i kitchen (Closed)

對上一次嚟「i Kitchen」已經差不多接近5年前嘅事，當時，已經有相當多餐廳進駐入觀塘廠廈，隨時間過去，就算喺疫情之下，餐廳嘅數目都好似有增無減，競爭應該都幾大，然而，仲喺屹立不倒，就自不然有其實力。同啲老友食飯，當然揀啲好嘅、有質素架啦。 再訪，感覺內裡嘅環境喺唔同咗少少，雖然，都仲喺以黑白為主色調，加上一啲藍光燈效，但可能基於疫情關係，搬走咗啲大梳化椅，啲枱櫈變得闊落咗，空間感多咗，感覺幾唔錯。雖然整體環境較昏暗，但裝置咗唔少聚焦燈，枱上又有小燭臺嚟營造氣氛，所以，不失情調。  翻一翻餐牌，分門別類為前菜、小食、湯品、意大利麵 / 意大利飯、薄餅、主菜、二人套餐、甜品及飲品，選擇依然多。 朱古力咖啡 $32 先嚟啲凍飲，小弟今晚就想飲飲朱古力咖啡，杯面唧咗好多忌廉，所以，睇落真喺唔錯，而朱古力跟咖啡嘅味道都好平衡，攪埋啲忌廉落去，就更香滑。棉花糖鮮奶朱古力 $32 我以為友人杯朱古力會跟我嘅差唔多，都喺唧層忌廉，但原來喺打咗層奶泡，撈均啲朱古力，佢話非常香滑，而朱古力味卻好濃郁。 抹茶鮮奶 $38 講到賣相靚，就應該以呢一杯抹茶鮮奶靚喇，因為一層翠綠色由上而下慢慢沉澱、變化。友

觀塘區工廈一向卧虎藏龍，有不少優質餐廳。今晚和友人試試這家西餐廳。工廈餐廳門口雖不起眼，但內𥚃裝修是雅致的。餐牌選擇不少，與友人貪吃點了數款分著吃。香脆魷魚圈: 餐前小食點了份魷魚圈，一碟有10件，份量十足。魷魚圈炸得非常香脆，配上泰式辣醬很惹味。旁邊的沙律亦很有誠意，上面刨了我最愛的Parmesan Cheese。作為餐前小食非常不錯。黑松露野菌茸湯: 想飲一個熱湯暖暖胃但怕太飽，點了一客一起分享。湯中飲到啖啖野菌茸，非常香濃，愛菇之人要試。輕煎北海道刺身帶子•黑松露墨魚汁意粉: 其中一個主食點了意粉。刺身帶子輕輕煎過，外邊帶點焦香內𥚃仍保持軟滑。意粉是完美的Al dente，汁醬creamy並加了洋蔥和蒜提升香味，不錯。照燒美國穀飼牛肩胛(+$68配厚切鵝肝): 我倆既想吃牛又想吃鵝肝，但又不太喜歡牛柳，決定選牛肩胛另加錢配鵝肝。牛肩胛職員表示因部位關係故只能做約7成，未能做到5成效果，來到的時候切開中間其實仍是漂亮的粉紅色，生熟度對個人來說其實剛好，嫩滑且有牛味，帶陣陣炭燒香，不沾醬也很好吃。鵝肝有脂香，可能擺放了一會熟了一點，上桌即吃相信會更岀色。整體質素不錯，價錢合理，選擇亦

餐廳位於工廈之內，鄰近ＡＰＭ前往方便。餐廳環境舒適光線柔和，藍光下營造了不少浪漫氣氛，算係拍拖食飯好地方。美食選擇多，主菜加$58轉套餐更抵食，叫了的薄餅更是給了我驚喜，好味到不得了呀！芝麻雞翼 $68雞皮燒得香口，肉質嫩滑，每人兩隻足矣。香脆魷魚圈 $68魷魚圈有十圈多份量唔少，外皮香脆唔油膩，魷魚易咬兼彈牙，仲有雞醬可醮，不錯的小食。煙三文魚牛油梨薄餅 $148煙三文魚佈滿整塊薄餅非常慷慨，下層夾住煙韌嘅芝士，再下層是美味的千島醬加入口即溶的牛油果和蘑菇，配埋脆卜卜的薄批餅底。口感味道豐富，超級好食，強烈推介此薄餅必食。套餐：烤虎蝦,香辣蕃茄銀魚柳意粉 $148+($58轉套餐)大虎蝦兩隻蝦肉彈牙，意粉係蕃茄汁底，味道酸甜微辣開胃好味。套餐：凍檸檬水正正常常，只因自己落糖。套餐：南瓜忌廉濃湯忌廉湯甜美口感滑滑。套餐：芝士煙肉大啡菇大啡菇口感彈牙，配埋芝士煙肉咸香美味，仲有新鮮沙律菜清新爽口。套餐：芒果慕絲蛋糕細細件賣相掂，以果醬劃花圖案睇落幾靚，讚下先。芒果慕絲味道酸甜，口感輕盈順滑，唔錯。

今晚嚟到觀塘嘅ikitchen，落咗巴士行幾分鐘就到啦。我哋叫咗兩個主菜，之後再叫多份小食香脆魷魚圈，最鍾意脆卜卜香口嘅食物。而且加$58就可以轉做套餐，有頭盤海膽忌廉海鮮撻、餐湯同甜品呢，都好抵呀~ 頭盤嘅海膽忌廉海鮮撻，撻皮脆脆地又甜甜地，仲啖啖都有海鮮呀！先上嘅喺厚切美國黑安格斯肉眼，五成熟度啱啱好，肉質細嫩而且牛肉味道濃，油脂入口即溶呀，加埋醬汁yumyum！而醬燒美國豬仔肋骨，肉質好軟熟，而且肉汁豐富，食完都覺得東好邪惡呀。最後唔少得嘅緊喺甜品啦~

2019年8月26日 星期一終於放完假要重拾心情準備返工，但係好明顯仲係放假mode，咩都唔想做，夜晚仲同女朋友出去觀塘食飯，諗住食完餐好嘅就努力工作今次嘅地點係工厦裡面，位置唔算太難搵，不過一睇門口完全唔知裏面係餐廳黎入到去好光猛，位置唔算太迫，坐得好舒適餐牌上面都有好多選擇，價錢都算合理，主菜仲可以加錢升級做套餐，會有餐湯、前菜同甜品添大蒜煙肉薯仔湯好濃薯仔既香味，一d都唔稀，飲落去仲食到有一舊舊煙肉，配埋手指餅一齊食仲夾海膽忌廉海鮮撻個撻皮好脆，啱啱焗好咁，裏面有幾款唔同嘅海鮮，食落去仲有淡淡既海膽味香脆魷魚圈分量幾多，仲炸得好香脆，外皮唔太厚，食落去魷魚好彈牙香煎厚切鵝肝伴紐西蘭牛柳鵝肝勁大件，放咗喺牛柳上面，一齊食入口即融，感覺好似食緊和牛咁，擺盤都好有心思，蔬菜放得好靚羅勒醬煮紐西蘭托托蜆野菌天使麵菜式一送到嘅時候見到有好大隻蜆，肉質好有咬口，裡面完全感覺唔到有沙，天使麵原來份量都唔少，煮得好入味，配埋野菌一齊食仲夾是日甜品擺盤好精美，甜品係藍莓芝士蛋糕，感覺好幼滑，甜甜酸酸咁，旁邊嘅裝飾其實係生果粒黎，撈埋一齊食感覺會冇咁膩7:30前埋單原來仲有全單九折，者係唔需要加一，

自從啲餐廳進駐入廠廈，就多咗嚟觀塘區食飯，漸漸去工廠區搵食都變得一啲都唔陌生，而且，工廠區內真喺卧虎藏龍。差唔多半年前同朋友食完飯，話遲啲再約過賀聖誕，講講吓農曆年都過埋，卒之都約得成事，造就今晚嘅飯聚。雖然廠廈內嘅餐廳，一向俾人嘅感覺都好大好闊落，但入到嚟i Kitchen，有種廠廈「小店」嘅感覺，因為地方無想像中咁大，一室以黑色為主格調，襯白色餐枱，配點藍色霓虹光，帶點玄幻，感覺又有啲似間酒吧。由於全店配備真皮梳化椅，其實，都幾好坐。雖然整體環境較昏暗，但裝置咗唔少聚焦燈，枱上又有小燭臺嚟營造氣氛，所以，不失情調。晌等候友人期間，細閱一下餐牌，分門別類為前菜、小食、湯品、意粉 / 意大利飯、主菜、甜品及飲品。其實亦有晚市套餐供應，4道菜，包括前菜、餐湯、主菜、甜品及餐飲，定價於$188-$346，視乎所選嘅主菜。不過，惠顧主餐牌中嘅意粉、意大利飯、主菜，都可以加$48變成套餐，即喺有埋前菜、餐湯、甜品及餐飲，非常划算。香脆魷魚圈 $68本來都無諗過點小食，不過，店長推介依一味魷魚圈，話好多熟客試過都會再食，亮點喺佢哋會用新鮮魷魚做，果然，啲魷魚入口喺鮮甜柔軟好多，加上脆漿唔太厚，又