話佢地既雞係冇經過油炸整既，食落就少左份油膩既感覺，而且個外皮都依然會好脆蜜糖比左少少甜味，而咖哩又比左少少辣同鹹味，味道係好豐富雞既肉都好滑就算係雞胸都好滑，係值得一讚!而份量都適中，可以2-3個人食同埋呢度有手套提供架~唔洗怕醜可以拎住食!草莓雪奶冰($98)最後我地都叫多左個冰黎食~因為冇叫到野飲士多啤梨既份量都好多，而且好甜~上面仲有一球雪糕係度，幫個冰加番少少甜味冰入面都仲會有士多啤梨同埋醬所以食到最後都唔會冇味

想食依間口碑好好既烤雞店 終於去左新開既cwb店食個tea 同朋友都食得好滿足!芝士烤雞Deep Cheese Chicken $208芝士粉佈滿成隻雞 一咬落去皮薄多汁 一食就食左個髀先 好嫩滑既肉啊 之後食既雞胸都係嫩既 一啲都吾嚡 可能因為佢係烤雞既關係 鎖住晒肉汁 芝士粉甜甜地 又吾會話好膩韓式炒粉絲雞蛋卷 $148睇落平平無奇 但食到好濕潤 不嬲都愛韓國粉絲既我好喜歡啊 淋淋粉絲再加爽口瓜菜既配搭 真係好好食 仲有唧係上面茄汁同黃芥末醬 必點係配襯既千島醬 更醒胃 食多幾舊都吾厭柚子沙冰 $58酸酸地 都有柚子味 岩晒吾好酒精既朋友Hoegaarden $38烤雞配啤酒好爽 甘樣先岩架嘛

今日和朋友往銅鑼灣goobne食照燒烤雞, 韓式炒粉絲雞蛋卷和藍橙沙冰。照燒烤雞, 外層有甜甜的照燒醬汁,賣相吸引,美味可口, 雞肉鮮嫩,好味到唔停得口,每一啖雞肉都滿燒汁好美味；韓式炒粉絲雞蛋卷, 雞蛋皮包著韓式粉絲,雞蛋卷每件都很足料,賣相精緻, 食落有濃香蛋味, 韓式粉絲好爽口, 兩者很配合,令人感到滿足；最後飲品藍橙沙冰, 由鮮橙和糖漿混合而成, 好香橙味, 送烤雞一流, 美味解喝的飲品。餐廳食物美味, 環境一流, 可觀看跑馬地一帶, 朋友相聚的好地方。

熟悉我的人都知，我甚少重覆去同一間餐廳。問題不在於餐廳，只是個人的心水餐廳太多，希望每次都能在priority list上選一間。不過，今次吃的這家韓式烤雞店，竟然三度光顧： 第一次應該是剛開業不久的尖沙咀店，也是品牌進駐香港的第一店。第二次該是去年的12月跟同學的聖誕聚餐。第三次，便是今次。 雖然來了三次，但吃的食物竟然沒有相同的，真好。更難得的是，每一次吃完都覺得滿意，沒有丁點不悅。本來想分享3次用餐吃過的食物，惜找不到第一次吃的那些相片（可能因為曾經換電話吧），只能分享最近2次呢。Fruity Soy Garlic Chicken $185 選擇太多，商討了一輪，就選了這個雞。侍應送來時，我看不到有蘋果，還以為是送錯了呢。因為餐牌的介紹說是有蘋果和檸檬的。雞的數量多至10件，我跟朋友看到便知合我們二人之力，一定要打包。  未放進口，已被烤雞那股酸甜濃郁的香味刺激到。嚐一口，外皮酸酸甜甜，我想是蘋果的甜加上檸檬的酸，但二者並沒有搶味，不俗。Soy是指醬油，我知道，外皮這麼深色，定是因為醬油了=）不過，醬油味不太重，跟香蒜味的合作天衣無縫。要知道，要是它們「爭寵」，那蘋果與檸檬便會