Chez Bistro

Open Now

Now Closed

想食大餐，我唔想去連鎖餐廳食，朋友找了這間高級西餐廳，性價比高，一於今晚去食。餐廳內外今日冇影到餐牌，但我地揀左個每位$390 Set Dinner，價錢合適，有餐包沙律主菜甜品飲品，單單主菜已經抵晒。—餐包沙律—法國生蠔海鮮拼盤 +$50雖然要加$50 ，但係海鮮拼盤，有法國生蠔，翡翠螺，北海道帶子刺身伴三文魚子，玫瑰蝦刺身。生蠔乾淨好鮮甜，有淡淡海水味，最正係刺身！勁厚肉質感又滑！—胡蘆瓜忌廉湯感覺好似南瓜湯，加上忌廉很細滑，飲完好暖身。—炭燒西班牙極黑豚豬架配龍篤草胡椒汁呢個推介！豬架煎到剛熟，一切就離肉，咬落去幾有口感，好似豬頸肉甘爽口。—新鮮水果配焗藍苺芝士蛋糕細細件，可以一口食野，加d藍苺醬係出面好惹味。—桃味核打 +$38加$38有soda飲，不用額外再要其他飲品，我們揀咗peach梳打。整體感覺氣氛很好，坐得舒服，慶生情侶都好適合。

週年紀念同某人揀咗食西餐，上去餐廳見到景觀都幾開揚，窗邊位會看到馬場景睇菜牌前菜、主食、甜品+飲品，4樣都有選擇，加埋都係$390位，仲有餐湯、麵包，一啲都唔算貴喎每人叫一個晚餐，其中一個前菜加$50轉為法國生蠔海鮮拼盤餐包新鮮熱辣香噴噴兼外脆內軟，其中一款仲有原粒榛子果仁荷蘭白菌忌廉湯新鮮白磨菇忌廉湯，菇味香濃，粒粒磨菇碎好有質感生蠔海鮮拼盤，海鮮非常新鮮。翡翠螺有2隻，其餘牡丹蝦、生蠔、帶子刺身都係得1件。寬角長額牡丹蝦顏色紅艷，閃閃水潤好吸引，蝦肉鮮甜黏糯法國Regal No.2 生蠔唔算肥美，勝在肉質爽而味甘甜，帶海水味北海道帶子刺身伴三文魚子帶子好厚身，鮮爽味甜三文魚子帶有咸香香煎法國自然放養鵝肝伴焦糖蘋果配砵酒汁自然放養係較人道的飼養方式而養大鵝隻成本亦比較貴。鵝肝兩面煎得非常香口，豐腴肥美，入口即溶香煎澳洲羊仔柳配龍蒿草胡椒汁伴碟薯蓉好得意，有塊烘乾咗巴馬火腿，同埋乾菇片放上面。羊仔柳口感嫩腍，肉汁豐富，有肉香而無羶味點埋龍蒿草胡椒汁更好味。炭燒西班牙伊比利亞黑豚蓋上肉(全橡果)伴烤青蘆筍、醬油粟米、梅子蛋黃醬擺盤特別，上面放一片羽衣甘藍乾，旁邊有蕃茄乾，半邊烤粟米，蛋黃

喺閒日百忙於所面對的繁重工作🙇🏻‍♂️不經不覺到了終於可以休息一下的週三☺️除左同朋友或自己四處遊走散心之餘😆尋找一個地方好讓自己與另一伴放鬆心境☺️與另一伴享受一個浪漫時光亦至好不過☺️位於銅鑼灣百樂中心既Chez Bistro喺銅鑼灣站A出口經時代廣場行過黎亦夠哂方便☺️但適逢晚餐時段🍾🍴餐廳林立既百樂中心等電梯亦有長長人龍🙊所以大家黎食都要預啲時間等Lift啦🙇🏻‍♂️而呢度環境企理且好有美式風格既感覺😆配合柔和既燈光以及酒莊Fusion擺設😆🍾充斥住格調同氣氛之餘☺️以仿酒木箱外表設計既牆身更顯其酒莊設計☺️充滿美式酒莊風格既格調環境既配合☺️🍾❤️亦煮出高質素既西餐料理☺️🍴Dinner Set呢度以4 Course Dinner作晚餐配合🍴😆繁多食物款式亦滿足到唔同食客既口味☺️而餐前更為食客提供暖笠笠既餐包☺️Appetizer法國生蠔海鮮拼盤French Seafood Platter以法國生蠔、翡翠螺、北海道帶子刺身以及玫瑰蝦刺身組成既海鮮拼盤亦相當豐富☺️🐟喺法國直送既生蠔😆肉身肥美光澤以及滑嫩既口感顯得相當新鮮😆經清洗乾淨既翡翠螺大大隻食落無沙爽口之餘🤤🐚大隻玫瑰蝦刺身肉質亦夠哂鮮嫩結實🦐😋

想高級d食個lunch，尼到由餐廳裝修至食物水準，都非常之精緻，好舒服，好慢活既感覺。餐廳lunch時間好滿，私隱度幾高，有d位係間隔出黎，係房仔入面。2-course lunch set由$68至$158，包餐包，湯/沙律，主食，餐飲。亦可以加$20轉3-course set添。叫左炭燒加拿大帶骨豚配乾蔥紅酒汁($138)，炭燒美國黑毛安格斯腹心肉配檸檬蜜糖芥末牛油汁($158)。餐湯係蘑菇湯，成碗都係粒粒蘑菇，好好好濃郁，有口感，而且個人覺得份量多。沙律特別之處在於有香草腩肉，燒到少少焦香剛剛好，鎖住肉汁。加埋d雜菜一齊食，又fresh又juicy,配以梅子醬酸酸甜甜，夠開胃。餐包有2款可以揀，細小法包/圓形餐包。細小法包外皮烘到微脆，配以餐湯一齊食，麵包就吸哂d湯，好滋味。帶骨豚肉真係食到有炭燒既味道，廚師貼心將骨and肉既部分切開左，既可以鋸扒，鍾意既亦可手拎骨頭部分直接咬黎食。豚肉非常厚，超碼半隻手指既厚度，燒完之後完全唔乾。仲有，薯蓉擠成蛇狀，上面插住乾菇，風乾腿肉等，好似龍既外型，鹹既腿肉同薯蓉一齊食，味道岩岩好。擺盤都有分正面架。腹心肉7成熟，做到外熟內生既質感，而唔係

Chez Bistro 位於銅鑼灣的百樂中心，裝修令人感覺溫暖。餐廳內的座位不多，但非常寬敞，讓人能舒服自在地享用美食。Set Menu內容豐富，4-Course Dinner Set內的選項都是高級貨，令人非常期待。餐包是溫熱的，由店員捧出一籃供客人選擇。餐包口感鬆軟，點少少黑醋同欖油伴食，更添美味。蒜蓉白酒煮法國藍青口粒粒青口都餵到好飽滿，口感滑嫩多汁。蒜味同香草味取得了平衡，唔會搶走青口的鮮味，正！法國生蠔海鮮拼盤加$40就有齊生蠔、帶子、三文魚籽、翡翠螺同埋玫瑰蝦。翡翠螺爽口，玫瑰蝦超大隻仲好鮮甜，生蠔滑嫩到一下就啜咗入口，帶子同三文魚籽都一樣咁鮮美！義大利蔬菜湯又酸又甜，十分開胃。上主菜牛扒時，店員會為我們換上新的碟子，和serve 不同的芥末醬，服務貼心周到。炭燒美國極佳級純種黑毛安格斯肉眼扒配紅酒汁牛扒五成熟，外面焦脆，內裡粉嫩軟腍，調味恰到好處，而且肉味濃郁，仲要勁多肉汁！料靚之餘，廚師嘅功力亦都認真犀利！焗虎蝦帶子墨汁麵配沙巴翁龍蝦汁淋上醬汁之後再成碟攞去焗，所以連隻碟都係熱嘅。虎蝦勁大隻，肉質彈牙爽甜，龍蝦汁帶有一陣水果的果甜，令人食極都唔厭。凍檸檬茶可自由調教甜度

難得早收工，朋友提議話想食西餐輕鬆下，知道銅鑼灣耀華中心有好多唔同嘅餐廳，無意中睇到21樓嘅Chez Bistro，決定試吓啦！室內環境用昏暗燈光做主調，裝潢設計有家的感覺而且環境都寧靜，適合同客食飯或者紀念日晚飯餐飽有兩款：原味同提子果仁送上臺仍然係暖暖的，而味道就各有千秋，原味比提子果仁軟熟少少法國生蠔海鮮拼盤服務員一捧上臺嘅時候個個都嘩嘩聲因為好似好大兜咁，其實係2人份量黎嘅。拼盤用咗一個好似海螺形狀嘅盤裝住，幾特別拼盤分別有法國生蠔、北海道帶子刺身、翡翠螺以及玫瑰蝦刺身。生蠔都算大隻，無腥味，唔需要點任何醬汁都可以食到鮮味帶子就特別用一個小兜裝住，十分之大粒，亦都一樣好鮮味不過比平時食到嘅差一點甜味。蝦刺身都相當大隻厚肉，同帶子一樣食到本身嘅鮮味但係少咗一份平時食到嘅甜味。最後翡翠螺都係好食，好大粒而且食到淡淡嘅海水味法式洋蔥湯未上到臺已經聞到好濃郁嘅洋蔥味！內裡有好多一條條洋蔥，湯味濃唔會太咸反而仲帶點甜味日本北海道帶子鮮茄意粉帶子同開頭食嘅帶子刺身應該係同一種，都係相當大粒而厚肉，煮熟咗嘅帶子多返一份鮮甜味意粉如果可以再硬身就perfect啦！炭燒美國極佳級純種黑毛安格斯肉

整體唔錯，雖然menu每日更新但有幾樣出左餐先話改左，但事前冇通知。夜晚7點食到9點幾，得我地同另一台兩人客，出菜相對慢，服務唔夠主動尋日兩個人各自嗌左個dinner set$390一個未加一但對比番冇耐之前open rice menu加左價唔少，有頭盤，湯，主菜同甜品，餐茶冇乜特別，有醋同橄欖油揀唔錯本來我地揀左一個海鮮拼盤(呢個冇啦啦要加$40，份量一樣)，同一款鴨肝乜乜咁，黎完個拼盤冇啦啦上青口，先話鴨肝冇貨，不過好有驚喜。食完頭盤等左好耐先上湯同收碟，餐包都食晒咁濟，碟上有殼，同橄欖油已經撈埋一齊，要叫先換另一隻碟。個湯唔錯，幾香，但可以再濃郁d, 唔似罐頭野，入面有魚肉粒同洋蔥紅椒咁，上湯時會問你要唔要黑胡椒，即磨落去上菜時職員示意有4種醬料可選擇，我地要晒。叫左7成熟，岩岩好，唔羶，但我個人鍾意食羶少少，有少少根，有d位好淋好味，都唔錯！整體ok, 叫左5成熟，但唔平衡，四邊過左火，少少難咬。煎得幾香，但相對肉味唔夠，比微焦表面搶左，個汁ok唔濃味。朋友話好食。呢兩碟main伴碟既薯仔同車厘茄好好食。落order先話轉左心太軟，但都好食，朱古力唔太苦亦幼滑，但外面唔夠脆，做

新年前去食左次lunch，覺得好好食。於是諗住新年開工第一日去食餐好，點知...味道不似預期是日叫左2份set dinner, 4-course $390/pax。先黎一藍子包，有2款，牛油包同果仁包，又暖又軟，正!前菜有2款，我地每款都叫左share食。超大份!足夠2個人食。沙律新鮮，ham 亦好香，表面有少少少油，入口更滑。一開始上左2份沙律，我以為自己睇錯menu,明明係每人一份前菜，點解多左碟。waiter解釋鵝肝冇貨，我話知道，所以一份沙律一份青口。以上對話重覆左3次，waiter終於get到...謝天謝地!waiter叫我地試下薯條都點汁食，又出奇地夾喔!雖然係白酒煮，但酒味唔濃，反而有陣牛油香。青口亦好嫩，但有幾粒有沙...扣分周打魚湯有入口即溶既魚粒!只係我唔太好creamy既湯，所以冇飲晒。友人就盛讚，且一滴不漏。前菜水準十分高，友人仲邊食邊話冇介紹錯，所以我地對main都好大期望，果然好戲在後頭!我呢個係厚切自然豬，真係好鞋口，而且冇咩味，最好食係條菜同車喱茄，豬扒食唔夠一半就冇食，完全失望呢個西冷唔好得去邊，7成熟但上台變左全熟，好"un"，好難趙homemade

今日男朋友肥仔生日，係CWB鬧市BOOK左間有情調的餐廳。是日晚上8時，記得要book位，因為店舖唔大，唔想放太多枱食客破壞氣氛。店舖約10張枱，每張都會放candles, 好岩情侶。先講環境，牆上設有黑板以粉筆畫上裝飾，按捺不住走埋去影相，店員都會主動幫你影張相，原來每幾個星期就會換圖一次，而畫的人就是店員! 很有心機去佈置呢!有3 course dinner set亦可以散叫。店主好悉心介紹每道菜，可以配合客人的口味。本身上網睇個set唔係咁，問店員才知道，他們會因而食材的素質和供應量而調節menu,大概幾星期換一次, 希望客人有高品質既食物之外，亦會配合不同的煮法去增加客人新鮮感。先談談餐包。有兩款包可配備橄欖油及黑醋，包身溫熱軟軟，混合提子乾及果仁，咬落有口感，當好奇呢款包邊到有得賣既時候，店員介紹，原來係每日係法國運到的麵包，事源他們到法國時候覺得呢款包好特別，所以想將這個包成為該店的餐包，聽完覺得佢地好有心去挑選食材，留低左個好印象。Salad: 點了日本油魽魚生片 及 香煎法國鴨肝伴焦糖蜜桃配血橙果醬油魽魚生片 清清地，不會給人膩的感覺，好週合做SALAD而鴨肝不似鵝肝膩

新年後，我們三個靚女一個墟又出來飯聚！找到一間聽聞質素不錯的樓上法國餐廳 <Chez Bistro>！我們由銅鑼灣時代廣場行過來也十分方便，大約5分鐘便到達這座食肆林立的商業大廈！位於銅鑼灣鬧市商業大廈的樓上法國餐廳 Chez bistro 佔地一層，以灰色裝潢的法式餐廳，環境優雅，配以木桌子及同色椅子，晚上燈光昏暗滿有情調！今年是雞年，當日是農曆十二，黑板上寫上英文揮春：Eat Well Sleep Well Have Fun Day By Day & Study Hard Work Hard Make Money More And More！烹調需時，食客要耐心等候！慢工出細貨！由於是法國菜的關係，擺盤會比較講究及份量精緻！供應：法國菜，除了 Dinner Set $298~$398 之外，還有散叫！沙律、頭盤、湯、海鮮、主菜、意粉、意大利飯、甜品、冷熱飲、酒...一應區全！店員們細心殷勤有禮！ 餐包圓形的牛油軟包，包身溫熱軟身微甜；而另一款混合提子乾及果仁的蕃薯包，富有麥香之餘，比較硬身及豐富口感！ 配備橄欖油及黑醋！我個人還是喜歡原質原味！ 3 Courses

啱過完年，依然要對自己ge肚好d。系朋友ge介紹下黎到銅鑼灣呢間新開無耐ge Chez Bistro食晚飯。餐廳主打法國菜，雖然系法國菜，但呢度ge價錢都比較合理。而且地理位置都幾方便，正正系時代廣場後面。餐廳ge裝修比人一種家的感覺，好溫馨，燈光柔和，而且可以提供到一個坐到20-30人左右ge大vip room，非常適合公司聚會或者生日party。餐廳ge menu選擇非常多，除咗距每日ge set dinner之外，距頭盤或者mains ge選擇都好多。一行4人叫左4個頭盤，分別系：法國鵝肝焦糖燉蛋，法式香草牛油焗田螺，無花果醋慢煮西班牙羊肋排，香煎法國鵝肝伴焦糖蘋果。mains叫了炭燒老虎大蝦意大利飯配自家制蝦汁，法式低溫香草焗法國鴨髀，炭燒西班牙伊比利亞有機無骨羊扒，炭燒美國極佳級安格斯肉眼扒。甜品叫了法國朱古力暖心布甸伴雪糕，法式楓糖窩夫搭配雪糕。法國鵝肝焦糖燉蛋。鵝肝焦糖燉蛋搭配咗牛油麵包多士。燉蛋好creamy，好正，距唔會話好甜好流，搭配埋個香脆ge牛油多士一齊食，好正，非常推介。法式香草牛油焗田螺。田螺ge size十足，下面有薯蓉搭配，距個汁好濃郁，香草牛油味好濃，