閨•家 (寶榮大廈) (Closed)

滋味靚湯收工趕住去上堂，就嚟閨家食個快飯，落左order後店員好快手就上菜，夠哂爽手！青欖青蘿蔔杏汁煲豬展杏汁味道幾突出，細細一碗湯有唔少既青紅蘿蔔，仲有埋豬展，幾鐘意飲咁多湯渣既湯水。最重要係無落味精，飲完絕對唔會口乾。香煎蓮藕餅豬扒飯蓮藕餅煎至金黃色，食落仲有粒粒蓮藕既口感，配飯一流。豬扒大塊之餘，帶少少脂肪，食落鬆軟，好容易就咬得開，絕對值得一試。手拍青瓜份量都幾多，比較適合兩個人share食。青瓜好爽口，帶少少辣，夠哂惹味

《麻辣雞腎》$28小食黎講，一啲都唔小，麻辣醃得好好，好開胃。《香煎豬頸肉》$42豬頸肉煎得好香，配埋泰式辣醬。《慢煮豬軟骨飯》$48炆超級林，未入口軟骨已經溶左。《梅子金沙骨》$50個汁同豬軟骨隻色好似，但呢個梅味重。《真.手撕雞飯配沙薑汁》$48手撕雞啲肉質好嫩。《香煎蓮藕餅豬扒飯》$50豬扒有啲香茅味，而且肉質都好林。呢間絕對係良心小店，食物無加味精，真材實料，吃飯仲有湯水送。晚餐可以食到呢個價錢呢個質素真係愈來愈少。我會繼續幫襯呢間餐廳。

之前經過閨家成日都見有好多人見佢標榜無味精，想大家食得健康啲已經好想試下今日特登早啲過嚟食午餐環境都幾舒服小店推介嘅係豬扒所以就叫咗個香煎蓮藕餅豬扒飯每個飯餐仲會跟個細啲每日老火靚湯都係幾十蚊，呢個價錢真係好抵！當日嘅老火靚湯係青紅蘿蔔煲豬𦟌一飲就知真材實料唔係味精湯水至於個香煎蓮藕餅豬扒飯面頭淋咗啲甜豉油豬扒有少少香茅味唔會好似出面啲豬扒用鬆肉粉拿到淋哂係好有肉感，唔錯！煎蓮藕餅煎得好香咬開會食到一絲絲嘅蓮藕絲混埋豬肉，結實得黎有少少爽脆口感都幾新鮮！我另外仲叫咗份麻辣雞腎少少麻辣香雞腎爽脆

今晚輪到我買外賣，晚上來到已經有不少人等外賣自取。有很多飯選擇，例如豬排飯、咖喱飯、口水雞飯等，外賣一個餐加$1，奉送是日湯。⭐️招牌豬扒飯$48有兩塊豬扒，豬排薄薄地，入口夠惹味，配上蔥油飯，很好味。⭐️慢煮豬軟骨飯$48想不到豬軟骨飯如此出色，豬軟骨熬煮得很軟腍，肉和筋骨都非常軟，咬起來很香軟，醬汁撈飯也一流。⭐️香煎蓮藕餅豬扒飯$50蓮藕餅入口很脆，脆在於蓮藕，配上豬扒十分惹味！是日湯是五指毛桃淮山煲雞，有紅蘿蔔，入口甜甜的，很好喝。

很多朋友給我推薦這間餐廳，午市時分，有不少人等位。餐廳座位不多，裝潢呈粉紅色，有一面彩色夢幻的壁畫，營造溫馨的感覺。套餐配細老火湯。每日的湯都不同，今日是山藥南北杏合掌瓜煲豬展，山藥含豐富維他命C和B，合掌瓜潤肺止咳，入口有蘿蔔的甜味，清甜潤肺。⭐️香煎蓮藕餅豬扒飯$50蓮藕煎得香脆，前後面薄脆，咬下去蓮藕也很爽脆，好味道。豬排薄薄一片，醃得入味，入口鬆化，令人難忘！⭐️鹹魚煎肉餅豬扒飯$50鹹魚煎肉餅也同樣出色，前提是必須配搭豬扒，豬扒絕對令你滿足！⭐️涼拌海蜇手撕雞$38手撕雞配上海蜇和芝麻醬，海蜇很爽。

在公司附近拎吃，閨家一向都多人排隊，但流轉算快，午飯時間等約十分鐘便有位主食會送是日老火湯，主推無味精，今日係青蘿蔔煲豬展，豬展很大舊而且非常軟腍，有啖湯飲值得加分香煎蓮藕餅豬扒飯 - 份量很多，蓮藕餅和豬扒都有手掌那麼大蓮藕餅啖啖肉，口感實在，豬肉混入爽口蓮藕，多重口感招牌豬扒雖然不是很厚，但非常軟腍，配著甜豉油是吃不停口麻辣口水雞飯 - 賣相紅卜卜十分吸引，秘製醬汁是超多蒜，非常惹味雞肉肉質鮮嫩，非常香滑麻辣雞腎 - 份量超多的，微辣配上爽口的雞腎，十分醒胃這間小店性價比很高，最值得一讚是有無味精靚湯，絕對可以成為飯堂

星期六做完gym之後當然要食健康啲，所以去左位於北角既閨家，閨家主打無味精食物，而且有每日精選既老火湯。雖然閨家主要賣一般既飯同粉麵，但門口大排長龍，可見其人氣之高。- 涼拌海蜇手撕雞手撕雞肉嫩多汁，海蟄幾爽口，加上芝麻醬勁開胃，同時芝麻令味道更香。- 手拍青瓜份量超多，青瓜同蒜蓉醬堆到成座山咁高，蒜蓉醬好惹味。- 麻辣雞腎份量又係驚人地多，雞腎好入味，味道唔算太麻辣，口感爽脆。- 香煎蓮藕餅豬扒飯聽講閨家豬扒唔落梳打粉，反而用人手逐塊揼鬆🙌🏻，質感鬆軟兼有少少甜味。另外蓮藕餅煎得幾香脆，而且入面食到細細既蓮藕粒，旁邊既蔥油送飯一流。另外叫飯就會附送老火湯，餐廳嘅老火湯好足料，味道清甜，仲要冇味精非常健康。除咗食物大份之外，飲品都好大杯🤣屋企人平時叮囑我出面食物味精多，今日終於比我搵到一間有好味又冇落味精嘅餐廳，碟頭飯只係$40-50但份量非常大，性價比超高，絕對會無限encore✌🏻

六點後做外賣自取。難得係公司附近搵到間幾有住家feel既餐廳。香煎蓮藕餅豬扒飯跟餐加$6有溏心蛋，另加$12有菜心或者生菜選擇，份量都幾多。非常推薦叫蓮藕餅，送飯一流，豬扒好大塊，咬落一啲都唔韌。青欖青蘿蔔杏汁煲豬展跟餐仲會有埋細碗既老火湯，用料十足，每日既精選老火湯都唔一樣，值得一試。手拍青瓜少少辣夠哂惹味，青瓜咬落好爽口。涼拌海蜇手撕雞手撕雞好滑溜，配埋涼拌海蜇，口感十足。凍朱古力味道好濃郁又唔會太甜。

閨家一間主打無添加劑同防腐劑既自家菜，當中抗疫湯更相當受歡迎，用心去熬煮4小時，買任何飯都會送細盅，所有醫護人員同學生更是免費💪🏻－－－－－－1. 香煎蓮藕餅豬扒飯 $50 7/10呢到招牌菜係豬扒飯，加左鮮榨果汁取代砂糖同梳打粉去醃製豬扒，不過我覺得豬扒過度鬆軟，冇左可以咬既口感，不過醬油幾惹味，反而蓮藕餅幾出色，煎得金黃，食到爽脆可口蓮藕😋ps叫左少飯都夠食2. 慢煮豬軟骨紫薯麵 $46 7.5/10呢到既手工麵都係佢地自製，有菠菜麵、甘筍麵同紫薯麵，三款顏色都幾吸引🥰叫左碗紫薯麵，連湯都變左紫色，不過食落紫薯味唔係太出，口感偏腍身，可以一試，豬軟骨入味且份量都唔少，非常軟腍，老人家都食到👍🏻3. 麻辣雞腎 $28 7.5/10雞腎加左白芝麻，香氣同味道生色不少，幾辣幾惹味，大細適中，份量唔少，抵叫一份4. 炸饅頭 $20 8/10好耐冇食炸饅頭，好好食🤤即刻炸所以好熱同好脆，真係外脆內綿既口感，童年既味道