悅滿軒

今日同女朋友慶祝紀念日，特登搵左間餐廳食佢最愛既法國菜。上網搵到黎間悅滿軒評價都唔錯，所以一早book定諗住比個surprise佢。佢位於饒宗頤文化館入面，係美孚地鐵站行大概10分鐘就到，附近既環境都好清靜，位置方便得黎又可以忙裏偷閑，暫時離開繁忙既都市人生🥰黎法國餐廳點可以唔試下法國鵝肝呢！鵝肝兩面煎得好香脆，將油份逼出黎之餘唔會好乾，鵝肝批有好濃濃既鵝肝味，配埋芒果莎莎一齊食感覺好清新唔油膩，簡直係上上品😆油封鴨平時坊間好小會見到，因為處理工序煩覆。一切落去已經感覺到塊皮煎到好脆，肉味因為經過長時間油封後變到好濃烈，值得一試！主菜一樣又點會夠呢，今次特登試埋平時好少見嘅西班牙伊比利亞羊扒。一上枱俾佢嘅份量嚇親，羊扒要用兩大舊而唔係兩大塊黎形容，好有誠意。食落肉汁比坊間食到嘅羊扒細嫩好多，今次叫咗五成熟一切落去成碟都係肉汁🤪🥰，師傅處理得好好，連埋自家製嘅羊肉腸食，感覺好圓滿。配菜淨係叫咗一樣甜薯條，好欣賞師傅切到條條都好幼細，所以食落口好香脆！而一餐完美嘅法國餐點可以少得甜品嘅加持呢，蘋果煮得好香甜味道好濃郁，而金寶處理得岩岩好，一啖雪糕一啖蘋果，女朋友食到好開心好滿足🥰

好耐無係街食過晚餐，好彩政府開番晚市堂食，咁我地兩個人諗左好耐，就黎左悅滿軒。咁order完就比左一份蕃茄包我地先，一入口，好脆，完全唔係放到凍哂硬哂先比我地，入口蕃茄味都好濃，就咁個包都咁驚喜，個下我對依家餐廳有個好高嘅期望。之後黎嘅就係香煎鵝肝配鵝肝批無花果芒果莎莎。咁鵝肝佢係煎得好香，食落唔會好油，係岩岩好。個凍鵝肝批又係好正，入口前都以為會同旁邊嘅煎鵝肝撞味，點知出奇地夾，完全無蓋過佢！再加埋個sauce酸酸甜甜，真係好開胃好好食。個法國油封鴨配焦糖蘋果又係好值得讚！個皮好脆，好夠熱，唔會太油，肉唔會太乾，肉汁完全keep到！之後以為蕉糖蘋果咁甜，會同個鴨唔夾，點知個甜味完全將鴨嘅味帶哂出黎！而個焗阿拉斯加深海比目魚配昆布湯絕對唔hea，見到佢個配料都好多，有蝦有蜆，我仲以為得個比目魚，所以一見到就好surprise!之後食入口，好入味，個魚好滑，仲要無骨！熱辣辣，仲要分量唔少，真係好正！最後就係自家製甜薯條，好彩個分量岩岩好，唔係太多，唔係嘅話會太飽。咁又係岩岩炸起，好熱好脆，仲要係好甜！佢夠幼身，所以入口唔會成口都係，反而會令你想不停食，食多幾條！整體黎講我叫嘅野都真係好好

今日去左美孚探朋友之後朋友帶左我去饒宗頤文化館食野真係唔講唔知，原來呢度都有好野食呢間餐廳叫悦滿軒，聽個名以為係食中菜，原來係食西餐餐廳佈置得好優雅，顏色以藍白色為主，好有格調店員好熱心為我哋講解餐牌上既食物, 仲會為我地推介佢哋嘅招牌菜最後我哋揀咗呢一個starter,兩個main course餐包係免費嘅，係加咗蕃茄係入面，焗得好脆，配埋佢個黑水欖牛油，好好味香煎鵝肝配鵝肝批無花果芒果莎莎：一塊係煎過嘅鵝肝，外皮煎得好脆同香口；而另一塊係鵝肝凍批，一啖咬落去好似食啫喱， 一道菜有兩種唔同嘅口感自家製意粉配蒜片辣椒紐西蘭大蜆：意粉軟硬適中，加埋入面唔同嘅配料洋蔥辣椒蘑菇， 超豐富嘅口感法式海鮮燴意大利飯：呢個意大利飯超足料，有青口，紅蝦，帶子同大蜆，成個飯滲透左海鮮嘅濃味，真係食唔停口呢間餐廳食物同店員嘅服務都好有水準，真係一間隱世餐廳

呢日同呀媽提早食聖誕大餐🎅🏻，之前扮文青嚟過美孚饒宗頤文化館影相，知道入面有間西餐廳唔錯，因為我食過afternoon tea。我揀嚟呢到食聖誕餐，係貪佢環境靜靜地，causal得嚟又好氣氛，唔使喺商場入面咁焗促。食之前，我仲可以同呀媽喺館內周圍行下，睇下野☺。由於訂咗枱，一入到餐廳店員就已經搵到我個名同電話資料，好快安排我哋入座。餐廳環境好decent，枱櫈地板係有襯過，採用湖水綠同白色嘅座椅；餐廳主要分開左右兩邊座位，一邊有窗，另一邊就有梳化位🛋。除此之外，我好鍾意呢到好有聖誕氣氛，掛滿咗雪人仔☃，成個感覺好溫馨，同時仲播住聖誕歌。呀媽比較少食西餐，所以由我發辦😎。我之前已經上網睇過個menu，見到呢度嘅菜式比起出面西餐廳特別，用嘅食材顯得出係有心思，唔係普通一塊扒或一碟意粉。餐廳由湯、前菜、主菜、伴菜、甜品到飲品，都有唔少選擇，花多眼亂🤤。首先，店員為我哋送上熱辣辣嘅法式麵包🥖，外皮偏硬，但係脆脆的，而且富有麵包嘅香味。最特別之處係，呢到唔係好普通咁搭配快餐牛油，而係用上黑水欖牛油(我都係專登問店員先知🙈)，隻味甘甘地幾正，黑色嘅一點點應該就係橄欖。法國泥蟹湯($78)，湯嘅顏色

特別嘅日子，要黎特別嘅地方食飯無意中比我發現到呢間隱世法國餐廳離地鐵站其實好近，但確實清幽平日晚上時份，人流唔太多Menu選擇算多，另已upoload上比大家參考點菜後先送上餐前麵包熱度令人滿意，先留下第一個好印象我哋各點咗2個starters，2個main1. 香煎鵝肝配鵝肝批無花果芒果莎莎鵝肝味道豐厚，配上芒果莎莎正好中和膩感2. 香煎半熟深海黃鰭吞拿魚配菠菜苗，法國羊奶芝士，無花果黑醋汁上盤前份量令人驚喜食落味道都係，魚煎到半熟，好嫩下面係滿滿嘅菠菜苗食落爽脆清甜，唔會有苦澀味每一塊都平均沾滿咗醬汁，帶此少甜味嘅黑醋，正為我所好法國羊奶芝士味道唔係大眾喜愛，特意另放一邊我倒欣賞佢帶來嘅濃味，將呢道清新嘅菜式帶上另一層次食完starters，接著就幫我哋換碟食主菜A. 法國油封鴨配焦糖蘋果呢個配搭係100分鴨嘅膩感被蘋果嘅酸度中和，而引發出另一個味道鴨肉嫩，皮帶點脆口，好味道B. 美國頂級牛腹肉 12安士熟度我哋叫咗medium係朋友切緊鴨時，我就偷偷先試一舊好驚喜！好tender，肉味香濃Side dish嘅串茄同蒜頭都煎過另外配上2個sauce一個herbs，一個gravy個人