EAT ME Bar & Restaurant (Closed)

今晚同一班朋友黎到呢間餐廳食遲來的聖誕飯，一早已於Openrice 訂位，食飯當天收到餐廳WhatsApp 通知確認訂座，亦收到電話確認。好在有訂位，上到餐廳門口已經見到好多人等緊位，訂左位便可直接入座！餐廳播著英文歌，音樂其實都幾大聲，所以同朋友傾計都需要大聲少少！我們5個人點了兩個二人餐再加一個拼盤！餐湯-煙肉蘑菇湯，味道偏咸，不算很creamy!套餐沙律，沙律加上藜麥，感覺很健康！沙律醬配上芝麻醬，味道更fresh!芝士野菌沙巴翁忌廉意大利飯，芝士不算很多，意大利飯都算creamy，飯中亦有菇類，而且都算大碟!溫泉蛋煙肉野茵卡邦尼意粉，唔知係咪我地放左一段時間先食，溫泉蛋已經變成半熟蛋，不是流心了。意粉味道亦偏甜，並不是平時食開的卡邦尼意粉味!慢煮美國法式豬鞍扒配蘋果醬，豬扒偏硬，需要一D力氣先可以切開，肉質偏「鞋」，不過醬汁都OK既，酸酸甜甜!個薯蓉味道亦不過不失!慢煮頂級安格斯肉眼扒配荷蘭醬，我們揀了7成熟，牛扒睇落都算大份，牛扒都有牛味，不過很多肥膏，凍左之後質感很奇怪!BBQ燒烤盤($198)，配有水牛城醬及蜜糖芥末醬，拼盤包括了豬仔骨、烤春雞、烤茄子、薯角及芝士條。豬仔

同男朋友係旺角附近行街 想搵間樓上cafe坐低食飯～記得朋友話有一間叫EAT ME食過覺得唔錯嘅 上openrice見佢二人餐都幾抵食啊 所以就行去試下🙈～.裝修都幾特別😊而我地當然揀呢個2人Movenpick套餐 ($288)啦～～只係需要288 仲有得食我最愛嘅Movenpick 勁正啊😳😂.餐湯 - 南瓜湯係我最愛嘅南瓜湯 南瓜湯味道濃郁而且帶creamy質感😆好好飲！但唔知點解覺得爭左個餐包或者蒜蓉包 唔夠圓滿🙈.菠菜意大利瓜野菜炒意大利粉飯/粉我哋揀咗呢款 第一啖食到意大利粉滲出陣陣白酒香🤤而且鍾意佢嘅質地會比較煙韌 係Al dente質地 唔會煮得過腍～無額外嘅dressing食落會light d☺️.竹炭黑松露芝士牛肉漢堡 (配薯條)所以主菜就可以揀heavy d😂😂 薯條炸得夠脆身！而且調味啱啱好唔會太鹹～我自己同男朋友對個漢堡愛不釋手 中間舊patty好厚身咬落肉質無半點鬆散 緊密多汁 咬開真係超juicy!呢款係極度推介嘅👍.Movenpick雪糕好驚喜 口味唔係剩係得平時嘅朱古力士多啤梨同雲呢拿 仲有我最愛嘅意大利奶凍味☺️ 超正！唯一融雪唔夠食落會太冰感😩咬到碎冰😢

上次同男朋友已經食過呢間餐廳，質素都ok，價錢唔貴，今次係二訪，一行三人，預先訂位有折扣優惠，而且我地係平日早段時間，人流未算好多，仲可以靜靜地坐下。過左七點零後，客人開始多，就會嘈少少。餐廳環境唔錯，裝潢帶少少工業風，先吐嘈：餐桌有點小，點個四人餐，食物光速上菜，根本好難放得落…有點無奈。加上餐廳可能太繁忙，店員都有點遺忘左服務呢一環。不過單以食物而論，質素其實唔錯的入座趕計90分鐘用餐時間，其實都足夠，因為上菜真係好快。4人movenpick套餐 $568我地怕煩，點套餐最方便，包括餐湯/沙律、兩份主食、雪糕、飲品，人均二百左右，訂枱有相應折扣都抵食的。餐湯：滋味小食拼盤 +$58 (套餐加配)雖然話係四人拼盤，不過份量唔多，唔知係咪真係for4人(?) 咁價錢就唔貴嘅，加58蚊有份拼盤，將就下樣樣野一人一半囉。有腸仔、雞翼、魚柳、薯條、炸蝦，一早整定，冇乜特別。主菜選擇多，有薄餅、漢堡、煎三文魚、T骨扒、燴飯、意粉、意大利飯等。大男人薄餅 (12寸)味道唔錯嘅薄餅，即時焗起，熱辣辣。配料有辣肉腸、雞肉、煙肉、芝士、菠蘿等。餅底唔會太乾太厚，焗得剛好配料份量充足，啖啖都有雞肉、煙肉

旺角新登打士街有一新商廈，內裏有不少新食店，這天選了間西餐廳試試，原以為Bar & Restaurant 不適合孩子去，怎料餐廳有提供BB凳，現場亦不乏孩子，筆者家少爺亦很滿意這裡的菜肴，筆者亦與友人談得舒暢呢！首先點了個二人餐，只需$248就有兩客餐湯或沙律，一個薄餅或漢堡，一客燴飯或意粉，一客小食拼盤，還有2客甜品及兩杯$22以下飲品！好像很豐富呀。但因筆者友人不吃牛，孩子要吃飯，所以另點了個意大利飯試試。筆者與友人均點了餐湯，湯是蘑菇湯，味道尚可，孩子則追著喝。餐廳上菜速度很快，pizza馬上就到了，薄批蕃茄味不濃，筆者覺得剛剛好，配合意大利香腸切片與芝士味很相配，吃完一塊接一塊。小食併盤有珍寶腸，薯條與炸魚，珍寶腸不油膩，炸魚較乾身，味道不錯。意大利飯雖黑，但味道奇佳！飯中更混合了墨魚肉粒，更添咬口，孩子很喜歡，吃了很多。虎蝦味濃，而且份量很多，十分飽肚！意粉炒得乾身，但很入味，而且彈牙不易斷，而又軟身易入口，實屬難得。蒜味香，整體都很清新，素食者佳選。玫瑰蘋果醋味道既甜且香，有點像梳打但無汽，適合筆者這些不宜喝碳酸飲品的哺乳媽媽。飯後還有雪糕做甜品，筆者與友人分別選了芒果及咖

嚟到旺角嘅EAT ME Bar & Restaurant。坐咗晌窗邊位，睇住鬧市夜景食晚餐都唔錯。餐廳有二至四人套餐，最後都係決定散叫，試多幾款自己想食嘅。某啲散叫菜式可以加$18轉做套餐，包沙律同是日餐湯。當晚嘅沙律入面有巴馬火腿、車厘茄同雜菜，同埋用芝麻醬調味，都幾醒胃。是日餐湯應該係甘筍忌廉湯，都幾creamy。燒澳洲T骨牛扒配蒜蓉汁，估唔到仲跟埋意粉。T骨牛扒揀咗五成熟，切開後橫切面呈淡淡嘅粉紅色，食落軟嫩，近筋位就有油香。意粉彈牙，撈埋蒜蓉汁嘅話就仲好食。伴碟有意大利瓜同四季豆，口感爽脆。雀巢薄餅，竹炭餅底薄而脆卜卜，有啲似平時嘅餅乾。鋪面嘅芝士焗到微焦，當中仲有蘑菇同黑松露，同埋搽咗番茄醬調味。頂層就放咗鵪鶉蛋、車厘茄同火箭菜，運用想像力嘅話都有少少雀巢效果嘅。香口唔乾身，味道唔錯。黑松露芝士牛肉漢堡配薯條，賣相可愛。黑色嘅竹炭麵包鬆軟，不過就只係顏色特別，實際無乜味道。餐牌寫中間嘅牛肉漢堡扒有6.5安士重，實物打得厚身又挺身，質感鬆化有肉汁。夾住番茄、巴馬臣芝士、火箭菜同黑松露，同埋酸酸甜甜嘅醬汁，惹味又平衡，薯條方面就正正常常。藍蝶花茶，透明玻璃壺入面有好多朵蝶豆花，令