Day and Nite by Master Kama (Closed)

係旺角食過咁多間樓上cafe，呢間應稱得上最高質的一間係Openrice搵到呢間以龍蝦作主打嘅餐廳，下午仲有6折(但原來只限龍蝦以外嘅食物)，趁住放假特登殺上嚟～下午剛開舖冇乜客顯得頗為冷清，門面冇店員，我仲特登入廚房睇下有冇人係到😅😅環境尚算闊落，長方形格局，粉藍佈置，正宗IG熱門打卡style由於冇其他客所以我地變咗包場😹盡頭有黑板同龍蝦公仔裝飾，忍唔住手抱過嚟影相打卡～Menu十分新淨，原來Day and Nite係指佢地日頭同夜晚有唔同餐牌！★★★★Lobster Roll 龍蝦包 $188麵包烘得好香脆又唔乾，帶有微微蒜蓉香，夾埋d龍蝦肉一齊食十分juicy十分酥軟！另外配有雙色薯條及沙律菜，仲有一小碟乳白色嘅醬汁，酸酸甜甜咁，無論搽落包度定點薯條食，都非常搭配，更添creamy口感不過龍蝦肉就略嫌少咗d，後尾上嚟睇返，原來更多人推介三文治比較抵食～★★★雙重炸薯條 $75配3種醬料：龍蝦芝士醬＆黑松露芝士醬＆蜜糖芥末醬薯條即叫即炸，係粗薯條，份量也不少咬落超香脆超有口感個人覺得龍蝦芝士醬反而唔係太夾到薯條，果然都係黑松露先係皇道★★★★香脆炸雞翼配龍蝦芝士汁 $85雞翼都炸

去年來day and nite by master kama吃生日飯有點不愉快，不過今晚與朋友再來，一改之前觀感，職員友善多了，對客人提問都有問必答，值得一讚它的改善。在下單完畢後，我無聊隨處看看，發現龍蝦鉗造型的霓虹燈蠻有型的，加上day and nite by master kama的招牌正好倒影在玻璃窗，挺有風格，並可突顯龍蝦菜式是它的主打。龍蝦是master kama的熱賣菜式，自然地龍蝦也融入小食當中，香脆炸雞翼配龍蝦芝士汁便是其中一款。龍蝦汁與雞翼各自分開上桌，為了保持龍蝦汁的濃郁香氣，一直以小火加熱，讓龍蝦汁鮮美度維持下去。雞翼外皮炸得酥脆無比，亳不油膩，內裡雞肉嫩得很，加上濃厚的芝士絲增援，雞翼酥炸的雞皮沾點龍蝦汁後沒因而軟掉，這方面十分出色。雞翼鹹度也不會太鹹，吃起來非常剛好，雞翼配蝦蝦汁是不錯的組合。Mint-lemonade以新鮮檸檬打成汁，搭配上清爽的薄荷香葉，讓整杯Mint-lemonade充滿清爽的香氣，嫩綠色的Mint-lemonade看起來也心曠神怡起來，酸酸的滋味討人喜歡。我愛透這龍蝦芝士mac n cheese長通粉，鮮香又彈牙的長通粉驚喜萬分。龍蝦

今天與朋友到旺角逛罷波鞋街，眼前就是人氣海鮮餐廳 Master Kama，累透的我們二話不說即上去開餐~ 法式干邑龍蝦湯，微温的龍蝦湯質感濃稠，啖啖龍蝦的鮮甜味，湯中的龍蝦肉扎實彈牙，配多士及車厘茄吃更能豐富口感，令人垂涎欲滴!香脆炸雞翼配龍蝦芝士汁， 雞翼炸得金黃香脆，雞肉多汁嫩滑，撒上芝士絲及紫菜，再蘸上温熱濃稠的龍蝦醬汁，味道濃郁，香口惹味!意式龍蝦薄餅，賣相吸引，餅皮邊薄脆帶焦香，餅底軟腍煙靭，鋪滿車打芝士/龍蝦肉/鹹香煙肉/茄醬等，餡料豐富，而火箭菜及生菜更添清新滋味，平衡整體油膩感!雙重炸薯條，薯條香脆，南瓜條香甜，伴上三款醬料: 龍蝦醬/黑松露醬/檸檬蛋黃醬，各具特色，龍蝦及黑松露味濃香突出，檸檬蛋黃醬清新滋味，自由配搭，是大家最愛的小食!草莓女孩，茶具組十分別緻可愛，花茶散發出陣陣的草莓果香，酸中帶甜，中和飽滯感，暖胃可口，難怪是該店No.1熱賣果茶!整餐以龍蝦為主，豐盛滋味，蔬菜比例適中，吃後不覺飽滯，口中留有龍蝦餘韻，龍蝦迷定必愛上!

星期一七點左右同朋友黎, 人唔太多, 唔太嘈餐牌都好有心思雖然呢度龍蝦比較出名 但餐牌嘅其他食物都好吸引 所以我地都係隨心叫左啲野食呢杯Unicorn Dream 睇餐牌覺得好靚 係波子汽水提子味 好似兒時嘅唧唧冰加奶咁 又唔會太甜好期待配龍蝦汁嘅雞翼 都幾好味 但$78四隻 又唔太值呢個價錢奇怪地我同朋友都好想食粟米 所以叫左好普通嘅焗牛油粟米 雖然唔太特別 但好香牛油味 上面仲有層芝士 最後我地好飽好飽都忍唔住食晒最後黎嘅吉列牛扒配忌廉咖喱撈烏冬真係好好味 肉質鮮美 外脆內軟 烏冬creamy 令人好滿足!

上星期我同朋友仔訂左位，去一間食龍蝦包既日式西餐廳！聽聞這間日式西餐廳既水準唔錯！加上我之前係日本大阪食過一間龍蝦包後，就對龍蝦包產生左一種情意結！這間餐廳位於旺角鬧市中既樓上鋪！完全置身於鬧市中寧靜既一角！可以慢慢享受龍蝦包及其他美食！我地頭盤ORDER左一碟香脆雞翼配龍蝦汁個汁簡直係一流！龍蝦汁完全包圍任整隻雞翼！另外，ORDER左一碟章魚小丸子！這個比較失望！因為小丸子內既饀料太少了章魚粒都無食完頭盤！當然到主菜啦！龍蝦匯龍蝦匯包三款菜！薯條配龍蝦包！半隻龍蝦！龍蝦海鮮湯烏冬！龍蝦包！啖啖肉！配埋龍蝦汁！簡直一流！半隻龍蝦仔！就不過不失啦！蝦肉比較少！不過都好好味！鮮味十足！龍蝦湯烏冬比想像中吸引！每一條烏冬都被龍蝦汁包圍住！入晒味再加埋海鮮配料同半隻龍蝦！鮮味十足幾個fd爭住食！差d唔夠分最後，每人來一碗龍蝦茶碗蒸茶味香濃！齒夾留香！蒸蛋滑蛋面仲有龍蝦肉

旺角到處都係美食，行完街，經過呢度，都幾多人等位，一於試下，等左陣，好快就有位。呢度主打龍蝦菜式，我地當然唔會「倒行逆施」，一於龍虾龍到底(除左甜品)~湯之中龍蝦湯係我至愛，先嚟個法式干邑龍蝦湯 - 濃濃龍蝦味，過咸，但口感細滑。配上一條多士，好靚。呢度最出名係Kama龍蝦匯，有齊龍蝦包、烤蒜蓉牛油龍蝦半隻、龍蝦什錦海鮮石鍋湯烏冬/飯。我哋都未叫，隔離枱已經嚟左鍋烏冬，香味四溢到我地都聞到，既然龍蝦匯都包埋，唔諗咁多，決定叫。一上枱已經擺好靚，好吸引。一籃子炸薯條，仲有埋炸蕃薯條，幾特別。龍蝦包 - 個包好大個，夾滿晒拆左殼嘅龍蝦肉，啖啖肉好滋味。烤蒜蓉牛油龍蝦半隻 - 肉質非常彈牙，仲有好多龍蝦膏。龍蝦什錦海鮮石鍋湯烏冬 -  熱辣辣嘅湯底好鮮甜，烏冬彈牙，大碗而且足料。香脆炸雞翼配龍蝦芝士汁 - 一共有四隻雞翼都算大隻，炸到鬆脆的外層鋪左芝士碎，幾match幾好味。龍蝦芝士汁有火暖住，特別惹味。(個火經常熄，但侍應都不厭其煩幫我地點返著)個醬汁碗嘅直徑太短，雞翼唔可以打橫去點個醬料。建議餐廳俾隻細匙羮食客加啲汁，或者乾脆搵個大少少器皿。甜品有六款選擇，店員話都幾多人叫Apple C