森．湯咖哩 (Closed)

咖哩汁🍛就食得多，湯咖哩🥣🍛就比較少見，係北海道既產物黎ga, 加上見到呢間幾出名就黎試下～ 湯咖哩🍛感覺幾特別，用黎配飯🍚同麵🍜都得～ 裝修亦都幾別緻，行木系🪵風格幾舒服😌 仲有好多得意既日式蔬菜卡通🥬，搞到就算唔鍾意食菜既人都會想食😂 旁邊仲有其他卡通，一樣幾chill～ 難得既係堂食仲有8折，幾抵食～(5 😍 係滿分，🤩係半分）飛驒和牛漢堡扒湯咖哩🍔🍛 - $138 (好味指數：😍😍😍😍)塊漢堡扒🍔都幾大塊，感覺比平時漢堡包🍔入面嗰塊厚身👍🏻 牛味🐮幾香濃，唔會好重粉，質感厚實juicy，配埋微辣香口既咖哩湯🍛，撈飯🍚幾正，如果個咖哩味🍛可以濃啲就更加好～ 另外旁邊仲有五顏六色既蔬菜🥬，包括雞髀菇🍄、茄子🍆、粟米芯🌽、秋葵、西蘭花🥦、番茄仔🍅，全部都有烤過，收乾左啲水分會香啲，個表皮都脆啲幾好食～香煎帶子咖哩湯烏冬麵⚪️🍛🍜 - $118 (好味指數：😍😍😍🤩)試完飯🍚就試下烏冬麵🍜，索晒個咖哩湯🍛🥣既精華，爽滑彈牙又帶有少少微辣，如果個咖哩味🍛可以濃啲就更加好～ 啲帶子⚪️幾大隻飽滿，質感彈牙，可以再鮮味啲就更加好～ 配料仲有半隻惹味香甜既溏心蛋🍳、彈牙既鳴門卷🍥、香口既紫菜同大蔥

前菜及飲品 (跟餐+$10)夏日優惠8折🐂飛驒和牛漢堡扒湯咖喱配飯 ($138)漢堡扒煎得幾好，食落去外皮焦焦脆脆，裏面亦能夠鎖住肉汁☺️幾juicy幾有牛味🥰配料仲有啲車厘茄、南瓜，西蘭花、薯仔等，咖喱屬於日式咖喱，甜甜地唔會太辣個種，幾好送飯一齊食🤣🐚香煎帶子咖喱湯烏龍麵 ($118)烏龍麵爽口彈牙，好掛汁😍不過呢款咖喱係偏辣小小，如果可以比人選擇辣度就更好🙈帶子幾大隻下，肉質爽彈幾新鮮👍🏻🦪吉列蠔 ($38/2隻)吉列蠔炸得幾乾身，唔會油笠笠☺️咬落幾脆口，蠔唔算大隻，不過以呢個價錢黎講食得過🤣💚開心果味刨冰 ($89)刨冰頂好多開心果碎碎😍開心果控唔好錯過🤣仲有大大粒煙韌麻糬同埋刨冰裏面都有好多細細粒煙韌麻糬，口感一流🥰如果刨冰做得綿密啲，同埋開心果味再出啲就👍🏻👍🏻

餐廳主打北海道湯咖喱，唔似一般咖喱般濃稠，名副其實係湯嘅質地，可以飲用；每款湯咖喱入面都有10款新鮮蔬菜，配搭視乎時令食材，今次嘅蔬菜包括南瓜🎃、西蘭花🥦、紅蘿蔔🥕、秋葵、紅椒、茄子🍆、粟米芯、薯仔🥔、車厘茄同埋雞髀菇，每款蔬菜都味道甜美，唔會有草青味。🌖飛驒和牛漢堡扒湯咖哩（小辣） $138漢堡扒用料上盛，質感一流，超級鬆軟，而且完全無筋！食落唔會油膩，仲有滿滿肉汁，十級推薦👍🏻。🌗北海道帆立貝湯咖哩（中辣） $138餐點有三大粒帆立貝，粒粒都完整厚身，唔會煮得過老；辣度係中辣，一開始食真係可以話係無感😂，食多兩啖堆疊起來先會feel到辣味，不過仍然係BB班級數。🌗吉列蠔（2隻） 跟餐$18 外皮同內餡緊緊相連，唔會輕易剝落；蠔身肥美但偏細隻。🌗脆皮燒魚卷（1條）跟餐 $15比起「脆皮」，個人覺得外皮更有煙靭嘅感覺，從來都未食過呢種口感嘅竹輪，可以一試。🌖小圓山抹茶刨冰 $69刨冰製作需時，大概要等15分鐘以上，店家事前已經預先告知，最好有空閒時間才點單。採用小圓山抺茶，味道甘香，加入刨冰唔會太甜，而且店家一邊製作一邊倒入抹茶🍵，唔會只有最愛層先有味道；除左刨冰頂嘅兩大粒丸子外，刨冰

之前有食過北海道湯咖哩，覺得都幾好食，湯汁濃味撈飯食一流，又有大量蔬菜。知道觀塘新開咗呢間北海道湯咖哩專門店，就一於去試吓😆餐廳裝修簡單，牆身有幅大壁畫畫，畫咗富士山、蔬菜圖案，幾得意！入座之後就可以scan QR code落單，而家做緊新張優惠有8折，幾抵食！Menu選擇唔算好多，主打湯咖哩，仲有湯烏冬、炸物、飲品～🔸飛驒和牛漢堡扒湯咖哩 $138海報主打嘅湯咖哩，賣相幾吸引，有一塊和牛漢堡扒，仲有10款時令蔬菜，每份會有一碗日本珍珠米飯。漢堡扒煎到表面脆脆地，入面仲係好juicy，牛味都唔錯！咖哩湯揀咗少辣，啱啱好，咖哩香濃又辣辣地，幾開胃，配飯食好惹味！10款烤蔬菜都好食，最鍾意烤南瓜同薯仔，南瓜超軟腍，薯仔味香亦夠腍！🔸香煎帶子湯咖哩 $138另一款叫咗帶子，有3粒，size都算大，好厚身，輕輕煎過，都幾鮮甜彈牙。呢款湯咖哩揀咗原味，感覺再濃味啲！同樣有10款時令蔬菜🥦點湯咖哩可以加配前菜同凍綠茶，只係$10，好抵！餐廳嘅餐紙仲有教埋點食湯咖哩！🔸湯咖哩食用教學1. 湯同飯要分開食，唔好倒飯落湯度2. 先飲一啖湯咖哩3. 用湯匙舀一啖飯，放入湯度令飯沾上咖哩🔸炸物炸物都有8折，

收工後，來到日昇廣場拎野，經過這間新店的森。湯咖喱，被門口的宣傳牌吸引，新店開張所有食品一律八折，於是就決定是日晚餐食湯咖喱了。每款湯咖哩伴隨多款蔬菜，包括有蘿蔔、西蘭花、粟米仔、南瓜、茄子、車厘茄、蕃茄、紅椒、秋葵等，顏色豐富、色彩繽紛。這店的建議食法，先喝一口咖喱，先細味咖喱的濃香味，然後再將飯沾滿咖喱一起進食。飛驒和牛漢堡扒湯咖哩（$124.8），這份咖喱叫了小辣，微微的辣帶點惹味，和牛漢堡扒厚身、肉質鮮嫩，煎至七成熟，口感細膩，入口即溶，與咖喱很匹配。跟餐加購了野菜魚餅，魚餅煎得香脆，很有魚味，中間還有野菜絲。香煎帶子湯咖哩（$128.8），這份咖喱叫了唔辣，咖喱甜味、香料味突出，每粒帶子大大粒，爽口彈牙，非常鮮甜，初嘗帶子配咖喱都是不錯的配搭。跟餐加購了芝士年糕，口感煙韌，中間有芝士流心。巨峰梳打 & 荔枝梳打，飲品方面除了跟餐可加購綠茶外，店舖設有多款特色梳打選擇，顏色的漸變很吸引，糖漿溝勻後成杯都好夠味，在街道行到熱辣辣叫返杯冰凍的梳打水真的有透心涼的感覺。

🍛🍛🍛初嘗湯咖哩，食出食材鮮味▫️QR code點餐及即時付款，職員會送上餐點，設加一服務費▫️新張優惠堂食8折，外賣自取7折▫️套餐+$10 （前菜&飲品）☑️前菜-醃製魷魚絲份量吾多，但幾新潮好食，甜甜地的，仲有d脆口嘅野。☑️香煎大蝦湯咖哩 🦐-$78.4湯咖喱可以選原味、小辣、中辣，我哋都選咗小辣，係好輕微嘅辣味黎，令咖喱更加惹味，建議大家選擇。而咖哩本身甜甜地，撈飯撈菜撈肉都一流。蝦有5隻，2面都煎香左，每隻都新鮮彈牙。除左蝦，呢度嘅湯咖哩仲包含咗10款時令野菜，今次就包括薯仔🥔、日本南瓜片，紅蘿蔔片🥕、茄子🍆、西蘭花🥦、車厘茄🍅、秋葵、蓮藕、粟米芯🌽、紅椒🌶️。蔬菜都好新鮮，而且有煎過再放入咖喱湯，吸收咖哩味，有菜有肉，健康好味😋。白飯是另上的，用上珍珠米，煮得剛好，叫左少飯份量都吾少。☑️ 飛驒和牛漢堡扒湯咖哩🍛 -$110.4入面嘅蔬菜都同上面嘅一樣，而飛驒和牛漢堡的確好味，牛味濃，同咖哩都好夾。☑️凍綠茶正常發揮，食下飲下清下個口。

最近發現觀塘新開一間湯咖喱專門店，湯底自家熬製，可選擇原味、小辣或中辣；每碟湯咖哩均配上多款時令蔬菜，包括茄子、紅椒、蕃茄仔、西蘭花、秋葵、南瓜、蓮藕及珍珠荀等，十分豐富！湯底整體偏稀，原味湯底較淡，建議可試試小辣或中辣以增添辛香滋味！新開張期間亦有8折優惠，有興趣的朋友不妨試試！🍛北海道帆立貝湯咖哩 ($138)3粒帆立貝大隻厚實，口感彈牙滑身！🍛飛驒和牛漢堡扒湯咖哩 ($138)漢堡扒煎得香口，咬下去口感結實！🍹蜂蜜柚子鳥龍茶 ($38)🍹西柚烏龍茶 ($38)

湯咖喱一向喺香港嘅選擇都極少，難得最近見觀塘開咗間主打湯咖喱嘅新餐廳當然要去試吓！另外新張期內做緊優惠，全單會有八折～🔸慢煮炙燒雞叉燒湯咖哩 $108🔸飛驒和牛漢堡扒湯咖哩 $138湯咖哩自家足料熬製，辣度可以選擇原味、小辣或中辣，配上10款炸過的時令蔬菜，例如薯仔、西蘭花、秋葵、南瓜等等。慢煮炙燒雞叉燒肥瘦適中，肉質嫩滑有厚度。飛驒和牛漢堡扒牛味濃郁，輕煎過外焦內軟特別香口。🔹蜂蜜柚子梳打 $38🔹水蜜桃梳打 $38