悅滿軒

好耐無係街食過晚餐，好彩政府開番晚市堂食，咁我地兩個人諗左好耐，就黎左悅滿軒。咁order完就比左一份蕃茄包我地先，一入口，好脆，完全唔係放到凍哂硬哂先比我地，入口蕃茄味都好濃，就咁個包都咁驚喜，個下我對依家餐廳有個好高嘅期望。之後黎嘅就係香煎鵝肝配鵝肝批無花果芒果莎莎。咁鵝肝佢係煎得好香，食落唔會好油，係岩岩好。個凍鵝肝批又係好正，入口前都以為會同旁邊嘅煎鵝肝撞味，點知出奇地夾，完全無蓋過佢！再加埋個sauce酸酸甜甜，真係好開胃好好食。個法國油封鴨配焦糖蘋果又係好值得讚！個皮好脆，好夠熱，唔會太油，肉唔會太乾，肉汁完全keep到！之後以為蕉糖蘋果咁甜，會同個鴨唔夾，點知個甜味完全將鴨嘅味帶哂出黎！而個焗阿拉斯加深海比目魚配昆布湯絕對唔hea，見到佢個配料都好多，有蝦有蜆，我仲以為得個比目魚，所以一見到就好surprise!之後食入口，好入味，個魚好滑，仲要無骨！熱辣辣，仲要分量唔少，真係好正！最後就係自家製甜薯條，好彩個分量岩岩好，唔係太多，唔係嘅話會太飽。咁又係岩岩炸起，好熱好脆，仲要係好甜！佢夠幼身，所以入口唔會成口都係，反而會令你想不停食，食多幾條！整體黎講我叫嘅野都真係好好