三田製麵所 (金朝陽中心二期 - Midtown)

Open Now

Now Closed

同女友行銅鑼灣，夜晚就去登龍街搵餐廳，見到呢間小人排隊，睇餐牌又好似ok，就等一陣入去。入去點左2個一人餐（2人餐個前菜唔多岩我地口味）。我就要辣拉麵，女友要左沾麵，配左餃子同埋忌廉蟹餅。沾麵唔錯，湯夠熱，湯味幾濃，而且麵既份量大，麵條又粗，好食👍👍女友食唔哂要比一半我。我覺得叉燒係夠淋，一咬就爛。但唔夠肥，對我黎講，叉燒一定要夠肥先好食，呢件我只比合格。拉麵味道幾好，湯濃而唔太咸，麵條比沾麵幼啲，而且份量比沾麵小三份一，好彩我有沾麵加持😁😁，如果拉麵可以選擇沾麵既麵，咁就正。餃子份量比較少，得三隻，如果多1-2件會好啲。忌廉蟹餅2件就夠，炸得酥脆，咬落又熱又香又爽脆，個人就好鍾意。2個一人餐覺得銅鑼灣黎講算ok，不過又唔覺真係好好食既。如果諗唔到食乜，可以黎試下。

今日午餐，同媽媽一齊去食啲佢平日唔會去食既野，就係沾麵，所以就去咗銅鑼灣《三田製麵所》，竟然没有人排隊，等了五分鐘就可以入座，三田製麵餐牌十分簡單，沾麵只有辣同唔辣兩種，拉麵亦是，有大、中、小麵底份量嘅選擇，唔需要額外加錢，麵還可以選冷或熱麵，都是均一價$78，反而小食如炸物和餃子有比較多的選擇。我同媽媽分別點了一個濃湯豚骨魚介沾麵($78)，一個唔辣，一個辣，我這個份量是大的，有280g的麵條，對女生來講，真係好難會食得晒。$78 就已包了半邊溏心蛋、筍乾和叉燒，CP值很高。溏心蛋是半熟。叉燒大塊，半肥瘦，但口感一般，沒有什麼驚喜。蔥花和筍乾令濃稠的沾麵湯底不會太膩，食落比清新。沾麵麵條較粗，所以配以特濃沾麵汁及魚粉,濃湯更容易掛在每條麵條上，。麵質口感較軟且順滑，一同入口, 口感十分濃厚, 食到後半部份會覺得有啲太膩。食完麵後可以要求店員加清湯到沾汁內，再品嘗。若吃完沾麵還未飽，你也可以追加魚香米飯，將魚香米飯加入高湯中，一起吃。煎餃子($38) － 餃子皮偏薄, 煎到有點金黃香脆。餡料主要包括豚肉、蔬菜等等。没有特別

幾次都排長龍，終於今次得四個人排，於是試下。點了主角—濃香豬骨魚介沾麵兩碗，每碗78元，配餃子和炸鷄，每款加20元，配烏龍茶和橙汁，各加5元。餃子和炸鷄很熱，非常好，味道亦幾好味！沾麵麵質很好，肉片、筍片、鷄蛋味道可以，湯裡豬肉粒味道很好，但湯太濃，很鹹很稠，沒鮮味，而那陣魚味令人不大喜歡，聽到隔離檯也投訴那陣魚味。提一提這裡提供的橙汁比一般好味，烏龍茶好一般。無得用信用卡，還要加一。店內有一隻蒼蠅，很惱人，沒想過開業不久便有蒼蠅！可能時時排長龍，令人對食物要求有所提高。聽到隔離檯的食客表示對麵和湯都失望，可能真是期望太高。我因為之前看見朋友在臉書提及食後覺得味道不外如是，所以我沒有期望，但我不喜歡那陣魚味的湯，所以我想我不會再光顧了！

對つけ麺的情意結起於同同學去又抵食又好食的つけ麺屋やすべえ池袋店，其實在日本並沒有特別去什麽つけ麺名店，因此やすべえ的Level我已經很滿足。係香港好似近幾年才興起つけ麺（沾麵），沒有特別去過什麽地方，只吃過尖沙咀的富士山55（和某間已經忘記了），感覺一般沒有記憶中的好吃就沒有再去。OR見到排行榜上出現了一家「三田製麵所」，記得去台灣旅行的時候都見過。上網search下發現原來係來自日本，而且才剛與2015年2月中係香港銅鑼灣開了一號店，喜愛食つけ麺的mag點可以放過！！立刻叫朋友襯新年未放完假，陪我“平日下午”去試一試。當日是年初六平日的中午，我已經避過lunch time時間2：30去排隊，少少地都排左30-45分鐘。（暈倒）店鋪位置都算OK大（約三十幾人座位），雖然中間有很大的玻璃窗廚房感覺有點佔位置，但可以清楚看到師傅煮麵的情況，同日本的麵店相似。 乾淨企理，位置雖然不算寬，但座位間都有點距離，不會太狹窄。用餐環境都算舒服。見到裏面的師傅應該有某幾個是日本人，唔知係會長駐係香港店，定係會係到直至某段時間。 而裏面的店員有好幾位都可以說流利日語，至少個句いらっしゃいませ特別正宗，

登龍街又一間拉麵店，門面光鮮，以魚湯沾麵做賣點！日式裝修！已經5點，門口只有3個人排隊，等了10分鐘可以入座，搭枱坐一張二人枱，座位闊落，椅子下有個箱放物品，和式深木傢私！客人出入店員都會大聲招呼！好傳統嘅麵店！地方相對同一條街嘅拉麵店好坐！麵嘅款式唔多！小食反而比想像中多！拉麵窩心有大中細size,但價錢一樣,只有特大要加錢！呢間以沾麵出名！所以我叫個沾麵（中）！沾麵湯仲可以揀辣味（不過第一次食，揀咗正常先）再加個細餃子（3隻）餃子先到，店員仲會比一盆一種醬油一齊上（醋、醬油、辣油）我每種落啲，先講個餃子，皮薄但煙韌，無破裂，入面辣咀嘅肉汁好正，豬肉碎嫩滑，隻隻都好味！配埋酸辣混合醬油，好開胃惹味！正！豚骨魚介沾麵（中）：沾麵魚湯好杰，好似BB仔糊仔咁，龍蝦湯橙色，麵條另用碗上，枱面介紹講要夾一條麵試彈牙度，照做夾一條入口，的確好彈牙，有咬口，再慢慢夾一著麵落湯食，湯汁夠杰，裡面有豚肉角，有𡁻口重肉味！魚湯掛麵能力強，食第一啖覺得好味，魚湯夠熱，不過有點腥（可接受）麵條彈牙，不過當食到中段，過了冷河嘅麵越浸，湯已經唔夠熱，變成我最怕嘅微暖，腥味又再濃啲，就開始唔鍾意，而且湯汁都好多，