吃扒

Open Now

Now Closed

熱熔芝士紐西蘭牛柳🐮牛柳外焦內嫩，每一口都能感受到肉質的鮮美。重點是那層熱熔芝士，當刀叉切開牛柳時，芝士瞬間流出，與肉汁交融，形成了濃郁而滑順的口感。搭配的洋蔥汁更是為這道菜增添了一層香甜的風味，讓整道菜的味道更加豐富。這道菜無疑是人氣之選👍🏻特選肉眼扒配薯菜🥩這道菜的肉質極佳，肉眼的油花分布均勻，讓每一口都充滿了豐富的肉香。肉眼扒經過適當的烹調，外表焦香，內裡鮮嫩，搭配的薯菜更是完美的配角。每一口都讓人感受到肉的濃郁風味😃忌廉餐湯🥣香濃忌廉湯，忌廉味好濃郁，飲落有少少杰身，好多細細粒嘅海鮮，每啖都嘅香甜🍄環境優雅舒適，無論是與朋友聚會還是浪漫約會，都能讓人感到愉快。價錢合理😁

懷舊港式鐵板牛排🥩喺旺角行街想搵間快靚正鋸扒，黎左呢間試下🙈上次經過見到大排長龍，今次早左黎唔使排～卡位幾闊落，播住有年代歌廣東話歌幾有feel‼️🔻特選肉眼扒配薯菜（紅酒汁） 💰188鐵板熱辣辣上枱，肉眼扒約1cm厚切，叫咗五成熟但偏近七成，肉質偏實淨少少，邊位焦香幾吸引🙈🔻西冷牛扒配薯菜（蒜蓉汁） 💰188西冷牛扒脂肪邊烤得幾香，但肉質同樣偏韌，蒜蓉汁鹹香惹味😋🔻心太軟配雪糕 +💰28甜品心太軟流心效果尚可，外皮略嫌厚身有啲韌，朱古力味濃有微苦，甜度啱啱好，同雲呢拿雪糕凍熱交替食幾過癮🍦

放工去了現時點血拼，買完一輪，心血來潮想去鋸返個扒，就揾到最近豉油街這間懷舊扒房，Walking 入去。餐廳播著舊的廣東歌，別有一番情調。看了Openrice的評價，點了這裏的招牌，熱熔芝士紐西蘭牛柳配薯菜。朋友則點了特選肉眼扒配薯菜。落單都幾有效率，侍應服務態度都友善，又未如一啲食評講咁差。加錢配了套餐，有餐湯、餐包和飲品。羅宋湯和忌廉湯先上，這個羅宋湯牛肉煮得很腍，酸酸地好開胃。忌廉湯奶味好濃，好Creamy。紐西蘭牛柳上枱一刻滋滋作響，油花飛彈，侍應接著將奶白色燒著的芝士淋上牛柳，過程真係療癒。入口牛味濃，而肉也嫩。難怪是招牌，真係好食！肉眼選了蒜蓉汁，食落有陣陣蒜香，肉質較牛柳結實，但亦啖啖肉。食完扒再黎杯凍華田和凍好立克消口氣。再食返杯雪糕做甜品，感覺剛好。感受了一個懷舊廣東歌之夜～

有日心血來潮，想食火焰雪山，本身忘記左佢既味道，所以就想試返，於是就搵到尼間有火焰雪山既餐廳，尼間餐廳係酒店附近，入面燈光比較暗，睇黎想有返d情調，跟住到上菜，碟火焰雪山真係好大份，冇食晚餐淨食尼個都食唔晒，當初以為出面係忌廉點知唔係，如果係忌廉係好食喇

旺角🚇呢一間懷舊扒房「吃扒」係而家🤩香港少有嘅港式懷舊鐵板餐專門店👏，佢哋紫色嘅牆身裝飾，加上入邊懷舊嘅木凳🪵，充滿強烈嘅對比，真係好有feel。佢哋個餐包🍞真係好鬆軟，熱辣辣♨️咁上枱，搽埋牛油🧈，簡直係完美嘅開場！餐湯🥣忌廉湯好creamy，飲落🥄去好滑，仲有啲細細粒嘅蔬菜🤤，好足料。雪糕🍹紅豆冰入邊有大量紅豆🫘，而且煮得好淋，雪糕又香滑🍨，兩者夾埋一齊食，真係好😍滿足！西冷牛扒🥩超大塊，9oz夠晒份量，🔥鐵板上夠曬風味！牛扒煎得啱啱好👍，肉汁豐富，薯菜都煮得好入味🍟，配埋我揀嘅紅酒汁，好啱我口味😋。鐵板什扒真係好豐富，🐟魚柳好滑，煎蛋🍳有少少流心，豬扒同🥩牛扒都好juicy，🐓雞扒又香又嫩，🥓煙肉同司華力腸都煎得啱啱好👏，真係一次過滿足晒所有願望！跟餐甜品原本係🍨雪糕，亦都可以加錢升級為提拉米蘇🍰，擺盤幾靚，入口香甜軟滑😊，呢餐真係超級飽啊！

#劣食 #難食到想出post #勸世 一年前黎食過，當時正正常常，諗住有機會再黎今日再黎食，嬲到爆炸特登開account出post。嗌左一份肉眼一份雜扒餐。男服務員先掉低餐湯餐包，拋低2粒牛油，掉頭就走。扒餐上枱，一野收走枱上所有野，飲緊嘅湯收餐收得非常論盡，跌呢樣果樣。年輕男職員同女職員態度都十分趕時間，十分粗魯。男職員唔太識聽廣東話，落單有啲障礙，可能要包容下。服務態度其一講埋食物先肉眼扒5成熟，全塊都係筋，完全切唔開，入面完全未熟，3成都無。都算，伴碟配菜比如紅蘿蔔，菇，唔新鮮放到酸曬變味，心諗可能係洋蔥汁味道啫，越食越難頂，好似貼錢買難受咁，相比下原來椰林閣花園餐廳都算係幾唔錯。另一份雜扒餐，牛扒全熟，肉味無，豬扒硬到切唔開成塊板咁，我地明明好肚餓都食剩曬。食完上甜品飲品唔抹下枱，張枱仲要痴埋佢廚房水吧啲濕水紙仔。無下次。特登寫完希望多啲人唔好俾啲正評誤導左。就算大家樂大快活都好過佢。

餐廳環境典雅帶有復古風，還播放著懷舊金曲，加上柔和燈光，格外有情調。餐廳主打各式鐵板餐，加$25便可轉為套餐，有餐包、餐湯、飲品及甜品，十分豐富！蘑菇忌廉湯挺有驚喜，湯質夠稠身，味道濃郁。熱熔芝士紐西蘭牛柳配薯菜，店員即場淋上被藍藍火焰包圍著的芝士，好有視覺效果。牛扒份量十足，兩大件又厚身，牛肉熟成度恰到好處，肉質夠嫩又不失嚼勁。吃扒什扒配薯菜非常豐富，有牛扒、雞扒、豬扒、魚柳、煎蛋、煙肉、腸，疊得高高的，岩哂大食人士！甜品是香港品牌的沖繩鹽雪糕，味道甜中帶微咸，出奇地好吃！

👩🏻‍❤️‍👨🏻Chiba 吃扒🐾地點：📍旺角豉油街108號地舖▶️旺角站E2出口💰人均～$244🐮特選肉眼扒配薯菜（9oz）—$188✅唔算好韌，大大塊👍🏻食到飽肚✅薯條會淋埋扒汁🙈好有舊港味（7.5/10）🧀熱熔芝士紐西蘭牛柳（10oz）—$206✨超大塊🥰重見住店員倒芝士果下，勁邪惡😈✅肉質嫩口（7.6/10）+$25轉餐：✅紅白湯、餐包、重有甜品🥰✅係香港制嘅雪糕——個人評評分❤️：7.4/10性價比💸：7.4/10環境📷：8/10回頭🤓：會總結：係間好有舊港式味道嘅扒房😌呢個環境，播住舊歌，係幾有feel👍🏻

真係衰過茶餐廳的服務，晚市又唔係滿座，侍應十問九唔應，叫嘢未講完已經走左，態度極度惡劣，好似同老細有仇咁，唔知係咪冇出糧，連我細女都問點解呢度啲人咁惡嘅！食物質素：意粉賣相以為好食，結果係超難食，鐵板牛扒，啲汁倒落鐵板（謝）一聲都冇，根本就唔熱，攞起塊牛扒睇啲薯條係凍嘅，唯一係塊牛扒本身肉地尚可，最後連杯檸檬茶都飲唔落，怎樣今生從未飲過咁甜！真心想問呢間餐廳嘅老闆，知唔知自己間餐廳會請到咁惡劣嘅員工，咁樣做生意法，係咪真係會有人再幫襯㗎？

懷舊鐵板港式扒房🥩吃扒ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡旺角有一間紫色外牆好懷舊嘅扒房💜餐廳環境幾有氣氛 主打鐵板港式扒餐✨▪️特選肉眼扒配薯菜 $188咁嚟呢到主打一定係食牛扒餐！超級重份量❗️特選肉眼扒好大塊🐮五成熟嘅牛扒切開成粉嫩顏色 肉汁滿滿🥩厚切牛扒口感軟腍 鐵板上仲要熱辣辣✨倒上紅酒汁 即刻聽到”炸炸聲” 有feel🫶🏻薯條係經典波浪紋粗薯條🍟鐘意呢種薯條！▫️跟餐加$25仲有餐包、餐湯、飲品同埋雲喱拿雪糕作甜品🍦▪️凱撒沙律加雞扒 $103唔想太邪惡 叫左個凱撒沙律加雞扒🐔雞扒煎到微微香脆 沙律菜淋上大量芝士粉🧀▪️辣蕃茄大蝦意大利粉 $128味道比較清淡 建議蕃茄汁可以更濃🍅⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍吃扒 Chiba 旺角豉油街108地鋪

簡單嚟講，我係行過見到就入咗去食。我比大劣評，原因如下。1. 我塊扒叫5成熟，點知上到枱連3成熟都冇，血淋淋到同生嘅差唔多。2.最嬲嘅係，塊扒上枱個陣侍應冇拎埋汁嚟，叫我等等先，然後冇咗回事，到我再叫佢過嚟，佢竟然問我係咪要落單….最後等佢拎汁過嚟淋落去，塊扒已經凍哂，冇哂*滋滋聲*，我本身拎住餐巾想擋住彈汁 都變咗傻仔咁慢慢放返低..總之呢間野我就永世blacklist，想食嘅自己諗清楚，中伏唔好喊。

🍎突然壞了，即飛車出旺角求救，急救的同時，順道在附近閒逛及開餐，被喜愛的紫色吸引著，隨即入內用餐。環境不錯，全天候播放著懷舊金曲，甚為特別 🎼🎤🪇🎺🎷🎻點了兩份餐，先來餐湯，選了羅宋湯，是有牛腩餚的羅宋湯，夠味夠熱，好飲。牛油餐包，鬆軟熱哄哄，簡單的好味道。西冷牛扒配薯菜(9oz）$188牛扒選了五成熟，鐵板上汁夠氣勢。牛扒軟熟有牛味，加上蒜香汁，十分滋味。薯條香脆熱哄哄的，味道甚好 😋😋大啡菇蘆筍煙三文魚椰菜花飯（生酮）$138煙三文魚仿如玫瑰的賣相，相當美靚！啡菇香滑，椰菜花飯爽口，減肥佳品餐飲點了凍檸茶 +$3，甜味偏少，不用少甜。反而想要正常的，要額外添加糖水。套餐還包括有甜品，是日的甜品是海鹽雪糕，帶點點鹹味的甜品，很有趣😁

My bff is in town for the new year, so I brought her to this purple steakhouse. It's filled with Cantonpop music and the wooden furnitures surely give you a vintage vibe. We had a keto lunch- wholesome and satiating. The black truffle cauliflower rice was cooked with a rich cream, it's my first time to try cauli rice and here they served it like a risotto, just the veggie bits were crunchy instead of being soft like rice, making it fresh and light! Our choice of protein: buffalo wings and a medi

經過數次，俾個機會去試下啦⋯⋯一試完無下次了1. 味道一般，份量大都無用2. 咖啡好普通，比不上茶餐廳咖啡，杯好立克稀到哩！3. 外賣打包盒$4個！😳每人入去都要叫一樣野食，我哋三人根本上食唔晒三個餐，為免浪費食物，唯有浪費$4要個外賣盒。我見過最貴嘅外賣盒 😅😅

相約朋友到旺角吃飯，途經豉油街，發現有間以紫色為主題的扒房相當特別，而且入座率相當高，好奇之下，便進去試一試。餐牌以扒為主，也有生酮主食，也有飯和意粉選擇。可加$20轉套餐有湯和飲品；或加$25轉套餐有湯、餐包、飲品和甜品。而我們則選擇了$20套餐。🍵熱檸水🍸青檸咸檸檬梳打(無糖)酸酸咸咸，梳打夠氣，口感清新。♥️忌廉湯忌廉香濃，口感香滑。♥️羅宋湯滿滿雜菜，酸中帶甜、甜中帶香，非常開胃。♥️特選肉眼扒配薯菜(9oz) 肉眼扒非常大塊，肉質鮮嫰，配上熔岩芝士及黑椒汁，十分惹味。♥️溫泉蛋煙肉芝士扁意粉意粉煙韌有口感，配上濃郁芝士及溫泉蛋，十分creamy。吃扒旺角豉油街108號地舖#旺角 #旺角美食 #旺角扒房 #吃扒 #香港旅行 #香港美食 #美食打卡 #西餐 #扒房