Video
Read full review
2023-05-08
283 views
觀塘·粉紅少女心惹火泰菜Thai Fire📍觀塘開源道71號王子大廈9樓A號舖➰好歌推介「長期防範未脫險，講出去講到我奔波的那天，就怕浪漫變期待換你三個字，是你是我，路過沿路多驚險。」.#長期浪漫 #Serrini➰樂壇最後一個頒獎禮終於曲終人散，獎項花落誰家自有爭論，不作評價。但全晚收音及音響部分都令人咬牙切齒不堪入目，年復一年嘅頻繁意外，令無數歌手嘉賓苦練彩排付諸東流，實在可惜。.工欲善其事必先利其器，音樂與食物出品嘅道理都係一樣，今日要介紹嘅餐廳位於美食林立臥虎藏龍嘅觀塘工廈之中，距離觀塘站約5分鐘路程，一進入餐廳，映入眼簾嘅係粉紅色少女心主題風格，一個半開放式吧枱，旁邊有一隻搶眼嘅粉紅色小熊，佈置上亦有不少泰式風情裝飾，大有先聲奪人嘅感覺。.➰二人餐 💲588 𖥕泰式海蜇伴無骨鳳爪 ⭐️4/5⭐️海蜇爽口彈牙，伴有芝麻及泰式醬汁調味，鳳爪亦都爽嫩有嚼頸，整體開胃醒神。.𖥕炭燒豬頸肉拼雞肉及牛肉串燒 ⭐️4/5⭐️豬牛雞樣樣俱全，特別欣賞炭燒豬頸肉，惹味香嫩，牛肉及雞肉串有塗上蜜汁，再搭配泰式燒汁更加滋味。.✥海鮮冬陰功湯 ⭐️4.1/5⭐️冬陰功湯材料非常豐富，除左蝦同魷魚等常見村料之外
觀塘·粉紅少女心惹火泰菜
Thai Fire
📍觀塘開源道71號王子大廈9樓A號舖
➰好歌推介
「長期防範未脫險，講出去講到我奔波的那天，就怕浪漫變期待
換你三個字，是你是我，路過沿路多驚險。」
.
#長期浪漫 #Serrini
➰
樂壇最後一個頒獎禮終於曲終人散，獎項花落誰家自有爭論，不作評價。但全晚收音及音響部分都令人咬牙切齒不堪入目，年復一年嘅頻繁意外，令無數歌手嘉賓苦練彩排付諸東流，實在可惜。
.
工欲善其事必先利其器，音樂與食物出品嘅道理都係一樣，今日要介紹嘅餐廳位於美食林立臥虎藏龍嘅觀塘工廈之中，距離觀塘站約5分鐘路程，一進入餐廳，映入眼簾嘅係粉紅色少女心主題風格，一個半開放式吧枱，旁邊有一隻搶眼嘅粉紅色小熊，佈置上亦有不少泰式風情裝飾，大有先聲奪人嘅感覺。
.
➰二人餐 💲588
𖥕泰式海蜇伴無骨鳳爪 ⭐️4/5⭐️
海蜇爽口彈牙，伴有芝麻及泰式醬汁調味，鳳爪亦都爽嫩有嚼頸，整體開胃醒神。
泰式海蜇伴無骨鳳爪
23 views
0 likes
0 comments
.
𖥕炭燒豬頸肉拼雞肉及牛肉串燒 ⭐️4/5⭐️
豬牛雞樣樣俱全，特別欣賞炭燒豬頸肉，惹味香嫩，牛肉及雞肉串有塗上蜜汁，再搭配泰式燒汁更加滋味。
炭燒豬頸肉拼雞肉及牛肉串燒
20 views
0 likes
0 comments
.
✥海鮮冬陰功湯 ⭐️4.1/5⭐️
冬陰功湯材料非常豐富，除左蝦同魷魚等常見村料之外，仲有青口同螺肉，入口酸辣適中比較溫和，平時怕酸辣嘅朋友都唔需要擔心。
海鮮冬陰功湯
26 views
0 likes
0 comments
.
✥香煎泰式盲鰽魚伴甜酸汁 ⭐️4.1/5⭐️
原條香煎脆皮盲鰽魚，上枱仲冒住絲絲熱氣，店員貼心奉上刀叉比我地處理魚身，入口皮脆肉嫩爽身，沾上泰式甜酸汁令鮮味更為突出，與朋友一口接一口大快朵頤，十分滿足。
香煎泰式盲鰽魚伴甜酸汁
24 views
0 likes
0 comments
.
❀彩虹千層糕 ⭐️4/5⭐️
色彩班爛，入口煙韌帶有淡淡椰香，正好適合解膩。
彩虹千層糕
16 views
0 likes
0 comments
.
❀泰火特飲 ⭐️4.1/5⭐️
餐廳招牌特飲，以蝶豆花製成小熊冰塊，加上青檸糖漿於底部，形成紫藍色漸變效果，非常奪目，入口清新，消暑解喝。
泰火特飲
19 views
0 likes
0 comments
.
❀班蘭椰奶 ⭐️4.1/5⭐️
班蘭與椰奶配搭非常適合，椰香清新加上淡淡班蘭香氣，入口十分舒暢。
班蘭椰奶
18 views
0 likes
0 comments
.
➰總結
餐廳主打泰式食品，裝潢裝飾方面亦有花心思，由其飲品方面令人印象深刻，店員非常熱情，會問我地有無食物敏感及以泰式用語，非常地道，推薦大家嚟觀塘一試依間特色嘅泰式餐廳。
.
➿➿➿
#ThaiFire
#觀塘美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#香煎泰式盲鰽魚伴甜酸汁
#炭燒豬頸肉拼雞肉及牛肉串燒
#泰火特飲 #班蘭椰奶
.
➿
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
Post
