維港灣餃子坊 (Closed)

呢排一直心思思想食🥟，阿媽又懶得包，見到呢間餃子店評價幾好，咁就去買黎食😋 而家6pm後禁堂食，所以買外賣返屋企慢慢嘆。等緊嘅時候都有好幾個街坊黎買🥟 餐廳門口擺放住優惠價出售嘅醬汁，入面裝修幾有心思，牆紙上啲字幽默過癮💛🥟 招牌四拼餃（8隻） $43寫住招牌，而且係推薦菜式，梗係要試下啦！有齊大白菜、韭菜、香芹、芫荽，一次過可以試曬，大滿足🤤 每款都好鮮甜，餡料豐富，菜同肉嘅比例平均👍🏻 呢款好抵食🥟 韭菜鮮肉餃（8隻）$40原本想食鹹蛋黃芥菜鮮肉湯餃，不過賣曬😢 所以改為呢款都係店家推薦嘅🥟 韭菜同豬肉比得足，隻隻都脹卜卜🥣 是日靚湯（2碗） $0買🥟就會送湯，無添加味精，唔會口渴，可以飲曬🍠 香芋地瓜丸 （5粒）$23見幾多人都推介呢款小食，一於試下！咬感煙韌，芋泥綿密，食唔停口🤤🍵 銀菊露（自家製）$8自家製果然健康啲！飲落仲有回甘💰 $114（外賣自取）

今日坐足五個鐘整把稀疏嘅頭髮，整完都四點幾，好肚餓！我好想食餃子🥟我就問髮型師元朗有乜餃子好食，又要喺附近！佢就推介呢間維港灣餃子坊！坐低即刻望吓個餐牌，推介係韭菜鮮肉湯餃、招牌四拼湯餃等！我就叫咗個韭菜鮮肉湯餃同一杯豆漿，其實我心中想食四拼餃㗎！但係我唔鍾意食芫茜，就無叫啦！之前我髮型師推介過芫茜，佢話勁多芫茜，勁香！可惜！我味蕾好抗拒，無辦法之下保守啲食返韭菜餃，橫掂而家戴口罩無人發覺我口臭😹湯餃好快就有得食，我以為湯餃係將啲餃子浸入湯裏面，但原來係分開㗎！一碗老火湯加八隻餃子🥟是日老火湯係粉葛豬骨湯，但叫呢碗老火湯要$15，飲落無加味精，好飲但可惜湯係凍㗎！失望！餃子一啖咬落去唔散開，好實淨！手工唔錯，皮夠薄，多肉汁，名符其實皮薄餡靚😋我見到枱面有樽辣菜圃，我怕辣，都攞咗少少嚟送餃食，好好味呀！又唔會好似辣椒油咁油，加咗落去啲餃子度就變咗另一種口感！正👍🏻食到一半我就叫埋椒鹽粟米🌽，好快又嚟到有得食！睇落平平無奇嘅粟米，竟然咬落去好香甜！加上椒鹽帶出香脆又可口嘅味道，令我食到唔停口，真係好惹味，值得推介🙌🏻呢間店設計帶出香港本土文化及特色，一邊食住傳統餃子，一邊欣賞牆上插畫，真係

同朋友入到元朗又熱又肚餓，咁岩經過維港灣見到每日新鮮手作餃子俾佢吸引住，咁啱我係個愛餃之人，就決定走入去試下。餐廳入面唔算大但裝修好得意，牆上面有好多搞笑漫畫，睇完會回心微笑。座位亦都好闊落，坐得舒服。▶️椒鹽花枝丸佢有好多小食揀，我地嗌咗椒鹽花枝丸。即叫即炸，新鮮炸到熱辣辣，啲香味擁埋嚟。食落亦都好夠味，花枝丸好彈牙，外脆內軟。雖然幾熱氣但真係好惹味！▶️酸辣湯肥牛烏冬湯底夠酸，亦都好足料。烏冬滑嘟嘟，同好煙韌。份量足夠，兩個人share叫埋啲小食岩岩好。▶️郊外油菜食左熱氣野就緊係要食返啲菜，解下膩。啲生菜好新鮮，夠哂甜，而且食落索索聲。▶️韭菜鮮肉湯餃主菜就緊係要試下佢地嘅新鮮手製餃子啦！8隻大約39蚊，份量唔算多但價錢合理。餃子皮薄餡靚，豬肉好有肉汁，唔會煮得太老太乾。同埋塊皮都夠滑，唔錯唔錯。佢仲會送埋一碗粉葛豬骨湯，標明係無味精嘅碗湯。調味岩岩好，唔會好油，同埋飲完都唔會口渴，好健康。佢地嘅食物選擇都幾多，價錢相對親民，而且環境唔錯，值得一試。