火鍋頭

Open Now

Now Closed

咁啱經過九龍城見到一間好吸引嘅火鍋店分享下食後感先..........椰子燉雞湯底 $188呢個湯底超級香椰子味！而且啲雞好滑配上椰子湯底非常好食👍🏻👍🏻..........頂級本地手切肥牛（例）$238呢個不得了肥瘦適中 肉質鮮嫩好有牛嘅鮮味👍🏻👍🏻正..........招牌海鮮盛合 $498呢個超級好食！！！隻波士頓龍蝦成隻手咁大肉質鮮甜美味 多肉非常新鮮另外花竹蝦同埋大聖子都好好食！貴妃蚌就超級大隻 好新鮮！..........香炸金響鈴$58招牌手打黑松露墨魚滑$88呢度啲響鈴據說係鮮炸的食落同出面嗰啲真係唔同特別香！而呢個墨魚滑好香黑松露味又夠彈牙 非常唔錯👍🏻👍🏻..........竹庶水 $58呢度啲竹庶水係自家製嘅好足料 飲落好解膩👍🏻👍🏻..........火鍋頭Huo Guo Tou地址：九龍城龍崗道17號地舖及1樓

九龍城俾我嘅感覺就係好多好嘢食😋因為我學校喺附近，所以我都間唔中嚟呢頭搵食。今次都係我第一次喺九龍城打邊爐，整體都非常滿意呀！.首先，我真係好鍾意呢個椰子雞湯湯底🤤湯滾咗之後，我趁未落雞件之前先試飲幾啖湯，飲落好清甜，椰味香濃🤤椰子雞湯嘅雞件有半隻雞咁多，雞件索哂椰子湯底嘅味，所以就算雞胸位我地都食埋🙈平時我打邊爐落咗牛肉同火鍋配料之後，就覺得個湯底變得好油膩，所以平時打邊爐打到一半左右開始我就唔會淥菜食😂但今次我係直接飲湯飲到最後，只係中間有撇過一兩次油🤣實在太好飲了，即使加咗兩次湯，湯底依然保持鮮甜椰香🤤所以唔洗怕加湯之後湯底會變淡呢。.而且，我都好鐘意今次叫咗嘅海鮮，都好新鮮呢！玫瑰龍蝦雖然size上係比其他龍蝦細少少，但食落都幾多肉，肉質爽彈，夠鮮甜，仲有龍蝦膏添🤤店家會預先將龍蝦切一半，同朋友一人食半邊就啱啱好😆客人亦可以好方便咁起到龍蝦肉出嚟食。貝盛嘅三款貝類海產都好食，本身新鮮不特止，加上又吸咗椰子雞湯嘅味道，真係雙倍鮮甜🆙桂花蚌原來係海參體內嘅一條肌肉(事後上網google番先知🙈)真係淥兩秒就食得🤣次次準備落嗰陣，就同時準備夾埋佢上嚟🤣口感好爽，幾特別，平時真係好少食

愛吃火鍋嘅悠游，慢慢煮、慢慢食，三五知己圍住個爐，傾下食下真係好享受。火鍋頭格調高，座位舒適。伴着美食是悅耳嘅輕歌，感覺絕對非一般，食材質素之高，簡直重燃我對火鍋嘅愛🔥。火鍋頭招牌豆腐木棉魚湯係每日限量，大大條「大眼雞」魚，想食都未必日日有，熟悉街市行情的，一定知道係高成本製作⭐️⭐️⭐️⭐️⭐️原條淆製魚湯鮮甜無比，配合鮮菇同豆腐，真材實料，是家的味道，未食火鍋淨係飲湯已經感覺好幸福喔💕海鮮拼盤時令新鮮，選料上乘，鮑魚瀬尿蝦都大大隻，貴妃蚌、帶子、聖子都係加大碼，隻隻肥美新鮮，而且處理得非常乾淨，真係食得開心又放心😍😍😍藥膳醉雞製作認真，藥膳濃郁，酒香樸鼻，店員特別為我們解構醃雞汁料，可以隨個人喜好加入火鍋湯底，我們全數通過，一致好評👍👍👍手切肥牛紋理均勻，厚薄適中，打邊爐最重要的就是食材新鮮，這碟手切肥牛肉完美展示，入口絕對是頂級響鈴新鮮即炸、甘香鬆化，口感爽脆乾身，不會感覺油淋淋👍蟹子虾滑、陳皮鮮牛肉滑都係高於水平，彈牙新鮮手工打做，特別好味香港人愛打邊爐，貪其款式多樣化，各有喜好又可共冶一爐，火鍋頭提供嘅火鍋料應有盡有，每樣都心思盡出，就是普通的如雲吞水餃，都配上特定醬料，而且用心挑選，

香港人鍾意打邊爐，就全宇宙人都知，一年四季都樂此不疲，正因爲咁，要求就越來越高，要留到客人，就一定要用料新鮮有質素，服務環境缺一不可，無計啦，香港人係被寵壞的😬講返今日介紹嘅呢間「 「火鍋頭」 」海鮮火鍋店，佢主打頂級本地手切肥牛、海鮮和足料湯底，唔係誇張，係我近期食過最好最好的一間👍🏻首先講下環境，門口落地玻璃通通透透，第一個感覺係空間感夠同坐得舒服，唔會背脊頂背脊，有卡座、圓枱、方枱，仲有樓上雅座，服務員禮貌又客氣，今時今日服務都係好重要一環，佢哋又唔會Hard Sell，亂咁推薦，無嘅，食過好，招呼又得，客人就一定會再返轉頭，咁先至係營商之道！好似今晚咁，我哋六點左右到，客人已經有七、八成滿，好彩一早訂定張卡座，好鬆動又舒適，問下店長今晚有咩湯底介紹，因為打邊爐湯底係最重要的靈魂所在😬嗱！唔係講笑，呢個每日限量「火鍋頭招牌豆腐木棉魚湯 」係我極力推薦嘅超級無敵宇宙正正正湯底😬首先呢個湯底嘅主角 「大眼雞🐟」 Size之大已經令人讚嘆，今日要搵一條咁大條嘅大眼雞🐟絕對困難，就算比你搵到，都唔會平得去邊，佢哋夠膽用佢來做湯底，仲只係收$268呢個價錢，分分鐘係蝕比你的，滾左之後，店員

自稱為火鍋控，當之無愧，一星期總有一、兩次，是日收工黎到九龍城，揀左呢間名字叫火鍋頭嘅餐廳。火鍋店面積頗大，一共兩層，平日晚上都有唔少客人，睇黎口碑唔錯。店內有卡座、大枱、二人枱，樓底高，空間感足，整體裝潢有格調。同時有魚缸，裡面有新鮮海鮮，屬於餐廳主打餐牌選擇多，湯底超過15款，蕃茄花甲龍蝦湯、椰子燉雞湯、豬骨煲等定價$128-268；一般湯底例如胡椒豬肚、杏汁白肺、麻辣等，定價$68-148。當然唔少得生猛海鮮，可以單點又或者考慮海鮮五拼，包括：野生龍蝦仔、波士頓龍蝦、蟶子、元貝、馬刀貝，每份$588。火鍋配料方面有牛、雞、豬、自家製丸餃滑、蔬菜、麵食等，價錢中上。醬油 $18/位花雕藥膳醉雞鍋 $158喜歡點椰子雞、醉雞鍋之類，除左有湯底，仲有雞食。約半隻雞份量另上，連同少量藥材、杞子，待湯底滾起就可以加入雞件。湯底聞起上黎有香濃嘅花雕酒味，飲落就唔重，反而以藥膳味為主，一般人都可以接受嘅味道。最讚就係雞件，好耐冇試過打邊爐食到咁靚嘅雞，雞肉肥美，啖啖肉，而且真係滑溜頂級本地手切肥牛 $238人少少就點小份量嘅肥牛，手切牛擺盤好靚，仲砌左朵花仔。肥牛牛味濃，唔會太薄切，脂肪唔算多