吃扒

Open Now

Now Closed

呢間扒房位於豉油街，旺中帶靜。之前被全紫色既門口吸引住😳，最近去開旺角就決定試一試。Menu雖然得2頁，但都好多選擇🥺，選擇困難症表示心大心細左好耐😌。🔅餐湯中湯係豬骨湯，西湯就係羅宋湯，2款湯都好足料👍🏻。🔅特選肉眼扒 ($162+$25套餐)叫左5成熟，望住staff淋黑椒汁滋滋聲真係好吸引，牛扒仲要勁大塊幾厚身😍，食落夠嫩唔韌。🔅吃扒什扒 ($174+$25套餐)諗唔到所以決定食雜扒😂，超豐富。有牛、豬、雞、煙肉、蛋再加半條牛仔腸，揀左薯菜，感覺上無意粉同飯咁飽😂。跟埋set都係2舊水，超抵食👍🏻。🔅焗番薯薯條配雪糕 ($68)原本已經勁鐘意食番薯條😛，呢個仲有埋邪惡既棉花糖同雪糕😈，大推！燒過既棉花糖真係無得彈🤤，外脆內軟。棉花糖細細粒，加埋雪糕所以食落都唔會好膩😋。🔅凍檸茶 (+$3)🔅甜品每人一球雲呢嗱味雪糕，滿足埋甜品胃😎。💬整體裝修走港底懷舊風，加埋食鐵板餐，入面座位加埋燈光更有feel 😌。食物都唔錯，甜品就更加正🤤。

🍴吃扒雜扒 非常豐富，有豬扒，牛扒，雞扒，煙肉，牛肉腸，薯菜仲有隻太陽蛋，而更邪惡地，我加左$18熱熔芝士汁🙈真係唔好提減肥。雜扒份量滿載整個鐵板，鐵板熱辣辣。熱熔芝士汁較淡味，所以冇蓋過扒嘅味道，反而配上鐵板蒜蓉汁，味道剛好。🍴西冷牛扒五成熟西冷，份量差唔多蓋過鐵板，勁大塊。真· 五成熟，食到尾牛扒依然冇well done左，仍然嫩口，肉質不錯。牛扒比較重Charcoal 味，選配了黑椒汁，非常經典嘅港式味道。🍴軟殼蟹牛油果蟹籽忌廉扁意粉有半隻軟殼蟹，半份牛油果🥑。Linguine煮得剛好，唔會太淋，保持煙靭口感。非常重忌廉，所以食到一半有啲膩，但如果喜歡勁creamy嘅人，一定會好鍾意。另外軟殼蟹炸好鬆軟，蟹肉鮮味嫩滑。📣+$25就可以轉餐set，有餐湯，餐包，餐飲仲有甜品，真係非常抵！！

佢地係吃吧嘅新分店💛雖然都係食西餐🍴但係就主攻懷舊路線 環境好靚 野食又抵又好食🫶🏻一定要支持🙌🏻.📌西冷牛扒 $158牛扒超厚身 有成12oz咁多‼️+$25套餐 仲包埋餐湯, 餐包, 嘢飲同甜品✨平時就咁食塊扒 都唔止呢個價錢🤑嗌左3成熟 但係上枱over左啲 不過好彩係好食嘅🫶🏻唔算好多筋位 口感都軟嫩🐮揀左薯菜同紅酒汁🍷薯菜份量好多 竟然有甘旬仔 好清甜呀🥕.📌三文魚扒拌煙肉椰菜花飯 $158呢個都可以+$20跟套餐 包餐湯同埋飲品😛不過因為生酮嘅關係 所以就冇餐包同埋甜品🍮三文魚扒好嫩滑 肥美甘香 唔會煎到過熟好乾身鞋口👍🏻椰菜花飯真係好出色❣️爽口又creamy 配埋鹹香煙肉同面頭嘅酸忌廉 口感味道層次更豐富 完全係畫龍點睛😍.📌火焰雪山 $99呢個就一般 for打卡會開心啲🤣面頭嘅蛋白霜口感輕盈幼滑 但真係有啲厚🙈內層係三層蛋糕再夾住牛油🧈同椰子雪糕🥥口感都豐富嘅～但蛋糕就偏乾身 不過應該係買現成嘅 所以就唔評論喇🍰好彩有椰子雪糕🍦如果唔係都幾dry😳.📌話梅凍檸樂 $38話梅味超出 鹹鹹甜甜 加埋檸樂 超清爽 好解渴😋.📌露絲瑪莉紅茶梳打 $38佢其實係紅茶梳打☕️再插條Ro