Med Chef (Closed)

這間是香港首間以CBD 大麻二酚為主題的多國菜餐廳，CBD在香港是合法使用的，加入食物和飲品不會有什麼特別味道，但係有鎮靜及舒緩情緒等功效。我朋友話佢同事食完話嗰晚好好瞓，約我一齊去試吓。6點去到，我可以任揀位，坐在窗邊，空間大啲，舒服啲。餐牌上，所有菜式都加入了CBD成份，點餐時可以選擇不加CBD。帶子蟹肉牛油果他他配薑油黑醋汁 (HK$128)．面頭鋪咗紅菜頭片和新鮮帶子，中間有些少蟹肉和明太子．下面有墨西哥式嘅牛油果醬，食到有些洋蔥粒和番茄粒，．最底有些薑油黑醋汁，酸酸甜甜，好醒胃喎！．配有4片脆薄麵包，可以塗上一些牛油果醬一齊食，好味㗎～香烤白醬海鮮啤酒薯條 (HK$88)．食到有炸魚、炸魷魚、炸薯角．配烤熱嘅白忌廉醬都幾特別班尼迪蛋銀鱈魚配白酒芥木汁伴香蔥薯泥 (HK$198)．上面是流蛋黃的班尼迪蛋和蜜糖芥末醬．中間有煎得香脆的銀鱈魚塊．最底是薯蓉，用咗白酒、香蔥、醋、牛油等調味，所以薯蓉不只薯味咁簡單Pale Ale (60 mg / L) (HK$65)．罐裝啤酒叫「Hea」😂．味道幾清甜不苦喎士多啤梨乳酪沙冰 (HK$58)．冰凍的幼滑沙冰．士多啤梨味道不錯喎食完呢餐

聽聞有間將大麻藥用成份 CBD (CannaBiDiol) 大麻二酚加入食物大玩gimmick嘅新餐廳，所以就weekday放工去Med Chef Happy Hour，寄望係沉悶嘅工作中尋找另類刺激！據說服用CBD後嘅幾分鐘至十分鐘內，身體會有輕微放鬆嘅感覺，感覺並唔會太強烈，唔會令人上癮。 罐裝Local CBD beer有三款，我地揀左CBD濃度為60MG/L 嘅Seasonal Ale 同 Pale Ale，另外Double IPA嘅CBD濃度比Seasonal Ale 同 Pale Ale多一倍。Seasonal Ale賣點為愉悅、果香、清爽，而Pale Ale則細膩、百搭、芳香。個人比較喜歡果味重D嘅Seasonal Ale~食品加入經過調校嘅CBD，如果唔想要嘅用QR code落單時惕除CBD就ok！威靈頓三文魚配秘魯黃椒醬嘅賣相好吸睛，一切開係粉嫩嘅三文魚肉同菠菜。酥皮則有d乾同角位有d硬。威靈頓嘅話個人覺得配牛柳比較夾，配三文魚有gimmick但我有D掛住香脆嘅三文魚皮 haha!香烤白醬海鮮啤酒薯條嘅汁鹹左D，食得到魷魚粒但冇咩啤酒味，但大薯角要來送Seasonal

點了數客食物及飲品，各有千秋，均為上品。最欣賞的菜品是芝士撻，剛造好的撻邊實而不硬，撻面是一層凝固了的芝士，切開如心太軟一樣芝士流心，香而不膩，是人生食過最好的芝士撻，只售$48，性價比遙遙領先各同業。威靈頓三文魚特別口感，外皮酥軟，包裹著柔綿的三文魚，兩者口感相似如一家人。店鋪音樂時尚有格調，有售賣含CBD的本地手工啤酒，價錢合理，其實選擇到此Happy hours也是很不錯的選擇。開放式廚房可見證廚師的工藝與心思，非常用心烹調料理，服務員亦主動詢問客人意見務求改善品質，如此方式我想起由木村拓栽主演的日劇《東京大飯店》裡的法國高級餐廳。性價比高，值得一去再去。

前排啱啱開返晚市又放寬咗可以4人同枱食飯，梗係要抐返間特別嘅餐廳食吓 咁啱見到嚟間新開嘅餐廳係fb有廣告 訂位仲有八折添 就試試佢啦~好彩禮拜五晚有book位姐! 基本上八點左右都已經無walk in位 座位分別有卡位同bar枱 今次3個人食就有卡位坐餐牌上面大部分嘅食物都加咗cbd 如果有特別要求可以掃qr code落單時寫低蜜桃乳酪沙冰好好飲同幾大杯 平時飲開微糖嘅我都唔會覺得太甜 蜜桃重過乳酪味第一款小食係西西里式老海灣釀烤吊桶 上菜第一個諗法就係點解條魷魚咁細嘅！？ 味道方面都ok 魷魚入面釀咗啲魚醬 反而啲薯條更加好食叫呢款小食嗰陣時都唔知原來魷魚會配薯條 嚟碟薯條同頭先嗰碟一樣 口感味道似扭扭薯條(粗版) 白醬唔係好夠咸 但係海鮮份量都幾多 食到有魷魚粒同青口粒嚟碟柚子漬三文魚半熟吞拿魚赤身珍珠飯係全晚最好食嘅一碟 首先魚嘅份量非常多 仲有半熟蛋同菜 最驚喜係炸咗一粒粒嘅椰菜粒 平時如果就咁煮會好苦但係炸完好易入口 仲令到口感更加豐富 柚子味嘅三文魚加搽咗辣醬嘅半熟吞拿魚超好送飯 啲餸多到好想叫多碗白飯嚟個意粉嘅味道比我想像中差 煎蠔食落係幾新鮮嘅但就同個意粉唔係好夾 忌廉

成大半個月都無同朋友食飯，6點後終於有番晚市堂食😋收工即刻沖去食，咁啱係附近工作完，行過厚福街，抬頭望上去見到有間餐廳好特別；上到去發現地方好大，環境舒服 我同朋友坐窗口梳化位，用QR Code 落單，每款美食都估唔份量咁大，兩個人食到攬住個胃走 Appetizers帶子蟹肉牛油果他他配薑油黑醋汁 $128呢款係廚師👨🏻‍🍳推介之一，我被墨西哥🥑牛油果醬吸引住，面層用🦀蟹肉、帶子、明太子攪拌而成，鮮甜好味啖啖肉；配埋薑油黑醋汁夠哂開胃；四塊焗過嘅麵包🍞；夾埋麵包一齊食，好味到大叫 Main Courses薩他羊架配楓香乳酪醬伴蘋果肉桂藜麥沙律 $248羊架🐏嫩滑無比，羊香十足，食落好juicy配埋楓香乳酪醬，食到lamlam脷；底層係甜甜酸酸嘅🍎蘋果肉桂藜麥沙律，味道真係好特別，藜麥仲有益健康 Carbohydrates陳年黑醋蜜田園雜菇炒洋薏米 $108廚師👨🏻‍🍳推介另一款🌱素食人士之選。開胃黑醋汁，味道酸酸地；抱子甘藍、雜菇🍄洋薏米，炒埋一大碟，份量仲好多，好味道 Dessert 流心菲達芝士撻 $48流心芝士撻真係剛整好，熱辣辣上枱(食嘅時間要慢慢食，真係好熱)，流心芝士🧀真係