火鍋撚 (染布房街) (Closed)

剛好要去旺角買東西, 便約了朋友去這家火鍋店打邊爐. 之前光顧過中環的印象不錯, 麻辣火鍋的水準高. 店裡格局偏向四川火鍋的風格, 抽風系統可以, 不會有太過濃烈的氣味. 餐單裡最吸引的是湯底, 尤其是其中的鴨血. 另外的食材除小食外與一般火鍋店大同小異. 飲品比較特別會有沙冰. 標準的醬料齊備, 其中的XO醬我很喜歡. 朋友不太能吃辣, 點了鴛鴦鍋, 兩邊都能滿足了, 麻辣鍋裡有不少我最愛的鴨血. 鴨血紮實爽滑的口感實在好吃. 牛黃喉其實是沒什麼味道的食材, 不過爽脆的口感十分過癮, 配2款湯底都很不錯. 水餃的饀料紮實, 蝦肉鮮, 入口的感覺彈牙好吃. 平常都點牛肉, 但好吃部位的牛肉一點都不便宜, 這天吃麻辣湯底配羊正好. 羊肉的脂肪不會太多, 入口肉味足, 朋友喜歡騷味不會太重的羊, 剛好. 平常都點生啤, 朋友這次轉了點沙冰, 想不到這裡的沙冰又便宜又抵喝, $33一大渣, 正好打邊爐解渴. 這個順德魚腐是即炸的小吃, 香噴噴很好吃, 有點不捨得當火鍋點吃, 大部份都沾甜酸醬吃了. 蘿蔔的質素不錯, 清甜. 豬潤的質素OK. 牛脷托是少見的刁鑽部位, 灼出來的牛脷又腍又甘香.

放工想輕鬆减壓，最好不過就係約齊飯腳打鞭爐邊食邊傾。今晚揀咗去旺角「火鍋燃」 烚吓烚吓， 餐廳位置唔多， 即使過咗八點後都建議先book位～就在同集團串燒店的樓上， 氣氛熱鬧， 人流不絕～ 就在等位的時候已經揀咗鍋底😍😉各款醬料，自行混醬媽媽滋補老火湯鍋$139想搵啲養生保健湯底， 呢款好正真係好似屋企嘅煲， 粟米紅蘿蔔海底椰 滋潤清甜， 再加上大量豬骨熬煑， 甜度濃郁， 每人喝了兩三碗才盡興。大部分火鍋料都可以點半份，兩個人便可以試多幾款。 另一半唔食牛，今晚就專攻海鮮～聖子皇（每隻$45）心儀嘅美國桶蠔已經售罄～ 揀了推介嘅聖子皇。非常新鮮， 燈光有啲暗都仲見到有 少少喐動～～肉質好厚， 記得唔好淥咁耐 ， 印像中好似淥咗一分鐘左右 ， 非常鮮甜彈牙， 比清蒸更鮮味更甜， 難道是因為那鍋媽媽靚湯～😋👍追加了「酸菜白肉」$28， 純粹係想試吓酸菜白肉鍋底嘅湯。 味道真係好酸， 醋味強勁多個酸菜， 平衡返肥肥哋嘅豬腩片。「 午餐肉菜脯餃」$38 半份3件餃子類別半份有三件， 餡料非常飽滿， 菜脯好爽脆再配合午餐肉， 不過又有啲似肉餅， 味道和創意兼備！黑松露雜菌餃$33 （半份3件）用

打邊爐選擇好多，但要揾間好既唔容易，火鍋撚係一個好選擇，首先，佢係新裝修，座位係逼咗少少，但還可以之後係湯底，要咗個鴛鴦鍋，麻辣同老火湯，個麻辣鍋唔算出色，反而個老火湯真材實料，有成舊豬骨係個鍋入面，啲湯仲有好大陣粟米甜味，飲完一碗又一碗再講打邊爐食材，個平平地既細安格斯肥牛，一片片手切牛肉掛係個架上上枱，賣相吸引，食落口有油香，肉質鮮嫩，性價比幾高第二推介之選係順德魚腐，只係$39，魚腐做得好滑口，又吸晒湯汁，好味仲有個響鈴都幾貼心，寫明淥3秒就可以食，保持咬口其實個酸菜白肉一般，不過要介紹下，因為佢平，跟湯底加$22一碟，慳家之選其他火鍋料都唔錯，夠新鮮餐廳會送一杯沙冰特飲，正總括：兩個人食，賣單一人3百頭，湯底夠甜牛夠鮮，係好唔錯既火鍋選擇

呢煲足料湯底有齊人蔘、鴨血、蜂巢豆腐、粟子、杞子⋯ 淨係見到都覺得好補，值得推介！建議飲返兩碗先好落料食火鍋，唔喺嘅話個湯就會吸哂啲食材嘅味道，無咗嗰種清甜。 (黑松露墨魚滑+香菇貝鮑鮮滑)如果要用4隻字嚟形容呢碗魚滑，就一定係爽滑彈鮮，但係黑松露香就唔多聞得出，同埋只係一個細拳頭嘅份量就盛惠100蚊，貴～呢款手打丸的確係好彈牙爽口，咬落完全唔覺粉，所以都應該真係幾足料，無呃人！雖然午餐肉同菜甫都係好常見嘅醃製食物，但就從來無諗過要將佢地擺埋一齊嚟做餃子餡。 餃子皮都幾薄，咬落鬆軟多汁，菜甫嘅甜味啱啱好可以夾到午餐肉嘅鹹鮮，味道的確唔錯。(金針菇 美白菇 鴻喜菇 雞脾菇 鮮冬菇)打邊爐嘅時候，最鍾意就係落菇菌慢慢煮，然後佢地就好似海綿咁，吸哂成煲湯底嘅精華，十級滋味。我地好傻豬咁以為呢碟順德魚腐要淥完先可以食，點知原來可以就咁食，結果擺咗10幾分鐘，食嘅時候，表皮已經唔再脆口，不過仍然聞到好香嘅魚味～呢到食物質素中上，算喺幾高質嘅火鍋店，所以價錢自然都會相對貴啲～